ନୂଆଦିଲ୍ଲୀ,୨୨/୧୦: ଗୁଗଲ ଏହାର ଲିଡରଶିପ ଟିମ୍ରେ ବଡ ପରିବର୍ତ୍ତନ କରିଛି । ଭାରତୀୟ ବଂଶୋଦ୍ଭବ ପ୍ରଭାକର ରାଘବନଙ୍କୁ କମ୍ପାନି ଏହାର ମୁଖ୍ୟ ଟେକ୍ନୋଲୋଜି ଅଫିସର(ସିଟିଓ) ଭାବେ ଅବସ୍ଥାପିତ କରିଛି । ଗୁଗଲ ଏବେ ଏଆଇ କ୍ଷେତ୍ରରେ ଦ୍ରୁତ ଭାବେ ଅଗ୍ରସର ହେଉଛି । ଫଳରେ କମ୍ପାନି ଏହାର ଟିମ୍କୁ ପୁନଃ ସଙ୍ଗଠିତ କରୁଛି । ଗୁଗଲ ଏବେ ମାଇକ୍ରୋସଫ୍ଟ ଭଳି କମ୍ପାନି ସହ ଏଆଇ କ୍ଷେତ୍ରରେ ପ୍ରତିଯୋଗିତା କରୁଛି । ସର୍ଚ୍ଚ ଆଲଗୋରିଦମ କ୍ଷେତ୍ରରେ ରାଘବନଙ୍କୁ ଏବେ ବିଶ୍ୱର ସବୁଠୁ ପ୍ରଭାବଶାଳୀ ବ୍ୟକ୍ତିତ୍ୱ ବୋଲି କୁହାଯାଉଛି । ୧୨ ବର୍ଷ ପୂର୍ବେ ସେ ଗୁଗଲରେ ଯୋଗ ଦେଇଥିଲେ । କମ୍ପାନିରେ ଗୁଗଲ ସର୍ଚ୍ଚ ଭଳି ବଡ଼ ଦାୟିତ୍ୱ ସମ୍ଭାଳିଥିଲେ । ତାଙ୍କୁ ବାର୍ଷିକ ୩୦୦ କାଟି ଟଙ୍କାର ପ୍ୟାକେଜ ମିଳିବ ।
