ମୁମ୍ବାଇ,୧୯/୧୧: ବଲିଉଡ ଚଳଚ୍ଚିତ୍ର କରନ ଅର୍ଜୁନକୁ ଖୁବ ପସନ୍ଦ କରିଥିଲେ ଦର୍ଶକ । ୩୦ ବର୍ଷ ପରେ ପୁଣି ଥିଏଟରରେ ରିଲିଜ ହେବାକୁ ଯାଉଛି ଏହି ଚଳଚ୍ଚିତ୍ର । ପୁଣି ଥରେ ସ୍କ୍ରିନରେ ଫିଲ୍ମକୁ ଦେଖିବେ ଦର୍ଶକ । ନଭେମ୍ବର ୨୨ ତାରିଖରେ ପୁଣି ଥରେ ରିଲିଜ ହେବ ରାକେଶ ରୋଶନଙ୍କ ନିର୍ଦ୍ଦେଶିତ କରନ ଅର୍ଜୁନ ଫିଲ୍ମ । ଜାଣିଛନ୍ତି କି ଅଭିନେତା ଗୁଲସାନ ଗ୍ରୋଭର ସୁଟିଂ ପରେ ବି ଫିଲ୍ମ ଛାଡିଥିଲେ । ଏହି ରୋଚକ ପ୍ରଶ୍ନର ଉତ୍ତର ଜାଣିବାକୁ ପଢନ୍ତୁ ସମ୍ପୂର୍ଣ୍ଣ ଖବର ।
ଆଇକନିକ ଫିଲ୍ମ କରନ ଅର୍ଜୁନର ନିର୍ଦ୍ଦେଶକ ରାକେଶ ରୋଶନ କହିଛନ୍ତି, ଗୁଲସାନ ଗ୍ରୋଭରଙ୍କୁ ସେ ତାଙ୍କ ଫିଲ୍ମରୁ ଅଲଗା କରିଥିଲେ । ଅମରେଶ ପୁରୀଙ୍କ ପୁଅ ଚରିତ୍ରରେ ସେ ସୁଟିଂ ଆରମ୍ଭ କରି ଦେଇଥିଲେ । ଏହା ପରେ ବି ତାଙ୍କୁ ଫିଲ୍ମରୁ ବାଦ୍ କରାଯାଇଥିଲା । ଗୁଲସାନ ଦୁଇ ତିନି ଦିନ ସୁଟିଂ ଆରମ୍ଭ କରି ଦେଇଥିଲେ । ସେ ସବୁ ବେଳେ ସେଟ୍କୁ ବିଳମ୍ବରେ ଆସୁଥିଲେ । ମୁଁ ତାଙ୍କୁ ୧୧ଟା ବେଳେ କହିଲେ ସେ ଅପରାହ୍ନ ୩ଟାରେ ସେଟକୁ ଆସୁଥିଲେ । ସେତେବେଳେ ସେ ବହୁତ ଫିଲ୍ମ ହାତକୁ ନେଇଥିଲେ ମୁଁ ତାଙ୍କୁ କହିଥିଲି ମୋ ସହ ଏପରି ଚାଲିବ ନାହିଁ । ସମୟକୁ ନେଇ ମୁଁ ବୁଝାମଣା କରି ପାରିବି ନାହିଁ । ମୋତେ ଏହା ପସନ୍ଦ ନୁହେଁ । ମୋତେ ଲାଗୁଛି ଆମକୁ ଅଲଗା ହୋଇଯିବା ଉଚିତ୍ । ଏହା ପରେ ସେ ଚାଲି ଯାଇଥିଲେ ।'
କାହାଣୀ, ଚରିତ୍ର, ସଂଙ୍ଗୀତ ପାଇଁ କରନ-ଅର୍ଜୁନ ଫିଲ୍ମ ବେଶ୍ ସଫଳତା ହାସଲ କରିଥିଲା । ଆଇକନିକ ଫିଲ୍ମରେ ଦୁଇ ଖାନ୍ ନଜର ଆସିଥିଲେ । ଶାହରୁଖ ଖାନ, ସଲମାନ ଖାନ, କାଜୋଲ, ଅମରେଶ ପୁରୀଙ୍କ ଭଳି ଅଭିନେତା ଅଭିନେତ୍ରୀ ଏଥିରେ ଦେଖିବାକୁ ମିଳିଥିଲେ । ସେଟକୁ ଲେଟରେ ଆସିବାରୁ ଅଭିନେତା ଗୁଲସାନ ଗ୍ରୋଭର ସୁଟିଂ ପରେ ବି ଫିଲ୍ମରୁ ବାଦ ପଡିଥିଲେ । ତାଙ୍କ ସ୍ଥାନରେ ଅମରେଶ ପୁରୀଙ୍କ ପୁଅ ଚରିତ୍ରରେ ଆସିଫ ଶେଖ ଭୂମିକା ତୁଲାଇଥିଲେ ।
