ଭୁବନେଶ୍ଵର, ୦୭/୦୩ : ବିଧାନସଭାରେ ‘ବିଜୁ ଝଡ଼’। ଦ୍ଵିତୀୟ ପର୍ଯ୍ୟାୟ ଅଧିବେଶନ ଆରମ୍ଭରୁ ଗୃହ ହୁଲୁସ୍ତୁଲୁ। ପ୍ରଶ୍ନକାଳ ଆରମ୍ଭରୁ ପ୍ରବଳ ହଟ୍ଟଗୋଳ। ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କୁ ଅସମ୍ମାନ ପ୍ରସଙ୍ଗରେ କମ୍ପିଲା ଗୃହ। ମଧ୍ୟାହ୍ନ ୧୨ଟା ଯାଏଁ ଗୃହ ମୁଲତବୀ ଘୋଷଣା କଲେ ବାଚସ୍ପତି।
ସୂଚନାନୁଯାୟୀ, ରାଜ୍ୟସ୍ତରୀୟ ପଞ୍ଚାୟତିରାଜ ଦିବସକୁ ବିଜୁ ଜୟନ୍ତୀ ଦିନରୁ କାହିଁକି ବାତିଲ କରାଗଲା ସେନେଇ ବିଜେଡି ସଦସ୍ୟ ପ୍ରତିବାଦ କରିବା ସହ ନାରାବାଜି କରିଥିଲେ। ଅନ୍ୟପଟେ ମହିଳାଙ୍କ ସୁରକ୍ଷା ପ୍ରସଙ୍ଗ ଉଠାଇ କଂଗ୍ରେସ ବିଧାୟକ ପ୍ରତିବାଦ କରିଥିଲେ। ଗୃହ ମଧ୍ୟ ଭାଗରେ ପ୍ଲାକାର୍ଡ ଦେଖେଇ ହୋହାଲ୍ଲା କରିଥିଲେ। ବିଜେଡି ବିଧାୟକ ଅଧୀରାଜ ପାଣିଗ୍ରାହୀ ଏବଂ କଂଗ୍ରେସ ବିଧାୟକ ତାରା ବାହିନୀପତି ପୋଡିୟମ ଉପରକୁ ଚଢିବାକୁ ଉଦ୍ୟମ କରିଥିଲେ।
ବିଧାନସଭା ଆରମ୍ଭ ହେବା ପୂର୍ବରୁ କଂଗ୍ରେସ ବିଧାୟକମାନେ ପ୍ରଥମେ ପ୍ରତିବାଦ କରିଥିଲେ। ରାଜ୍ୟରେ ବିପର୍ଯ୍ୟସ୍ତ ଆଇନ ଶୃଙ୍ଖଳା ନେଇ ବିଧାନସଭା ପରିସରରେ ଥିବା ଗାନ୍ଧୀ ମୂର୍ତ୍ତି ତଳେ ପ୍ରତିବାଦ କରିଥିଲେ।
ଏହି ଖବରଟିକୁ ପଢନ୍ତୁ-୧୪ରେ ଶ୍ରୀମନ୍ଦିରରେ ଦୋଳପୂର୍ଣ୍ଣିମା: ସକାଳ ୮ରୁ ରାତି ସାଢ଼େ ୧୦ ଦାରୁଦିଅଁଙ୍କ ସୁନାବେଶ
