ନୂଆଦିଲ୍ଲୀ : ଆପଣ କେବେ ଭାବିଛନ୍ତି ଏମିତି ଦିନ ଆସିବ, ଯେବେ କ୍ଷେତ ନିଜେ କହିବ ତାକୁ କେତେବେଳେ ଜଳ ଦରକାର , ସାର ଓ ଖତ କେବେ ଦିଆ ଯିବ ଏବଂ କେଉଁ ଫସଲ ଅଧିକ ଲାଭକାରୀ ହେବ ? ଏବେ ଏହି ସ୍ୱପ୍ନ ଧିରେ ଧିରେ ବାସ୍ତବ ହେବାକୁ ଯାଉଛି। ଆର୍ଟିଫିସିଆଲ ଇଣ୍ଟେଲିଜେନ୍ସ ବା ଏଆଇ କୃଷିକୁ ଏକ ନୂଆ ସ୍ମାର୍ଟଯୁଗକୁ ନେଇ ଯାଉଛି। ଏଆଇ ମାଟିର ସ୍ଥିତି , ପାଣିପାଗ , ଆର୍ଦ୍ରତା ଓ ଫସଲର ଆବଶ୍ୟକତାର ସଂପୂର୍ଣ୍ଣ ତଥ୍ୟକୁ ବୁଝି ଚାଷୀଙ୍କୁ ସଠିକ୍ ପରାମର୍ଶ ଦେଇଥାଏ। ଏଥିରେ ଚାଷ କାର୍ଯ୍ୟ ସହଜ ହେବା ସହ ଚାଷୀ କମ୍ ପରିଶ୍ରମରେ ଅଧିକ ଉତ୍ପାଦନ ପାଇପାରିବେ।
ଏବେ କୃଷିକାର୍ଯ୍ୟର ଦେଖାଶୁଣା କେବଳେ ଆଖିରେ ନୁହେଁ , ବରଂ ସେନ୍ସର ,ଡ୍ରୋନ୍ ଓ ମୋବାଇଲ ଆପ୍ସ ଦ୍ୱାରା ହେଉଛି।ଏଆଇ ଆଧାରିତ ସିଷ୍ଟମ ନିରନ୍ତର କ୍ଷେତର ମାଟିର ଆର୍ଦ୍ରତା , ତାପମାତ୍ରା ଓ ଫସଲର କ୍ଷମତା ଉପରେ ନଜର ରଖୁଛି। ଯଦି କୌଣସି ଗଛରେ ରୋଗ କିମ୍ୱା କୀଟ ଲାଗିବାର ବିପଦ ଦେଖାଦିଏ , ତ ସିଷ୍ଟମ ପୂର୍ବରୁ ଆଲର୍ଟ ପଠାଇ ଦିଏ। ଏହାସହ କୃଷକ ସଠିକ୍ ସମୟରେ ଏହାର ସମାଧାନ କରି ପାରନ୍ତି ଏବଂ ଫସଲକୁ କ୍ଷତି ହେବାକୁ ରକ୍ଷା କରି ପାରନ୍ତି। ଏହି ଟେକ୍ନୋଲଜି କ୍ଷେତକୁ ପୂର୍ବାପେକ୍ଷା ଖୁବ୍ ଅଧିକ ସୁରକ୍ଷିତ ଓ ଭରସା ଯୋଗ୍ୟ କରୁଛି।
ଆହୁରି ମଧ୍ୟ ପଢନ୍ତୁ : Marriage Return Gift : ବରଯାତ୍ରୀଙ୍କୁ ରିଟର୍ଣ୍ଣ ଗିଫ୍ଟରେ ବର ଦେଲେ ୩୩କୋଟି, ପୂରା ଗାଁରେ ଖୁସିର ମାହୋଲ
ଏଆଇ ଫାର୍ମିଂରେ ସବୁଠୁ ବଡ଼ ଫାଇଦା ଏହା ଯେ, ଏହା ସଠିକ୍ ସମୟରେ ସଠିକ୍ ନିର୍ଣ୍ଣୟ ନେବାରେ ସାହାଯ୍ୟ କରେ। ଯେମିତି କି କେବେ ବୁଣିବେ, କେତେ ଜଳସେଚନ କରିବେ ଏବଂ କେତେ ସାର ପ୍ରୟୋଗ କରିବେ। AI ଏହି ସମସ୍ତ ସୂଚନା ପୂର୍ବରୁ ପ୍ରଦାନ କରେ। ଏହା ପାଣି, ସାର ଏବଂ କୀଟନାଶକର ଅପଚୟକୁ କମ କରିଥାଏ, ଯାହା ଦ୍ଵାରା ଚାଷ ଖର୍ଚ୍ଚ ହ୍ରାସ କରିଥାଏ। ଏହା ବ୍ୟତୀତ, ଉନ୍ନତ ଫସଲ ଗୁଣବତ୍ତା ଉତ୍ତମ ବଜାର ମୂଲ୍ୟ ଆଣିଥାଏ, ଯାହା ଚାଷୀମାନଙ୍କ ପାଇଁ ରୋଜଗାର ବୃଦ୍ଧି କରିଥାଏ। କିଛି AI ସିଷ୍ଟମ ଏପରି ମଧ୍ୟ ସୂଚାଇଥାଏ ଯେ କେଉଁ ଫସଲ ଚାଷ କରିବା ସବୁଠାରୁ ଲାଭଦାୟକ ହେବ।
ଭବିଷ୍ୟତର ଚାଷ : ସ୍ମାର୍ଟ ଚାଷୀ, ମଜବୁତ ଭାରତ
ଆଗାମୀ ଦିନରେ, ଏଆଇ ଚାଷକୁ ଆହୁରି ସହଜ ଓ ଆଧୁନିକ କରିବ। ସରକାର ଏବଂ ଟେକ୍ କମ୍ପାନୀଗୁଡ଼ିକ ମିଳିତ ଉଦ୍ୟମରେ ଏକ ଏମିତି ଡିଜିଟାଲ୍ ଉପକରଣ ବିକଶିତ କରିବାକୁ ଯାଉଛନ୍ତି , ଯାହା ଚାଷୀମାନଙ୍କୁ ସେମାନଙ୍କ ମୋବାଇଲ୍ ଫୋନରେ ସବୁ ସୂଚନା ପ୍ରଦାନ କରିବ। ଏଥିରେ କ୍ଷୁଦ୍ର ଚାଷୀମାନେ ମଧ୍ୟ ଉନ୍ନତ ଟେକନିକର ଲାଭ ଉଠାଇବାକୁ ସକ୍ଷମ ହେବେ । ଧୀରେ ଧୀରେ, ଚାଷ ଏକ ଏପରି ସିଷ୍ଟମରେ ବଦଳୁ ଅଛି , ଯେଉଁଠାରେ ପ୍ରଯୁକ୍ତିବିଦ୍ୟା ଏବଂ ସୂଚନା ସମାନ ଭୂମିକା ଗ୍ରହଣ କରିବ। ଏହି ପରିବର୍ତ୍ତନ ଚାଷୀଙ୍କ ଆୟ ବୃଦ୍ଧି କରିବ, ସେମାନଙ୍କୁ ଆତ୍ମନିର୍ଭରଶୀଳ କରିବ ଏବଂ ଚାଷକୁ ଏକ ନୂତନ ପରିଚୟ ଦେବ।
ଦେଖନ୍ତୁ ଭିଡିଓ - ପ୍ରେମ-ଯନ୍ତ୍ରଣା-ବିଚ୍ଛେଦ, କେମିତି ପ୍ରଧାନମନ୍ତ୍ରୀ ହେଲେ ମେଲୋନୀ ?
