ନୂଆଦିଲ୍ଲୀ : ହାଇଦ୍ରାବାଦର ଜଣେ ସଫ୍ଟୱେୟାର ଇଞ୍ଜିନିୟର ସୋସିଆଲ ମିଡ଼ିଆରେ ଖୁବ୍ ଚର୍ଚ୍ଚାକୁ ଆସିଛନ୍ତି। ଏହାର କାରଣ ସେ ଏକ ଆକର୍ଷଣୀୟ ଆଇଟି କ୍ୟାରିୟର ଛାଡ଼ି ସରକାରୀ ସବ୍-ଇନ୍ସପେକ୍ଟରର ଚାକିରି ପାଇଁ ଆବେଦନ କରିବାରୁ ଇଚ୍ଛା କରିଥିଲେ , ଯାହା କି ବେତନ ଠାରୁ ଅଧିକ ଚାକିରିର ସ୍ଥିରତାର ବାସ୍ତବିକତା ମୂଲ୍ୟକୁ ଦର୍ଶାଉଛି।

ବାର୍ଷିକ ୨୮ ଲକ୍ଷ ଟଙ୍କା ଆୟ କରୁଥିବା ଏକ ଟେକ୍ ବିଶେଷଜ୍ଞ ପୁଲିସ ନିଯୁକ୍ତି ପରୀକ୍ଷା ପାଇଁ ପଢାପଢି କରିବାକୁ ବିଚାର କରୁଛନ୍ତି , ଯାହାକୁ ପାସ୍ କରିବା ପରେ ତାଙ୍କୁ ପ୍ରାୟ ୬୦ ହଜାର ଟଙ୍କାର ମାସିକ ଦରମା ମିଳିବ। ତାଙ୍କର ପତ୍ନୀ ଏକ୍ସରେ ଏହି କଥାକୁ ବ୍ୟକ୍ତ କରିଛନ୍ତି ,ଯେଉଁଥିରୁ କାର୍ଯ୍ୟ-ଜୀବନ ସନ୍ତୁଳନ , ଆର୍ଥିକ ସଂଯମ ଓ ସରକାରୀ ସେବାର ସୁବିଧା ଉପରେ ଆଲୋଚନା ଆରମ୍ଭ ହୋଇ ଯାଇଛି।

ଏହି ବିବାଦ ସେତେବେଳେ ଆରମ୍ଭ ହୋଇଛି , ଯେତେବେଳେ ଟେକ୍ନିସିଆନଙ୍କର ପତ୍ନୀ ଏକ୍ସରେ ସମ୍ଭାବିତ କ୍ୟାରିୟର ପରିବର୍ତ୍ତନ ସମ୍ୱନ୍ଧରେ ପରାମର୍ଶ ମାଗିଥିଲେ। ସେ କହିଥିଲେ ଯେ , ଏହି ନିଷ୍ପତ୍ତି ପରିବାରର ଆର୍ଥିକ ସୁରକ୍ଷା ପାଇଁ ବିଶେଷ ଭାବେ ଗୁରୁତ୍ତ୍ୱପୂର୍ଣ୍ଣ , କାରଣ ତାଙ୍କର ଜଣେ ୩ ବର୍ଷବୟସର ପିଲା ଅଛି ଏବଂ ହାଇଦ୍ରାବାଦର ଆଇଟି କମ୍ପାନୀରେ ଜବ୍ କରିବାର ତାଙ୍କର ୧୦ ବର୍ଷିର ଅଭିଜ୍ଞତା ରହିଛି।

ନିଜର ପେଶାଦାର ଓ ଆର୍ଥିକ ସ୍ଥିତିକୁ ବ୍ୟକ୍ତ କରି ନେହା ସିଙ୍ଘଲ ଲେଖିଛନ୍ତି , ମୁଁ ଓ ମୋର ସ୍ୱାମୀ ଗତ ୧୦ ବର୍ଷରୁ ହାଇଦ୍ରାବାଦରେ ସଫ୍ଟୱେୟାର ଇଞ୍ଜିନିୟର ଭାବେ କାମ କରୁଛୁ। ତାଙ୍କର ଦରମା ୨୮ ଲକ୍ଷ ଟଙ୍କା ଏବଂ ମୋର ୨୫ ଲକ୍ଷ ଟଙ୍କା। ସବ୍-ଇନ୍ସପେକ୍ଟରର ଦରମା ପ୍ରତି ମାସରେ ପ୍ରାୟ ୬୦ ହଜାର ଟଙ୍କା ହେବ। ପରୀକ୍ଷାର ପ୍ରସ୍ତୁତି କରିବା କଣ ସଠିକ୍ ନିଷ୍ପତ୍ତି ହେବ ?

ଏହି ପୋଷ୍ଟ ଦେଖୁ ଦେଖୁ ଭାଇରାଲ ହୋଇଛି ଏବଂ ଏହା ଉପରେ ଅନେକ ପ୍ରତିକ୍ରିୟା ଆସିଛି, ଯେଉଁଥିରେ ଲୋକଙ୍କ ରାୟ ପୂରା ଅଲଗା ଥିଲା। କିଛି ଲୋକ ପ୍ରାଇଭେଟ୍ କ୍ଷେତ୍ରର ସୁରକ୍ଷିତ ଚାକିରି ଛାଡ଼ିବାର ବିପଦ ଓ ଦରମାରେ ଖୁବ୍ କ୍ଷତି ଉପରେ ଜୋର ଦେଇ ଥିବା ବେଳେ ଆଉ କିଛି ସରକାରୀ ପଦର ପ୍ରତିଷ୍ଠା ଓ ସ୍ଥିରତାକୁ ଗୁରୁତ୍ତ୍ୱ ଦେଇଛନ୍ତି।

ଆହୁରି ମଧ୍ୟ ପଢନ୍ତୁ : ଏପଷ୍ଟିନଙ୍କ ଶିକାର ସାଜିଥିଲେ ଭାରତୀୟ ଯୁବତୀ, ପୀଡ଼ିତାଙ୍କୁ ଖୋଜି ଦିଆଯିବ କ୍ଷତିପୂରଣ ...ଆଶ୍ଚର୍ଯ୍ୟକର ଖୁଲାସା