ଦୁବାଇ, ୨୫/୦୧: ଆଇସିସି ପକ୍ଷରୁ ୨୦୨୪ ବର୍ଷର ଶ୍ରେଷ୍ଠ ଟେଷ୍ଟ, ଦିନିକିଆ ଏକାଦଶ ଏବଂ ମହିଳା ଦିନିକିଆ ଏକାଦଶ ଘୋଷଣା ହୋଇଛି । ଟେଷ୍ଟ ଏକାଦଶରେ ଭାରତର ୩ଜଣ ଖେଳାଳି ସ୍ଥାନ ପାଇଛନ୍ତି । ସେମାନେ ହେଲେ ଓପନର ଯଶସ୍ୱୀ ଜୈସ୍ୱାଲ, ଅଲରାଉଣ୍ଡର ରବୀନ୍ଦ୍ର ଜାଡେଜା ଏବଂ ପେସ୍ ବୋଲର ଯଶପ୍ରୀତ ବୁମରା । ପୁରୁଷ ଦିନିକିଆ ଏକାଦଶରେ କୌଣସି ଭାରତୀୟଙ୍କୁ ସ୍ଥାନ ମିଳିନାହିଁ । ମାତ୍ର ମହିଳା ଦିନିକିଆ ଏକାଦଶରେ ଓପନର ସ୍ମୃତି ମନ୍ଧନା ଓ ଅଲରାଉଣ୍ଡର ଦୀପ୍ତି ଶର୍ମା ସ୍ଥାନ ପାଇଛନ୍ତି ।
Congratulations to the incredibly talented players named in the ICC Men's Test Team of the Year 2024 👏 pic.twitter.com/0ROskFZUIr
— ICC (@ICC) January 24, 2025
ବୁମରା ଗତ ବର୍ଡର-ଗାଭାସ୍କର ଟ୍ରଫି ଟେଷ୍ଟ ସିରିଜରେ ୩୨ଟି ୱିକେଟ୍ ନେଇ ପ୍ଲେୟାର ଅଫ୍ ଦ ସିରିଜ ବିବେଚିତ ହୋଇଥିଲେ । ସେହିପରି ଜୈସ୍ୱାଲ ଏହି ସିରିଜରେ ୩୯୧ (୧ଶତକ, ୨ ଅର୍ଦ୍ଧଶତକ) ରନ୍ କରିଥିବାବେଳେ ଜାଡେଜା ୧୩୫ ରନ୍ କରିବା ସହ ୪ ୱିକେଟ୍ ହାସଲ କରିଥିଲେ । ଚଳିତ ଡବ୍ଲ୍ୟୁଟିସି ଚକ୍ର (୨୦୨୩-୨୫) ରେ ବୁମରା ସର୍ବାଧିକ ୭୭ଟି ୱିକେଟ୍ ନେଇଛନ୍ତି । ଜୈସ୍ୱାଲ ୫୨.୮୮ ଆଭରେଜରେ ମୋଟ ୧୭୯୮ରନ୍ ସଂଗ୍ରହ କରିଛନ୍ତି । ଅଷ୍ଟ୍ରେଲିଆର ପ୍ୟାଟ୍ କମିନ୍ସଙ୍କୁ ଟେଷ୍ଟ ଏକାଦଶର ଅଧିନାୟକ ମନୋନୀତ କରାଯାଇଛି ।
Honouring talent, skill, and consistency as part of the ICC Women’s ODI Team of the Year 2024 ✨ pic.twitter.com/gkGd0XqEi1
— ICC (@ICC) January 24, 2025
ପୁରୁଷ ଟେଷ୍ଟ ଏକାଦଶ: ପ୍ୟାଟ୍ କମିନ୍ସ (ଅଧିନାୟକ), ଯଶସ୍ୱୀ ଜୈସ୍ୱାଲ, ବେନ୍ ଡକେଟ, କେନ୍ ୱିଲିୟମସନ୍, ଜୋ ରୁଟ୍, ହ୍ୟାରୀ ବ୍ରୁକ୍, କାମିଣ୍ଡୁ ମେଣ୍ଡିସ୍, ଜାମି ସ୍ମିଥ୍, ରବୀନ୍ଦ୍ର ଜାଡେଜା, ମାଟ୍ ହେନରୀ, ଯଶପ୍ରୀତ ବୁମରା ।
ମହିଳା ଦିନିକିଆ ଏକାଦଶ: ସ୍ମୃତି ମନ୍ଧନା, ଲାଉରା ଉଲଭାର୍ଟ (ଅଧିନାୟିକା), ଚମାରୀ ଆଟାପଟୁ, ହେଲି ମାଥ୍ୟୁସ, ମାରିଜନେ କାପ୍, ଆସଲି ଗାର୍ଡନର, ଆନାବେଲ ସୁଦରଲାଣ୍ଡ, ଆମି ଜୋନ୍ସ, ଦୀପ୍ତି ଶର୍ମା, ସୋଫି ଏକ୍ଲେଷ୍ଟୋନ୍, କେଟ କ୍ରସ୍ ।
