ଭାରତୀୟ ଖାଦ୍ୟ ଏହାର ସ୍ୱାଦ ପାଇଁ ସାରା ବିଶ୍ୱରେ ପ୍ରସିଦ୍ଧ। ତଥାପି, ଇଣ୍ଡିଆନ୍ କାଉନସିଲ୍ ଅଫ୍ ମେଡିକାଲ୍ ରିସର୍ଚ୍ଚର ଏକ ନୂତନ ରିପୋର୍ଟ ଏହି ସ୍ୱାଦିଷ୍ଟ ଖାଦ୍ୟ ପଛରେ ଥିବା ସ୍ୱାସ୍ଥ୍ୟ ବିପଦକୁ ପ୍ରକାଶ କରିଛି। ରିପୋର୍ଟ ଅନୁଯାୟୀ, ଭାରତୀୟ ଖାଦ୍ୟରେ କାର୍ବୋହାଇଡ୍ରେଟ୍ ଅଧିକ ଏବଂ ପ୍ରୋଟିନ୍ କମ୍ ରହିଥାଏ, ଯାହା ଫଳରେ ଦେଶରେ ମଧୁମେହ ଏବଂ ମାଂସପେଶୀ ଦୁର୍ବଳତା ଦ୍ରୁତ ଗତିରେ ବୃଦ୍ଧି ପାଉଛି।
ICMR ରିପୋର୍ଟରୁ ହେଲା ଖୁଲାସା-
ICMR ଏବଂ ନ୍ୟାସନାଲ୍ ଇନଷ୍ଟିଚ୍ୟୁଟ୍ ଅଫ୍ ନ୍ୟୁଟ୍ରିସନ୍ ଦ୍ୱାରା କରାଯାଇଥିବା ଏହି ଗବେଷଣାରେ ଭାରତୀୟମାନଙ୍କ ଖାଦ୍ୟ ବିଶ୍ଳେଷଣ କରାଯାଇଛି। ରିପୋର୍ଟରେ ପ୍ରକାଶ ହୋଇଛି ଯେ,ଭାରତୀୟ ଖାଦ୍ୟରେ ୬୫ ରୁ ୭୦ ପ୍ରତିଶତ କାର୍ବୋହାଇଡ୍ରେଟ୍ ଥିବା ବେଳେ ଯେତେବେଳେ ପ୍ରୋଟିନ୍ କେବଳ ୧୦ ପ୍ରତିଶତ ରହିଥାଏ। ଏହାର ଅର୍ଥ ହେଉଛି ଲୋକମାନେ ପେଟ ପୂରଣ ହୋଇଥାଏ କିନ୍ତୁ ସେମାନଙ୍କ ଶରୀରରେ ଆବଶ୍ୟକ ଥିବା ପୁଷ୍ଟିକର ଅଭାବ ରହିଥାଏ। ରିପୋର୍ଟ ଅନୁଯାୟୀ, ଭାତ, ରୁଟି ଏବଂ ଆଳୁ ଭଳି କାର୍ବୋହାଇଡ୍ରେଟ୍ ଖାଦ୍ୟ ହେଉଛି ଭାରତୀୟ ଖାଦ୍ୟରେ ସବୁଠାରୁ ଅଧିକ ବ୍ୟବହୃତ ଖାଦ୍ୟ। ICMR ଅନୁଯାୟୀ, ଏହି ଖାଦ୍ୟର ଅତ୍ୟଧିକ ଖାଇବା ଦ୍ୱାରା ଶର୍କରା ସ୍ତର ବୃଦ୍ଧି ହୋଇଥାଏ ଏବଂ ଚର୍ବି ଜମା ହୋଇଥାଏ ।ଯାହା ଫଳରେ ଓଜନ ବୃଦ୍ଧି, ଥକ୍କାପଣ ଏବଂ ମଧୁମେହ ହୁଏ।
ପ୍ରୋଟିନ୍ ଅଭାବ ଭାରତୀୟମାନଙ୍କ ଶରୀରକୁ ଦୁର୍ବଳ କରୁଛି-
ଏହି ରିପୋର୍ଟ ଅନୁଯାୟୀ, ଜଣେ ବ୍ୟକ୍ତିଙ୍କୁ ପ୍ରତିଦିନ ପ୍ରାୟ ୬୦ ଗ୍ରାମ ପ୍ରୋଟିନ୍ ଆବଶ୍ୟକ । କିନ୍ତୁ ଅଧିକାଂଶ ଭାରତୀୟ ସେମାନଙ୍କ ଖାଦ୍ୟରୁ କେବଳ ୩୫ ରୁ ୪୦ ଗ୍ରାମ ପ୍ରୋଟିନ୍ ଗ୍ରହଣ କରନ୍ତି। ଡାଲି, କ୍ଷୀର, ଅଣ୍ଡା ଏବଂ ସୋୟା ଭଳି ପ୍ରୋଟିନ୍ ଭାରତୀୟଙ୍କ ଖାଦ୍ୟରେ ଆଉ ଦେଖିବାକୁ ମିଳୁନାହିଁ । ଯାହା ରୋଗ ପ୍ରତିରୋଧକ ଶକ୍ତି ଏବଂ ମାଂସପେଶୀ ଶକ୍ତିକୁ ପ୍ରଭାବିତ କରୁଛି। ICMR ଗବେଷଣା ଅନୁଯାୟୀ, ଦକ୍ଷିଣ ଭାରତର ଲୋକମାନେ ଭାତ ଉପରେ ନିର୍ଭର କରୁଥିବା ବେଳେ ଉତ୍ତର ଭାରତର ଲୋକମାନେ ଅଧିକ ଗହମ ବ୍ୟବହାର କରନ୍ତି। ଉତ୍ତର-ପୂର୍ବ ଏବଂ ଉପକୂଳବର୍ତ୍ତୀ ଅଞ୍ଚଳରେ ମାଛ ଏବଂ ନଡ଼ିଆରୁ ପ୍ରୋଟିନ୍ ଗ୍ରହଣ କରୁଥିବା ବେଳେ ସାରା ଦେଶରେ ଖାଦ୍ୟରେ ସନ୍ତୁଳନର ଅଭାବ ଦେଖାଯାଇଛି।
ICMRର ଚେତାବନୀ-
ICMR ଲୋକମାନଙ୍କୁ ତୁରନ୍ତ ସେମାନଙ୍କର ଖାଦ୍ୟରେ ଉନ୍ନତି ଆଣିବାକୁ ପରାମର୍ଶ ଦେଇଛି। ରିପୋର୍ଟ ଅନୁଯାୟୀ, ଯଦି ଲୋକମାନେ ଖାଦ୍ୟରେ ଶସ୍ୟ ସହିତ ପ୍ରୋଟିନ୍ ଏବଂ ହେଲ୍ଦି ଫ୍ୟାଟ୍ ଥିବା ଖାଦ୍ୟ ଅନ୍ତର୍ଭୁକ୍ତ ନକରନ୍ତି, ତେବେ ଭବିଷ୍ୟତରେ ରୋଗ ବୃଦ୍ଧି ହୋଇପାରେ। ଏହି ICMR ରିପୋର୍ଟରେ ଏହା ମଧ୍ୟ ସୂଚିତ ହୋଇଛି ଯେ, ଖାଦ୍ୟରେ ୨୫ ପ୍ରତିଶତ ପ୍ରୋଟିନ୍, ୫୦ ପ୍ରତିଶତ କାର୍ବୋହାଇଡ୍ରେଟ୍ ଏବଂ ୨୫ ପ୍ରତିଶତ ହେଲ୍ଦି ଫ୍ୟାଟ୍ ସନ୍ତୁଳନ ବଜାୟ ରଖିବା ଗୁରୁତ୍ୱପୂର୍ଣ୍ଣ। ଏପରି ପରିସ୍ଥିତିରେ, ଆପଣ ଆପଣଙ୍କ ଦୈନନ୍ଦିନ ଖାଦ୍ୟରେ ଡାଲି, କ୍ଷୀର, ଅଣ୍ଡା, ଦହି, ସୋୟା ଏବଂ ପନିପରିବା ଅନ୍ତର୍ଭୁକ୍ତ କରିପାରିବେ।
