ନୂଆଦିଲ୍ଲୀ : ଉତ୍ତର ଭାରତ ସମେତ ସାରାଦେଶର ବିଭିନ୍ନ ଭାଗରେ ପାଣିପାଗ ଥଣ୍ଡା ହୋଇ ଯାଇଛି। ଭୀଷଣ ଗରମରୁ ଆଶ୍ୱସ୍ତି ମିଳିଛି। ଏହି ସପ୍ତାହ ଉତ୍ତର ପୂର୍ବ ଭାରତ ଓ ଦକ୍ଷିଣ ଉପଦ୍ୱୀପ ଭାରତରେ ପ୍ରବଳ ବର୍ଷାର ସମ୍ଭାବନା ଅଛି। ସେପଟେ , ୩୧ ମେ’ରେ ଉତ୍ତର ପଶ୍ଚିମ ମଧ୍ୟ ଓ ଏହାର ନିକଟବର୍ତ୍ତୀ ପୂର୍ବ ଭାରତର ଅଞ୍ଚଳରେ ୯୦ କିଲୋମିଟର ବେଗରେ ପବନ ବହିପାରେ। ଏହା ବ୍ୟତୀତ ଘଡ଼ଘଡ଼ି ମଧ୍ୟ ଜାରି ରହିବ ଏବଂ କୁଆପଥର ମଧ୍ୟ ଖସିବ। ଏହି ମଧ୍ୟରେ , ବର୍ଷା ଯୋଗୁଁ ସାରା ଦେଶରେ ହିଟୱେବର ସ୍ଥିତିରେ ହ୍ରାସ ଘଟିଛି।
ପୂର୍ବୋତ୍ତର ଭାରତ ପାଇଁ ପାଣିପାଗ ବିଭାଗ କହିଛି ଯେ, ଏହି ସପ୍ତାହରେ ପୂରା ଅଞ୍ଚଳରେ ବ୍ୟାପକ ଭାବେ ବର୍ଷା ହେବ। ତିନିରୁ ଛଅ ଜୁନ ମଧ୍ୟରେ ଆସାମ , ମେଘାଳୟରେ ବିଜୁଳି ଘଡ଼ଘଡ଼ି ଓ ଖୁବ୍ ଜୋରରେ ବର୍ଷା ପବନ ହେବ। ଅରୁଣାଚଳ ପ୍ରଦେଶରେ ୩୧ ମେ, ୨ରୁ ୬ ଜୁନ ବେଳେ, ଆସାମ , ମେଘାଳୟରେ ୩ରୁ ୬ ଜୁନ ବେଳେ , ନାଗାଲାଣ୍ଡ , ମଣିପୁର , ମିଜୋରାମ , ତ୍ରିପୁରାରେ ୩୧ ମେ’ ଓ ୧ ଜୁନ୍ ଓ ୫ରୁ ୬ ଜୁନ ମଧ୍ୟରେ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି। ଦକ୍ଷିଣ ଭାରତର କଥା ଯଦି କହିବା ତ ୩୧ ମେ’ରୁ ୪ଜୁନ ବେଳେ ତାମିଲନନାଡୁ , ପୁଡୁଚେରୀ , କରାଇକଲରେ , ୩୧ ମେ’ରୁ ଦୁଇ ଜୁନ ବେଳେ କେରଳ , ମାହେ , ଲାକ୍ଷାଦ୍ୱୀପରେ , ୩୧ ମେ’ରୁ ୬ଜୁନ ବେଳେ ତେଲେଙ୍ଗାନାରେ , ୩୧ ମେ’ରୁ ୪ ଜୁନ ବେଳେ ରାୟଲସୀମା ଉପକୂଳ ଆନ୍ଧ୍ର ପ୍ରଦେଶ , ୟନମ , ଉପକୂଳ କର୍ଣ୍ଣାଟକରେ ବିଜୁଳି ସହ ଝଡ଼ ଓ ବର୍ଷାର ବେଗ ୭୦ କି.ମି ପ୍ରତି ଘଣ୍ଟାର ହେବ।
ତାମିଲନାଡ଼ୁ, ପୁଡୁଚେରୀରେ ପ୍ରବଳ ବର୍ଷା -
ଏହି ସମୟରେ, ତାମିଲନାଡୁ, ପୁଡୁଚେରୀ ଏବଂ କରାଇକଲରେ ମେ ୩୧ ରୁ ଜୁନ ୪ ପର୍ଯ୍ୟନ୍ତ ଏବଂ କେରଳ ଏବଂ ମାହେରେ ମେ ୩୧ ରୁ ଜୁନ ୨ ପର୍ଯ୍ୟନ୍ତ ପ୍ରବଳ ବର୍ଷା ହେବ। ପୂର୍ବ ଭାରତ କଥା ଯଦି କହିବା ତ, ମେ ୩୧ ଏବଂ ଜୁନ ୧ ରେ ଓଡ଼ିଶାରେ ଘଣ୍ଟା ପ୍ରତି ୮୦ କିଲୋମିଟର ବେଗରେ ପବନ ବହିବ। ଅନ୍ୟପଟେ ଆଣ୍ଡାମାନ ଏବଂ ନିକୋବର ଦ୍ୱୀପପୁଞ୍ଜରେ ମେ ୩୧ ରୁ ଜୁନ ୬ ପର୍ଯ୍ୟନ୍ତ ବଜ୍ରପାତ, ବିଜୁଳି ଏବଂ ପ୍ରବଳ ପବନ ସହିତମଧ୍ୟମ ଧରଣର ବର୍ଷା ହେବ। ଜୁନ ୧ ରୁ ୬ ପର୍ଯ୍ୟନ୍ତ ଉପ-ହିମାଳୟ ପଶ୍ଚିମବଙ୍ଗ ଏବଂ ସିକ୍କିମରେ, ମେ ୩୧ ରେ ଗାଙ୍ଗେୟ ପଶ୍ଚିମବଙ୍ଗରେ, ମେ ୩୧ ରେ ବିହାରରେ, ଆଉ ଏକ ୧ ଏବଂ ଜୁନ ୬ ରେ, ଝାଡ଼ଖଣ୍ଡରେ ମେ ୩୧ ରୁ ଜୁନ ୬ ପର୍ଯ୍ୟନ୍ତ ଏବଂ ଓଡିଶାରେ ଜୁନ ୨ରୁ ୬ ଜୁନ ପର୍ଯ୍ୟନ୍ତ ମଧ୍ୟମ ଧରଣର ଝଡ଼ ବର୍ଷା, ବିଜୁଳି ଏବଂ ପ୍ରବଳ ପବନ ହେବାର ସମ୍ଭାବନା ରହିଛି। ଜୁନ୍ ୪ ରୁ ୬ ତାରିଖ ପର୍ଯ୍ୟନ୍ତ ଉପ-ହିମାଳୟ ପଶ୍ଚିମବଙ୍ଗ ଏବଂ ସିକ୍କିମ ୩୧ ମେ’ ଓ ୧ ଜୁନରେ ଓଡ଼ିଶାରେ ପ୍ରବଳ ବର୍ଷା ହେବ। ମେ ୩୧ ଏବଂ ଜୁନ୍ ୧ ତାରିଖରେ ଓଡ଼ିଶାରେ ବିକ୍ଷିପ୍ତ ଭାବରେ ପ୍ରବଳ ବର୍ଷା ହୋଇପାରେ। ମେ ୩୧ ଏବଂ ଜୁନ୍ ୧ ତାରିଖରେ ଓଡ଼ିଶାରେ ବିକ୍ଷିପ୍ତ ଭାବରେ କୁଆପଥର ବର୍ଷା ହେବାର ସମ୍ଭାବନା ରହିଛି।
ଆହୁରି ମଧ୍ୟ ପଢନ୍ତୁ - ୨୦୧୫ ପରେ ସବୁଠୁ ବଡ଼ ମରୁଡ଼ି ଭୟ, ବଢିଲା ଫସଲହାନି ଓ ଜଳ ସଙ୍କଟ ଚିନ୍ତା
ଦେଖନ୍ତୁ ଏହି ଭିଡିଓ - ଭୟଙ୍କର ଧୂଳିଝଡ଼, ପୋତି ହେଇଗଲା ଅନେକ ସହର!
