ନୂଆଦିଲ୍ଲୀ,୧୨।୧: ଭାରତରେ ଆମେରିକାର ରାଷ୍ଟ୍ରଦୂତ ପଦ ଗ୍ରହଣ କରିଛନ୍ତି ସର୍ଗିଓ ଗର୍। ସେ ପଦଭାର ଗ୍ରହଣ କରିବା ପରେ ଭାରତ-ଆମେରିକା ରଣନୈତିକ ସହଭାଗୀତା ସମ୍ପର୍କରେ ଦେଇଛନ୍ତି ବଡ଼ ବୟାନ। ସେ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମଧ୍ୟରେ ବନ୍ଧୁତା ବିଷୟରେ ମଧ୍ୟ ଉଲ୍ଲେଖ କରିଛନ୍ତି। ସେ କହିଛନ୍ତି ଟ୍ରମ୍ପ ଏବଂ ମୋଦିଙ୍କ ମଧ୍ୟରେ ରହିଛି ପ୍ରକୃତ ବନ୍ଧୁତ୍ବ। ଗର୍ ପ୍ରଧାନମନ୍ତ୍ରୀ ମୋଦୀଙ୍କୁ ଟ୍ରମ୍ପଙ୍କ ‘ପ୍ରିୟ ବନ୍ଧୁ’ ବୋଲି କରିଥିଲେ। ସେ କହିଥିଲେ ଦୁଇ ନେତାଙ୍କ ମଧ୍ୟରେ ପାରସ୍ପରିକ ବିଶ୍ୱାସ ଏବଂ ସମ୍ମାନ ରହିଛି।
ସେର୍ଗିଓ ଗର୍ଙ୍କ ବଡ଼ ଘୋଷଣା
ସେର୍ଗିଓ ଗର୍ କହିଛନ୍ତି ଭାରତକୁ ଆସନ୍ତା ମାସରେ ଆମେରିକା ନେତୃତ୍ୱାଧୀନ ନୂତନ ବିଶ୍ୱସ୍ତରୀୟ ପଦକ୍ଷେପ, ପାକ୍ସ ସିଲିକାରେ ପୂର୍ଣ୍ଣ ସଦସ୍ୟ ଭାବରେ ଯୋଗଦେବାକୁ ନିମନ୍ତ୍ରଣ କରାଯିବ। ଏହି ଘୋଷଣାକୁ ଦୁଇ ଦେଶ ମଧ୍ୟରେ ପ୍ରଯୁକ୍ତିବିଦ୍ୟା, ଯୋଗାଣ ଶୃଙ୍ଖଳା ଏବଂ ରଣନୈତିକ ସହଯୋଗ ପାଇଁ ଗୁରୁତ୍ୱପୂର୍ଣ୍ଣ ବୋଲି ବିବେଚନା କରାଯାଏ।
ପାକ୍ସସିଲିକା କ’ଣ?
ପାକ୍ସସିଲିକା ଆମେରିକା ଦ୍ବାରା ଗତ ମାସ ଆରମ୍ଭ ହୋଇଥିବା ଏକ ନୂତନ ରଣନୈତିକ ପଦକ୍ଷେପ। ଏହାର ଉଦେଶ୍ୟ ଗୁରୁତ୍ବପୂର୍ଣ୍ଣ ଖଣିଜ, ଶକ୍ତି ଇନପୁଟ୍, ଆଡଭାନ୍ସ ମାନୁଫାକଚରିଂ, ସେମି କଣ୍ଡକ୍ଟର, ଆର୍ଟି ଫିସିଆଲ ଇଣ୍ଟେଲିଜେନ୍ସ ଡେଭଲପମେଣ୍ଟ ଓ ଲିଜିଷ୍ଟିକ୍ସମ୍ପର୍କିତ ଏକ ସୁରକ୍ଷିତ, ସମୃଦ୍ଧ ଓ ଇନୋଭେସନ୍-ଆଧାରିତ ସିଲିକନ୍ ସପ୍ଲାଇ ଚେନ୍ ତିଆରି କରିବା। ଗର୍ କହିଛନ୍ତି ଜାପାନ, ଦକ୍ଷିଣ ୟୁକେ ଏବଂ ଇସ୍ରାଏଲ ପୂର୍ବରୁ ଏହି ପ୍ରୟାସରେ ଯୋଗ ଦେଇଛନ୍ତି ଏବଂ ଏବେ ଭାରତକୁ ଏହି ଗୋଷ୍ଠୀର ପୂର୍ଣ୍ଣ ସଦସ୍ୟ କରିବା ପାଇଁ ପ୍ରକ୍ରିୟା ଆରମ୍ଭ ହେଉଛି।
ବାଣିଜ୍ୟ ଚୁକ୍ତି ଉପରେ ଆଲୋଚନା ଜାରି
ଭାରତ-ଆମେରିକା ବାଣିଜ୍ୟ ଚୁକ୍ତି ସମ୍ପର୍କରେ, ସର୍ଗିଓ ଗୋର୍ କହିଛନ୍ତି ଦୁଇ ଦେଶ ମଧ୍ୟରେ ଆଲୋଚନା ଚାଲିଛି। ଉଭୟ ପକ୍ଷ ଚୁକ୍ତିକୁ ଚୂଡ଼ାନ୍ତ କରିବା ପାଇଁ ସ୍ଥିର କରିଛନ୍ତି, ଏବଂ ପରବର୍ତ୍ତୀ ଆନୁଷ୍ଠାନିକ ଆଲୋଚନା ଆସନ୍ତାକାଲି ପାଇଁ ହେବାକୁ ଯାଉଛି।
ଭାରତକୁ ଗର୍ଙ୍କ ପ୍ରଶଂସା
ଗର୍ ଭାରତର ପ୍ରଶଂସା କରିଛନ୍ତି। ସେ କହିଛନ୍ତି, ନମସ୍କାର, ଏଠାକୁ ଆସିବା ଏକ ମହାନ ଅଭିଜ୍ଞତା। ଆମର ଲକ୍ଷ୍ୟ ହେଉଛି ଭାରତ-ଆମେରିକା ସହଭାଗୀତାକୁ ପରବର୍ତ୍ତୀ ସ୍ତରକୁ ନେବା।’ ସେ ୨୦୨୩ ରେ ଜୟପୁର, ରଣଥମ୍ବୋର ଏବଂ ପଞ୍ଜାବ ଗସ୍ତ କରିଥିବା ସମୟରେ ତାଙ୍କର ପ୍ରଥମ ଭାରତ ଗସ୍ତକୁ ମନେ ପକାଇଛନ୍ତି। ସେ କହିଛନ୍ତି ଯେ ଭାରତର ଲୋକମାନେ ଖୁବ୍ ବନ୍ଧୁତ୍ୱପୂର୍ଣ୍ଣ ଏବଂ ‘ ଇନକ୍ରେଡିବଲ୍ ଭାରତ’ ପ୍ରକୃତରେ ଏହାର ନାମ ଅନୁଯାୟୀ ରହିଛି।
ଆହୁରି ପଢନ୍ତୁ :ଗାଜାକୁ ନେଇ ହମାସର ବଡ଼ ଘୋଷଣା, ଟ୍ରମ୍ପଙ୍କ ଯୋଜନା ଲାଗୁ ହେବା ମାତ୍ରେ ସରକାର ଭଙ୍ଗ କରିବାକୁ ପ୍ରସ୍ତୁତ
