.ଭାରତ-ନ୍ୟୁଜିଲାଣ୍ଡ ପ୍ରଥମ ଦିନିକିଆ ଆରମ୍ଭ
.ସ୍ଥାନ: କୋଟାମ୍ବି, ଷ୍ଟାଡ଼ିୟମ୍-ଭଦୋଦରା
.ମ୍ୟାଚ୍ ଆରମ୍ଭ ସମୟ: ଅପରାହ୍ଣ ୧.୩୦
.ଟସ୍ ଜିତି ଭାରତର ବୋଲିଂ ନିଷ୍ପତ୍ତି
.ଦଳରେ ୩ ପେସ୍ ୩ ସ୍ପିନ ବୋଲ୍ର ସାମିଲ
ନୂଆଦିଲ୍ଲୀ,୧୧/୦୧: ଭଦୋଦରା କୋଟାମ୍ବି କ୍ରିକେଟ ଷ୍ଟାଡ଼ିୟମରେ ଭାରତ ବନାମ ନ୍ୟୁଜିଲାଣ୍ଡ ଦିନିକିଆ ସିରିଜ୍ ଆରମ୍ଭ ହୋଇଛି । ପ୍ରଥମ ଦିନିକିଆରେ ଟସ୍ ଜିତିଛି ଟିମ୍ ଇଣ୍ଡିଆ । ପ୍ରଥମେ ବୋଲିଂ ନିଷ୍ପତ୍ତି ନେଲେ ଭ୍ରମଣକାରୀ ନ୍ୟୁଜିଲାଣ୍ଡକୁ ବ୍ୟାଟିଂ ଆମନ୍ତ୍ରଣ ଦେଇଛନ୍ତି କ୍ୟାପ୍ଟେନ୍ ଶୁଭମନ ଗିଲ । ଚୂଡାନ୍ତ ଏକାଦଶରେ ୬ ବୋଲର ସାମିଲ ହୋଇଛନ୍ତି । ୩ ସ୍ପେସ୍ ଏବଂ ୩ ସ୍ପିନରଙ୍କୁ ନେଇ ମୈଦାନକୁ ଓହ୍ଲାଇଛି ଟିମ୍ ଇଣ୍ଡିଆ । ସିରାଜ, ହର୍ଷିତ, ପ୍ରସିଦ୍ଧଙ୍କ ସହ ଜାଡେଜା, ୱାଶିଂଟନ, କୁଲଦୀପ ସାମିଲ ହୋଇଛନ୍ତି । ଆହତ ରିଷବ ପନ୍ତ ଆଉଟ୍ ତାଙ୍କ ସ୍ଥାନରେ ଧ୍ରୁବ ଜୁରେଲଙ୍କ ଇନ୍ ହୋଇଛି । ମ୍ୟାଚରେ ଅଭିଜ୍ଞ ରୋ-କୋଙ୍କ ରାଜୁତି ଉପରେ ସମସ୍ତଙ୍କ ନଜର ରହିବ ।
ରୋ-କୋଙ୍କ ଉପର ନଜର- ପୁଣି ଥରେ ଦୁଇ ଷ୍ଟାର ଖେଳାଳି ରୋହିତ ଶର୍ମା ଓ ବିରାଟ କୋହଲି ଗ୍ରାଉଣ୍ଡକୁ ଓହ୍ଲାଇଛନ୍ତି । ଭାରତୀୟ କ୍ରିକେଟ୍ ପ୍ରେମୀ ରୋ-କୋ ଯୋଡ଼ିଙ୍କ ଝଲକ ପାଇବା ପାଇଁ ଉତ୍ସୁକତାର ସହ ଅପେକ୍ଷା କରିଥିଲେ । ଅଧିନାୟକ ଶୁଭମନ ଗିଲ୍ ଓ ଉପ-ଅଧିନାୟକ ଶ୍ରେୟାସ ଆୟରଙ୍କ ପ୍ରଦର୍ଶନ ଉପରେ ଚୟନ କମିଟିର ନଜର ରହିବ । ମାତ୍ର ୨୨ ଦିନର ବ୍ୟବଧାନ ପରେ ଭାରତ ଆଉ ଏକ ଦିନିକିଆ ସିରିଜ୍ ଖେଳିଛନ୍ତି । ଦକ୍ଷିଣ ଆଫ୍ରିକା ବିପକ୍ଷରେ ଘରୋଇ ଦିନିକିଆ ସିରିଜ ପରେ ଦର୍ଶକ ପୁଣି ଥରେ ରୋହିତ ଓ ବିରାଟଙ୍କୁ ଦେଖିବାକୁ ପାଇଛନ୍ତି । ଉଭୟ ୨ଟି ଲେଖାଏଁ ବିଜୟ ହଜାରେ ଟ୍ରଫି ମ୍ୟାଚ୍ ଖେଳି ଦଳକୁ ଫେରିଛନ୍ତି । ଉଭୟ ରୋହିତ ଓ କୋହଲି ଯଥାକ୍ରମେ ଦିନିକିଆ ମାନ୍ୟତାର ପ୍ରଥମ ୨ଟି ସ୍ଥାନରେ ରହିଛନ୍ତି । ଏହି ସିରିଜ୍ ଉଭୟଙ୍କ ସ୍ଥାନ ପରିବର୍ତ୍ତନ କରିବାର ସୁଯୋଗ ରହିଛି ।
🚨 Toss Update 🚨 #TeamIndia elect to bowl in the 1st ODI in Vadodara
— BCCI (@BCCI) January 11, 2026
Updates ▶️ https://t.co/OcIPHEpvjr#INDvNZ | @IDFCFIRSTBank pic.twitter.com/vR8u8TcbH5
ଭାରତ ଚୂଡାନ୍ତ ଏକାଦଶ- ଶୁଭମନ ଗିଲ୍ (ଅଧିନାୟକ), ରୋହିତ ଶର୍ମା, ବିରାଟ କୋହଲି, ଶ୍ରେୟାସ ଆୟର, କେଏଲ ରାହୁଲ, ୱାସିଂଟନ ସୁନ୍ଦର, ରବିନ୍ଦ୍ର ଜାଡେଜା, ହର୍ଷିତ ରାଣା, କୁଲଦୀପ ଯାଦବ, ପ୍ରସିଦ୍ଧ କ୍ରିଷ୍ଣା, ମହମ୍ମଦ ସିରାଜ ।
ନ୍ୟୁଜିଲାଣ୍ଡ ଚୂଡାନ୍ତ ଏକାଦଶ- ଡେଭନ କନୱେ, ନିକ କେଲି, ୱିଲ ୟଙ୍ଗ, ଡାରିଲ ମିଚେଲ, ହେନରୀ ନିକୋଲ୍ସ, ଗ୍ଲେନ ଫିଲିପ୍ସ, ମାଇକେଲ ବ୍ରେସୱେଲ୍ (ଅଧିନାୟକ), ଜ୍ୟାକ୍ ଫୋଲ୍କସ, କେଲି ଜାମିସନ, ମାଇକେଲ ରେ, ଆଦିତ୍ୟ ଅଶୋକ ।
