ରାଞ୍ଚି, ୩୦/୧୧: ଆନ୍ତର୍ଜାତିକ ଦିନିକିଆ କ୍ରିକେଟରେ ବିରାଟ କୋହଲିଙ୍କ ୫୨ତମ ଶତକ । ରାଞ୍ଚିରେ ଦକ୍ଷିଣ ଆଫ୍ରିକା ବିରୋଧରେ ଶତକ ହାସଲ କରିଛନ୍ତି କିଙ୍ଗ୍ କୋହଲି । ପ୍ରଥମ ଦିନିକିଆରେ ଜବରଦସ୍ତ ବ୍ୟାଟିଂ କରିଛନ୍ତି ବିରାଟ । ୧୦୨ଟି ବଲରେ ଶତକୀୟ ଇନିଂସ ଖେଳିଛନ୍ତି । ଏଥିରେ ୮ଟି ଚୌକା ଏବଂ ୫ଟି ଛକା ରହିଛି । ଏହା ପୂର୍ବରୁ ଫେବ୍ରୁଆରୀ ମାସରେ ନ୍ୟୁଜିଲାଣ୍ଡ ବିରୋଧରେ ଦିନିକିଆ ସିରିଜରେ ୫୧ତମ ଶତକ ମାରି ଗ୍ରେଟ୍ ସଚିନ ତେନ୍ଦୁଲକରଙ୍କ ରେକର୍ଡ ଭାଙ୍ଗିଥିଲେ ବିରାଟ କୋହଲି । ବିଶ୍ବର ପ୍ରଥମ ବ୍ୟାଟର ଭାବେ ଦିନିକିଆ କ୍ରିକେଟରେ ସର୍ବାଧିକ ୫୨ଟି ସେଞ୍ଚୁରୀ ମାରିଛନ୍ତି ବିରାଟ । ଆନ୍ତର୍ଜାତିକ କ୍ରିକେଟରେ ଏହାକୁ ମିଶାଇ ୮୩ ତମ ଶତକ ହୋଇଛି ।