ନୂଆଦିଲ୍ଲୀ,୨୩/୧ : ଭାରତର ଓ୍ବିମେନ୍ସ ଅଣ୍ଡର ୧୯ ଟିମ୍ କମାଲ୍ କରିଦେଇଛି । ଟିମ୍ ଇଣ୍ଡିଆ ଅଣ୍ଡର ୧୯ ଓ୍ବିମେନ୍ସ ଟି-୨୦ ବିଶ୍ବକପ୍ ୨୦୨୫ର ମ୍ୟାଚରେ ଶ୍ରୀଲଙ୍କାକୁ ଶୋଚନୀୟ ଭାବେ ହରାଇଛି । ଭାରତ ଏହି ମ୍ୟାଚ୍ ୬୦ରନରେ ଜିତି ନେଇଛି । ଟିମ୍ ଇଣ୍ଡିଆ ଲାଗି ଗୋଁଗାଡି ତୃଶା ବହୁତ ଭଲ ବ୍ୟାଟିଂ କରିଛନ୍ତି । ସେ ୪୯ରନ କରିଛନ୍ତି। ଭାରତ ଶ୍ରୀଲଙ୍କାକୁ ବିଜୟ ଲାଗି ୧୧୯ରନର ଲକ୍ଷ୍ୟ ଦେଇଥିଲା । ଏହାର ଜବାବରେ ଶ୍ରୀଲଙ୍କା ଟିମ୍ ୫୮ରନ୍ କରିପାରିଛି । ଭାରତ ଲାଗି ଆୟୁଷୀ ଶୁକ୍ଳା ଗୋଟିଏ ଓ୍ବିକେଟ ନେଇଛନ୍ତି ।
ଭାରତ ପ୍ରଥମେ ବ୍ୟାଟିଂ କରି ୨୦ଓଭରରେ ୯ଓ୍ବିକେଟ ହରାଇ ୧୧୮ରନ୍ କରିଛି । ଏହି ସମୟରେ ତୃଶା ଏବଂ କମଳିନୀ ଓପନିଂ କରିବାକୁ ପହଞ୍ଚିଥିଲେ । କିନ୍ତୁ କମଳିନୀ କିଛି ଖାସ୍ କରିପାରିନଥିଲେ । ସେ ୫ରନ୍ କରି ଆଉଟ ହୋଇଛନ୍ତି । ଯାହାକି ତୃଶା ବହୁ ଭଲ ପାଳି ଖେଳିଥିଲେ । ସେ ୫ ଚୌକା ଏବଂ ୧ଛକ୍କାର ସାହାଯ୍ୟରେ ୪୯ରନ୍ କରିଛନ୍ତି । ସନିକା ଚାଲ୍କେ ଖାତା ପର୍ଯ୍ୟନ୍ତ ଖୋଲିପାରିନଥିଲେ । ଅଧିନାୟକ ନିକି ପ୍ରସାଦ ୧୧ରନ୍ କରି ଆଉଟ ହୋଇଥିଲେ । ସେ ୨ଟି ଚୌକା ଲଗାଇଥିଲେ । ମିଥିଲା ବିନୋଦ ୧୬ରନ୍ କରିଛନ୍ତି । ଯାହାକି ଜୋଶିଥା ୧୪ରନ୍ କରିଛନ୍ତି ।
ଶ୍ରୀଲଙ୍କାର ଓ୍ବିମେନ୍ସ ଅଣ୍ଡର ୧୯ଟିମ୍ ଭାରତକୁ ଦିଆଯାଇଥିବା ଲକ୍ଷ୍ୟର ପିଛା କରି ୫୮ରନ୍ କରିଛନ୍ତି । ଓପନର ସଞ୍ଜନା ୫ରନ୍ କରି ଆଉଟ ହୋଇଛନ୍ତି । ନିସଂସଲା ଖାତା ପର୍ଯ୍ୟନ୍ତ ଖୋଲିପାରିନାହାନ୍ତି । ଅଧିନାୟକ ମନୁଡି ନନୟକାରା ୨ରନ୍ କରି ଆଉଟ ହୋଇଥିଲେ । ହିରୁନୀ ହଂସିକା ବି ୨ରନ୍ କରି ଆଉଟ ହୋଇଥିଲେ । ଏହି ସମୟରେ ଭାରତ ଲାଗି ଶବନମ ଘାତକ ବୋଲିଂ କରିଥିଲେ । ସେ ୪ଓଭରରେ ୯ରନ ଦେଇ ୨ଓ୍ବିକେଟ ନେଇଛନ୍ତି । ପଋନିକା ଏବଂ ଜୋଶିଥା ବି ୨-୨ ଓ୍ବିକେଟ ନେଇଛନ୍ତି । ଆୟୁଷୀ ଶୁକ୍ଳାଙ୍କୁ ଗୋଟିଏ ଓ୍ବିକେଟ ମିଳିଛି ।
ଭାରତ ଓ୍ବିମେନ୍ସ ଅଣ୍ଡର ୧୯ ଟି-୨୦ ବିଶ୍ବକପ୍ ୨୦୨୫ରେ ବାରମ୍ବାର ତୃତୀୟ ବିଜୟ ହାସଲ କରିଛି । ଟିମ୍ ଇଣ୍ଡିଆ ପ୍ରଥମ ମ୍ୟାଚରେ ଓ୍ବେଷ୍ଟଇଣ୍ଡିଜକୁ ଶୋଚନୀୟ ଭାବେ ହରାଇଥିଲା। ଭାରତ ଏହି ମ୍ୟାଚ୍ ୯ଓ୍ବିକେଟରେ ଜିତି ନେଇଥିଲା । ଏହାପରେ ସେ ମଲେଶିୟାକୁ ୧୦ଓ୍ବିକେଟରେ ହରାଇଛନ୍ତି । ଏବେ ଟିମ୍ ଇଣ୍ଡିଆ ଶ୍ରୀଲଙ୍କା ଉପରେ ୬୦ରନରେ ବିଜୟୀ ହାସଲ କରିଛି ।
