ନୂଆଦିଲ୍ଲୀ,୩୦/୦୬: ଭାରତୀୟ କ୍ରିକେଟର ତଥା ପଞ୍ଜାବ କିଙ୍ଗସ ଅଲରାଉଣ୍ଡର ଶଶାଙ୍କ ସିଂହ ଏବଂ ତାଙ୍କ ଅବସରପ୍ରାପ୍ତ ଆଇପିଏସ ବାପାଙ୍କ ନାମରେ ଘରୋଇ ରୋଷେୟା ମାଡ ମାରିବା ସହ ଗାଳିଗୁଲଜ କରିଥିବା ନେଇ ଅଭିଯୋଗ କରିଥିଲେ । ପୁଲିସ୍ ମାମଲାରେ ଏଫଆଇଆର ଦାୟର କରିଛି । ଅଭିଯୋଗକୁ ନେଇ ପ୍ରତିକ୍ରିୟା ଦେଇଛନ୍ତି ଶଶାଙ୍କ ସିଂହ । ସେ ଅଭିଯୋଗକୁ ଶଶାଙ୍କ ସିଂହ ତାଙ୍କ ବିରୋଧରେ ଆସିଥିବା ଅଭିଯୋଗକୁ ସମ୍ପୂର୍ଣ୍ଣ ମିଥ୍ୟା ଏବଂ ଭିତ୍ତିହୀନ ବୋଲି କହି ଖଣ୍ଡନ କରିଛନ୍ତି । ବ୍ୟକ୍ତି ଚୋରି କରିବା ଉଦ୍ଦେଶ୍ୟରେ ଘରେ ପ୍ରବେଶ କରିଥିବା କହିଛନ୍ତି ଶଶାଙ୍କ ।

ଅଭିଯୋଗକୁ ନେଇ ଭାରତୀୟ କ୍ରିକେଟ୍ର ଶଶାଙ୍କ ସିଂହ କହିଛନ୍ତି, କାହାକୁ ବନ୍ଧକ କରିନାହୁଁ । ୨ ଦିନ ହେବ ଜଣେ ଆସୁଛନ୍ତି ତାଙ୍କୁ କଣ ବନ୍ଧକ କରିବୁ । ସେ ଆସିଥିଲେ ରହିଥିଲେ । ଖାଇଥିଲେ ଭିଡିଓ କରିଥିଲେ । ହଁ ଏହା ସତ ଯେ, ସେ ରୋଷେୟା ବୋଲି କହି ଆସିଥିଲେ କିନ୍ତୁ ସେ କୁକ୍ ନୁହଁନ୍ତି । ତାଙ୍କୁ ଖାଇବା ବନାଇବା ବିଲକୁଲ ଆସେନାହିଁ । ସେ ଏଠାକୁ ଆସି କେବଳ ମଉଜ କରୁଥିଲେ । ମୋ ରୁମକୁ ଯାଇ ଭିଡିଓ, ଫଟୋ ଉଠାଉଥିଲେ । ମୋର ସନ୍ଦେହ ସେ ଆମକୁ ଲୁଟିବାକୁ ଆସିଥିଲା । ସେ ପୂର୍ବରୁ ଡ୍ରଗ୍ସ କାରବାର କରୁଥିଲା । ସୌଭାଗ୍ୟବସତଃ କିଛି ବି ଚୋରି ହୋଇନାହିଁ । ଚାନ୍ଦିର ଗଣେଶ ଆମକୁ ମିଳୁନାହିଁ । ସେ ଚୋରି ଉଦ୍ଦେଶ୍ୟରେ ହିଁ ଆସିଥିଲେ । ତାଙ୍କୁ ଆମେ ଘରେ ବନ୍ଦ କରିନାହୁଁ । ସେ ଆମ ଘରର ଭିଡିଓ ଉଠାଇଥିଲା ମୋ ମାଆ ତାକୁ ଡିଲିଟ୍ କରିଥିଲେ ।''

ଏହା ବି ପଢନ୍ତୁ...Shashank Singh: ଅଡୁଆରେ IPL ଷ୍ଟାର ଶଶାଙ୍କ ଏବଂ IPS ବାପା, ଖାଇବା ସ୍ୱାଦ ନହେବାରୁ କୁକ୍ଙ୍କୁ ପିଟିଥିବା ଅଭିଯୋଗ