ପ୍ରମୂଖ ଖବର
  • ସୁନ୍ଦରଗଡ଼ : ବ୍ରାହ୍ମଣୀ ନଦୀରେ ବୁଡ଼ି ନାବାଳକ ନିଖୋଜ, ସର୍ଚ୍ଚ ଅପରେସନ୍‌ ଜାରି
  • ||
  • ଇଂଲଣ୍ଡ ଗସ୍ତ ପୂର୍ବରୁ ଭାରତକୁ ଲାଗିପାରେ ବଡ଼ ଝଟକା; ସାମି-ବୁମରାଙ୍କ ଖେଳିବାକୁ ନେଇ ସନ୍ଦେହ
  • ||
  • ସମ୍ୱଲପୁର : କଫ୍‌ ସିରପ୍‌ ଭର୍ତ୍ତି ବକ୍ସ ଚୋରି କରିବା ପଡ଼ିଲା ମହଙ୍ଗା, ସମ୍ବଲପୁର ଟାଉନ୍ ଥାନା ଏଏସ୍‌ଆଇ ନିଲମ୍ବିତ
  • ||
  • ରେକର୍ଡ ଭାଙ୍ଗିଲା ଶ୍ରୀନଗର ତାତି ; ୫୪ ବର୍ଷ ପରେ ୩୪ ଡିଗ୍ରୀ ପାର୍‌, ୧୩୩ ବର୍ଷ ପରେ ଜଳିଲା ମେ'
  • ||
  • ଭୁବନେଶ୍ୱର : ବିଦେଶରେ ଚାକିରି ଲୋଭ ଦେଖାଇ କୋଟି କୋଟି ଟଙ୍କା ଠକେଇ, ଅଭିଯୁକ୍ତ ଗିରଫ
  • ||
  • ମେ ୨୭ ନୁହେଁ, ୨୬ରେ ସାବିତ୍ରୀ ଛୁଟି ଘୋଷଣା କଲେ ସରକାର, ୨୭ରେ ଖୋଲା ରହିବ ସରକାରୀ ଅଫିସ୍
  • ||
  • ବିଳିବିଳଉଛି ପାକିସ୍ତାନ; 'ପାଣି ବନ୍ଦ କଲେ ଆମେ ତୁମ ନିଶ୍ୱାସ ବନ୍ଦ କରିଦେବୁ', ପୁରୁଣା ଡଇଲଗ ଦୋହରାଇଲେ ପାକ୍‌ ଜେନେରାଲ
  • ||
  • ସମ୍ବଲପୁର: ମାଲଖାନାରୁ କଫ୍‌ ସିରପ୍ ଚୋରି କରିଟାଉନ୍‌ ଥାନାରେ କାର୍ଯ୍ୟରତ ASI ବିଦ୍ୟୁତ୍ ପଣ୍ଡା ନିଲମ୍ବିତ
  • ||
  • ଭିଜିଲାନ୍ସ ଜାଲରେ R&B ଡିଭିଜନ୍‌ର କନିଷ୍ଠ ଯନ୍ତ୍ରୀ ସୁଶାନ୍ତ ସେଠୀ, ଏକକାଳୀନ ୮ ଟି ସ୍ଥାନରେ ଭିଜିଲାନ୍ସ ଟିମ୍‌ର ଚଢ଼ାଉ
  • ||
  • ୨୭ ଯାଏ ଘୁଞ୍ଚିଲା ସ୍ପେସାଲ୍‌ ଓଟିଇଟି ଆବେଦନ, ଫର୍ମ ପୂରଣର ଅବଧିକୁ ବଢ଼ାଇଲା ବୋର୍ଡ
  • ||
  • କେନ୍ଦୁଝର : ବେଆଇନ ବାଲି ଚୋରା ଚାଲାଣ ବେଳେ ୩ ହାଇୱା ଜବତ, ୬ ଲକ୍ଷରୁ ଉର୍ଦ୍ଧ୍ୱ ଟଙ୍କା ଜରିମାନା ଆଦାୟ
  • ||
  • ଏବେ ୭୮୮ ଭାରତୀୟ ଛାତ୍ରଙ୍କର କଣ ହେବ ? ହାର୍ଭାର୍ଡରେ ବିଦେଶୀ ଛାତ୍ରଙ୍କ ନାମଲେଖା ଉପରେ ରୋକ୍ ଲଗାଇଲେ ଟ୍ରମ୍ପ
  • ||
  • ବାଂଲାଦେଶରେ କିଛି ଠିକ୍ ନାହିଁ ; ବିପଦରେ ୟୁନୁସଙ୍କ ଗାଦି, ସେନାମୁଖ୍ୟ ଦେଲେ ଅଲଟିମେଟ୍
  • ||
  • ନେପାଳରେ ଭୂକମ୍ପ ଝଟକା,ରିକ୍ଟର ସ୍କେଲରେ ତୀବ୍ରତା ୪.୭ ରେକର୍ଡ
  • ||
  • ରାଜ୍ୟ ସରକାରଙ୍କ ବର୍ଷ ପୂର୍ତ୍ତି : ମନ୍ତ୍ରିମଣ୍ଡଳ ସମ୍ପ୍ରସାରଣ ଚର୍ଚ୍ଚା, ୬ ମନ୍ତ୍ରୀ ପଦ ପାଇଁ ଆଶାୟୀଙ୍କ ଲବି ଭୁବନେଶ୍ୱରରୁ ଦିଲ୍ଲୀ
  • ||
  • ସୁବର୍ଣ୍ଣପୁର : ଭାରସାମ୍ୟ ହରାଇ ରାସ୍ତା ତଳକୁ ଖସିଲା ବାଜା ଗାଡ଼ି: ୨ ମୃତ, ୨୫ ଆହତ
  • ||
  • ଦେଶ ସମ୍ଭାଳିପାରୁ ନାହାନ୍ତି ବାଂଲାଦେଶ ଅନ୍ତରୀଣ ସରକାର ମହମ୍ମଦ ୟୁନୁସ, ଇସ୍ତଫା ଦେବାକୁ ବଳାଇଲେ ମନ
  • ||
  • ରାଜ୍ୟରେ ବଦଳିଲା ପାଗର ମିଜାଜ୍, ଖସିଲା ତାତି : ଏ ମାସ ଶେଷ ସୁଦ୍ଧା ମୌସୁମୀ, ୨୭ରେ ଲଘୁଚାପ ସମ୍ଭାବନା
  • ||

IPL 2025: ଆଜି ସୁପରଜାଏଣ୍ଟ୍‌ସ- ଇଣ୍ଡିଆନ୍ ମଧ୍ୟ ହେବ କଡ଼ା ଟକ୍କର, ନଜରରେ ପନ୍ତ, ରୋହିତଙ୍କ ବ୍ୟାଟିଂ

Published By : Prameya | April 27, 2025 9:27 AM

ମୁମ୍ବାଇ,୨୭/୦୪: ଚଳିତ ଆଇପିଏଲ୍‌ର  ୪୫ତମ ଲିଗ୍‌ ମୁକାବିଲାରେ  ମୁମ୍ବାଇ ଇଣ୍ଡିଆନ୍ସ ଘରୋଇ ଗ୍ରାଉଣ୍ଡ୍‌ରେ ଲକ୍ଷ୍ନୌ ସୁପରଜାଏଣ୍ଟ୍‌ସକୁ ଭେଟିବ । ସମଗ୍ର କ୍ରିକେଟ୍‌  ପ୍ରେମୀଙ୍କ ନଜର ଉଭୟ ଦଳର ତାରକା ଭାରତୀୟ ଖେଳାଳିଙ୍କ ଉପରେ ରହିବ । ମୁମ୍ବାଇ ଇଣ୍ଡିଆନ୍ସ ପୂର୍ବ ପରାଜୟର ପ୍ରତିଶୋଧ ନେବାକୁ ଲକ୍ଷ୍ୟ ରଖିଛି । ମାତ୍ର ସୁପରଜାଏଣ୍ଟ୍‌ସ ଯଥା ସମ୍ଭବ ସହଳ ବିଜୟ ଧାରାକୁ ଫେରିବାକୁ ବ୍ୟାକୁଳ । ଫଳରେ ମ୍ୟାଚଟି ସଂଘର୍ଷପୂର୍ଣ୍ଣ ହେବା ନିଶ୍ଚିତ । 

ଗତ ୪ ତାରିଖରେ ଉଭୟ ଦଳ ପରସ୍ପରକୁ ଭେଟିଥିଲେ ଓ ମୁମ୍ବାଇ ଇଣ୍ଡିଆନ୍ସ ୧୨ ରନ୍‌ରେ ଉକ୍ତ ମ୍ୟାଚ୍‌ ହାରିଥିଲା । ମାତ୍ର ବିଳମ୍ବରେ ହେଉ ପଛେ ମୁମ୍ବାଇ ଇଣ୍ଡିଆନ୍ସ ଫର୍ମକୁ ଫେରିଛି । କ୍ରମାନ୍ୱୟରେ ୪ଟି ମ୍ୟାଚ୍‌ ଜିତି ଦଳ ପଏଣ୍ଟ ତାଲିକାର ଚତୁର୍ଥ ସ୍ଥାନରେ ପହଞ୍ଚିଛି ।  

ସୁପରଜାଏଣ୍ଟ୍‌ସ ୧୦ ପଏଣ୍ଟ ଅର୍ଜନ କରିସାରିଥିଲେ ହେଁ ପ୍ରଦର୍ଶନରେ ଉତ୍‌ଥାନ ପତନ ଜାରି ରହିଛି । ଗତ ୨୨ ତାରିଖରେ ଅନୁଷ୍ଠିତ ମ୍ୟାଚ୍‌ରେ ସୁପରଜାଏଣ୍ଟ୍‌ସ ଦିଲ୍ଲୀ କ୍ୟାପିଟାଲ୍ସ ଠାରୁ ପରାଜିତ ହୋଇଥିଲା । ଉକ୍ତ ମ୍ୟାଚ୍‌ରେ ସପରଜାଏଣ୍ଟ୍‌ସ ଦୁଇ ଓପନର ମିଚେଲ ମାର୍ଶ ଓ ଆଡେନ ମାରକ୍ରମ ୮୭ ରନ୍‌ ସଂଗ୍ରହ କରିବା ପରେ  ଟିମ ମ୍ୟାନେଜମେଣ୍ଟ ଅଧିନାୟକ ରିଷଭ ପନ୍ତଙ୍କୁ ବ୍ୟାଟିଂ ପଠାଇ ନଥିଲା । ଡଗ୍‌ ଆଉଟ୍‌ରେ ପ୍ୟାଡ୍‌  ପିନ୍ଧି ରିଷଭ ପନ୍ତ ଅପେକ୍ଷା କରି ରହି ଯାଇଥିଲେ । ଶେଷରେ ମାତ୍ର ୨ଟି ବଲ୍‌ ବାକି ଥିବାବେଳେ  ପନ୍ତ ବ୍ୟାଟିଂ କରିବାକୁ ଗ୍ରାଉଣ୍ଡ୍‌କୁ ଓହ୍ଲାଇଥିଲେ  ଓ ଖାତା ଖୋଲି ନପାରି ଆଉଟ୍‌ ହୋଇଥିଲେ ।  ତାଙ୍କ ପୂର୍ବରୁ ଅବଦୁଲ ସମଦ, ଡେଭିଡ୍‌ ମିଲର  ଓ ଆୟୂଷ ବାଦୋନି ବ୍ୟାଟିଂ କରିଥିଲେ । ପନ୍ତଙ୍କ  ବ୍ୟାଟିଂ ଉପରେ ଟିମ ମ୍ୟାନେଜମେଣ୍ଟ ଭରସା  କରୁନଥିବା ଏକ ପ୍ରକାର ସ୍ପଷ୍ଟ ହୋଇଯାଇଥିଲା ।  ଯାହା କ୍ରିକେଟ ପ୍ରେମୀଙ୍କ ନିରାଶ କରିଥିଲା । ପରେ  ସୁପରଜାଏଣ୍ଟ୍‌ସ ୮ ୱିକେଟ୍‌ରେ ଉକ୍ତ ମ୍ୟାଚ  ହାରିଥିଲା ।

 ଆଜି ପନ୍ତଙ୍କ ପ୍ରତି ଏଭଳି ଅନ୍ୟାୟ ନହେଉ ବୋଲି ଦର୍ଶକ ଆଶା ରଖିବେ । ଏହି ମ୍ୟାଚ୍‌କୁ ନେଇ ପୂର୍ବାନୁମାନ କରିବା  କଷ୍ଟକର । କାରଣ ମୁମ୍ବାଇ ଇଣ୍ଡିଆନ୍ସ ନିଜ ଘରୋଇ  ଗ୍ରାଉଣ୍ଡ୍‌ରେ ଖେଳୁଛି ଓ ଫର୍ମ ଫେରିପାଇଛି ।  ପୂର୍ବ ରେକର୍ଡ ସୁପରଜାଏଣ୍ଟ୍‌ସ ପକ୍ଷରେ ରହିଛି ।  ଉଭୟ ଦଳ ମଧ୍ୟରେ ମୋଟ୍‌ ୭ଟି ମ୍ୟାଚ୍‌  ଖେଳାଯାଇଛି । ଏଥିରୁ ସୁପରଜାଏଣ୍ଟ୍‌ସ ୬ଟି  ମ୍ୟାଚ୍‌ରେ ବିଜୟୀ ହୋଇଛି । ମୁମ୍ବାଇ ଇଣ୍ଡିଆନ୍ସ  ଖାତାରେ ରହିଛି ମାତ୍ର ଗୋଟିଏ ବିଜୟ ।  

ଉଭୟ ଦଳର ପେସ୍‌ ବୋଲିଂ ବିଭାଗ ସୁଦୃଢ ।  ୱାଙ୍ଖଡ଼େ ଷ୍ଟାଡ଼ିୟମ୍‌ର ନାଲି ମାଟି ପିଚ ମଧ୍ୟ ପେସ୍‌  ବୋଲରଙ୍କୁ ସହାୟତା କରିବ । ତଥାପି ବ୍ୟାଟରଙ୍କ  ଉପରେ ମ୍ୟାଚ ଫଳାଫଳ ନିର୍ଭର କରିବ । ରୋହିତ ଶର୍ମା ଫର୍ମକୁ ଫେରିଥିବାରୁ ଦର୍ଶକଙ୍କ  ଉତ୍କଣ୍ଠା ଦ୍ୱିଗୁଣା ହୋଇଛି । ସେ ଲଗାତର ୨ଟି  ମ୍ୟାଚ୍‌ରେ ମ୍ୟାଚ୍‌ ଅର୍ଦ୍ଧଶତକ ଅର୍ଜନ କରିଛନ୍ତି ।  

ସୂର୍ଯ୍ୟକୁମାର ଯାଦବ ମଧ୍ୟ ଅରେଞ୍ଜ କ୍ୟାପ୍‌ ଦୌଡରେ ସାମିଲ ହେଇସାରିଛନ୍ତି । ତିଳକ ବର୍ମା  ସୁଯୋଗର ସଦୁପଯୋଗ କରୁଛନ୍ତି । କେବଳ  ର‌୍ୟାନ୍‌ ରିକେଲଟନ ଦକ୍ଷତା ମୁତାବକ ପ୍ରଦର୍ଶନ  କରି ନାହାନ୍ତି । ଗତ ଏସ୍‌ଏ ଟି-ଟ୍ୱେଣ୍ଟି (ସାଉଥ  ଆଫ୍ରିକା ଟି-ଟ୍ୱେଣ୍ଟି ଲିଗ୍‌)ର ପ୍ରଦର୍ଶନକୁ ସେ ଆଜି ଦୋହରାଇବେ ବୋଲି ଆଶା କରାଯାଉଛି ।  

ସୁପରଜାଏଣ୍ଟସ ଦଳରେ ବିସ୍ଫୋରକ ବ୍ୟାଟର  ଭରପୁର ରହିଥିଲେ ହେଁ ମାର୍ଶ, ଆଡେନ ମାରକ୍ରମ  ଓ ନିକୋଲାସ ପୂରନଙ୍କ ପ୍ରଦର୍ଶନ ଉପରେ ଦଳ  ନିର୍ଭର କରିବ । ବାକି ସ୍ପିନ୍‌ ବୋଲିଂ ବିଭାଗ ମଧ୍ୟ  ସନ୍ତୁଳିତ । ଆଜି ପେସ୍‌ ବୋଲର ମୟଙ୍କ  ମାର୍କଣ୍ଡେ ଖେଳିବା ସମ୍ଭାବନା ରହିଛି । 

ୱାଙ୍ଖଡ଼େ ଷ୍ଟାଡ଼ିୟମ ପିଚ୍‌ରେ ସମସ୍ତଙ୍କୁ କିଛି  ନା କିଛି ସହାୟତା କରିବ । ଦିନରେ ମ୍ୟାଚ୍‌ ହେବ ।  ତେଣୁ ଟସ୍‌ ସେଭଳି ଗୁରୁତ୍ୱପୂର୍ଣ୍ଣ ନୁହେଁ । ତଥାପି  ଟସ ବିଜୟୀ ଦଳ ଫିଲ୍ଡିଂ ନିଷ୍ପତ୍ତି ନେବା ଆଶା  କରାଯାଇପାରେ।

ସମ୍ଭାବ୍ୟ ଦ୍ବାଦଶ 

ମୁମ୍ବାଇ ଇଣ୍ଡିଆନ୍ସ :-  ରୋହିତ ଶର୍ମା, ର‌୍ୟାନ ରିକେଲଟନ, ୱିଲ  ଜ୍ୟାକ୍ସ, ସୂର୍ଯ୍ୟକୁମାର ଯାଦବ, ତିଳକ ବର୍ମା,  ହାର୍ଦ୍ଦିକ ପାଣ୍ଡ୍ୟା(ଅଧିନାୟକ), ନମନ ଧିର,  ମିଚେଲ ସାଣ୍ଟନର, ଦୀପକ ଚହର, ଟ୍ରେଣ୍ଟ  ବୋଲ୍ଟ, ଯଶପ୍ରୀତ ବୁମରା, ବିଘ୍ନେଶ ପୁଥୁର, । 

ସୁପରଜାଏଣ୍ଟ୍‌ସ:- ଆଡେନ ମାରକ୍ରମ, ମିଚଲ ମାର୍ଶ, ନିକୋଲାସ  ପୂରନ, ରିଷଭ ପନ୍ତ(ଅଧିନାୟକ), ଆୟୂଷ  ବାଦୋନି, ଡେଭିଡ୍‌ ମିଲର, ଅବଦୁଲ ସମଦ, ସର୍ଦୁଲ  ଠାକୁର, ଦିଗବେଶ ରାଠି, ରବି ବିଷ୍ଣୋଇ,ଅଭେଶ  ଖାନ,ପ୍ରିନ୍ସ ଯାଦବ/ମୟଙ୍କ ଯାଦବ ।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.