ଭୁବନେଶ୍ୱର,୦୪/୦୮: ୩ ବର୍ଷୀୟା ଇଣ୍ଟିଗ୍ରେଟେଡ୍ ବିଏଡ୍ ଓ ଏମ୍ଏଡ୍ ନାମଲେଖା ପାଇଁ ଉଚ୍ଚଶିକ୍ଷା ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି। ସୋମବାରଠୁ ଅନ୍ଲାଇନ୍ରେ ଆବେଦନ ଆରମ୍ଭ ହୋଇଛି । ୧୭ ତାରିଖ ଯାଏଁ ଆବେଦନର ସୁଯୋଗ ମିଳିବ । ଆବେଦନ ସମୟରେ କୌଣସି ତ୍ରୁଟି ଥିଲେ ୧୮ ତାରିଖରେ ସଂଶୋଧନ ସୁଯୋଗ ଦିଆଯିବ ।
ପ୍ରଥମ ରାଉଣ୍ଡ ନାମଲେଖା ପାଇଁ ୨୨ ତାରିଖରେ ମେଧା ତାଲିକା ପ୍ରକାଶ ପାଇବ । ସମସ୍ତ ପର୍ଯ୍ୟାୟ ନାମଲେଖା ସେପ୍ଟେମ୍ବର ୧୩ ତାରିଖ ସୁଦ୍ଧା ଶେଷ ହେବ । ମାତ୍ର ସେପ୍ଟେମ୍ବର ୮ ତାରିଖରୁ ପାଠପଢ଼ା ଆରମ୍ଭ କରାଯିବ । ଆବେଦନକାରୀଙ୍କ କ୍ୟାରିୟର ମାର୍କକୁ ନେଇ ନାମଲେଖା ହେବ । ୨୨ ତାରିଖରେ ପ୍ରଥମ ମେଧା ତାଲିକା ପ୍ରକାଶ ପାଇବ । ଏଥିରେ ଚୟନ ଛାତ୍ରଛାତ୍ରୀ ୨୩ରୁ ୨୬ ତାରିଖ ମଧ୍ୟରେ ନାମ ଲେଖାଇବେ । ସେପ୍ଟେମ୍ବର ୧ରେ ଦ୍ୱିତୀୟ ରାଉଣ୍ଡ ତଥା ଶେଷ ରାଉଣ୍ଡ ନାମଲେଖା ପାଇଁ ମେଧା ତାଲିକା ପ୍ରକାଶ ପାଇବ । ଏଥିରେ ଚୟନ ଛାତ୍ରଛାତ୍ରୀ ସେପ୍ଟେମ୍ବର ୨ରୁ ୪ ତାରିଖ ମଧ୍ୟରେ ନାମ ଲେଖାଇବେ । ସେପ୍ଟେମ୍ବର ୮ ତାରିଖରେ ତୃତୀୟ ରାଉଣ୍ଡ (ୱେଟିଂ ଲିଷ୍ଟ/ସ୍ପଟ୍) ନାମଲେଖା ପାଇଁ ଏକ ୱେଟିଂ ର୍ୟାଙ୍କ ତାଲିକା ପ୍ରକାଶ ପାଇବ । ୯ରେ ନାମଲେଖା ପାଇଁ ଯୋଗ୍ୟ ଆବେଦନକାରୀଙ୍କ ତାଲିକା ପ୍ରକାଶ ପାଇବ । ଏଥିପାଇଁ ୧୦ରୁ ୧୧ ତାରିଖ ମଧ୍ୟରେ ନାମ ଲେଖାହେବ ।
ଦିଆଯାଇଥିବା ମାର୍ଗଦର୍ଶିକା ଅନୁଯାୟୀ, ଜଣେ ଆବେଦନକାରୀ ସର୍ବାଧିକ ୪ଟି ଉଚ୍ଚଶିକ୍ଷାନୁଷ୍ଠାନର ନାମ ଦେଇପାରିବେ । ଯଦି କୌଣସି ଛାତ୍ରଛାତ୍ରୀ ଭୁଲରେ ପ୍ରିଜ୍ କିମ୍ବା ସ୍ଲାଇଡ୍ ଅପସନ୍ରେ କ୍ଲିକ୍ କରିଥାନ୍ତି ତେବେ ନାମଲେଖା ସମୟରେ ଓଟିପି ଯାଞ୍ଚ ପ୍ରକ୍ରିୟା ଦ୍ୱାରା ଏହାକୁ ରିଭର୍ଟ କରାଯାଇ ପାରିବ । ଶିକ୍ଷାର୍ଥୀ ନାମଲେଖା ସମୟରେ କଲେଜ ଲିଭିଂ ସାର୍ଟିଫିକେଟ୍ ଆଣି ନଥିଲେ ଅଣ୍ଡରଟେକିଂ ଲେଖି ୧୫ ଦିନ ମଧ୍ୟରେ ସିଏଲ୍ସିକୁ ଦାଖଲ କରିପାରିବେ ।
