ମୁମ୍ବାଇ,୨୮/୦୩ : ଆଇପିଏଲ ସିଜିନ୍ ୧୮ରେ ଖାତା ଖୋଲିଛି ଲକ୍ଷ୍ନୌ ସୁପର ଜାଏଣ୍ଟସ । ଋଷବ ପନ୍ତଙ୍କ ନେତୃତ୍ବରେ ପ୍ରଥମ ବିଜୟ ହାସଲ କରିଛି ଦଳ । ଏହି ବିଜୟରେ ପ୍ରମୁଖ ଭୂମିକା ତୁଲାଇଥିଲେ ସାର୍ଦୁଲ ଠାକୁର । ଦିନେ ନିଲାମୀରେ ଅନସୋଲ୍ଡ ଥିଲେ ଆଜି ମ୍ୟାଚ ୱିନର ହୋଇଛନ୍ତି । ୪ ଓଭର ବୋଲିଂ କରି ୩୪ ରନ ଦେଇ ୪ ୱିକେଟ ଅକ୍ତିଆର କରିଥିଲେ । ଏହି ସଫଳତା ସହ ଆଇପିଏଲରେ ୧୦୦ ୱିକେଟ ପୂରଣ କରିଛନ୍ତି । ପର୍ପଲ କ୍ୟାପ ହାସଲ କରିଛନ୍ତି । ୪ଟି ୱିକେଟ ପାଇଁ ପ୍ଲେୟାର ଅଫ୍ ଦି ମ୍ୟାଚ ବିବେଚିତ ହୋଇଥିଲେ ସାର୍ଦୁଲ ।

ଲର୍ଡ଼ ସାର୍ଦୁଲ ଠାକୁର- ଚଳିତ ଆଇପିଏଲରେ ପ୍ରଥମ ବିଜୟ ହାସଲ କରିଥିବା ଲକ୍ଷ୍ନୌ ସୁପରଜାଏଣ୍ଟସର ହିରୋ ସାଜିଥିଲେ ସାର୍ଦୁଳ ଠାକୁର । ତାଙ୍କ ନାମ ପଛରେ  'ଲର୍ଡ଼' କାହିଁକି ଲାଗେ ଆପଣ ଭାବୁଥିବେ । ଏହି ନାମରେ ଜଣାଶୁଣା ସାର୍ଦୁଳ ହାଇଦ୍ରାବାଦର ବିସ୍ଫୋରକ ବ୍ୟାଟର ଅଭିଷେକ ଶର୍ମା ଓ ଇଶାନ କିଷନଙ୍କୁ ସଅଳ ଆଉଟ କରିଥିଲେ । ଇଷାନ ଖାତା ଖୋଲି ପାରିନଥିଲେ । ସାର୍ଦୁଲ ୪ ଓଭର ବୋଲିଂ କରି ୪ ୱିକେଟ ଅକ୍ତିଆର କରିଥିଲେ । ଏହା ସହିତ ଆଇପିଏଲରେ ୧୦୦ ୱିକେଟ ହାସଲ କରିଛନ୍ତି । ୩୩ ବର୍ଷୀୟ ସାର୍ଦୁଲ ଆଇପିଏଲ ସିଜନ ୧୮ରେ ଏବେ ମୋଟ ୬ ୱିକେଟ ନେଇ ପର୍ପଲ କ୍ୟାପ ହାତେଇଛନ୍ତି । ୨୦୨୫ ମେଗା ନିଲାମୀରେ ଦିନେ ଯିଏ ଅନସୋଲ୍ଡ ଥିଲେ ଆଜି ସେ ମ୍ୟାଚ ୱିନର ହୋଇଛନ୍ତି । ପୂର୍ବରୁ ଦିଲ୍ଲୀ ବିପକ୍ଷରେ ସେ ୨ଟି ୱିକେଟ ନେଇଥିଲେ ।

ଅଧିକ ପଢନ୍ତୁ...IPL 2025: ସନରାଇଜର୍ସ ହାଇଦ୍ରାବାଦ ନିରାଶ, ଲକ୍ଷ୍ନୌର ପ୍ରଥମ ବିଜୟ

କହି ରଖୁଛୁ କି, ଗତକାଲି (ଗୁରୁବାର) ଆଇପିଏଲର ସପ୍ତମ ଲିଗ୍ ମ୍ୟାଚ ଖେଳାଯାଇଥିଲା । ନିକୋଲାସ ପୂରନ ଓ ମିଚେଲ ମାର୍ଶଙ୍କ ଲଢୁଆ ବ୍ୟାଟିଂ ବଳରେ ପ୍ରଥମ ବିଜୟ ହାସଲ କରିଛି ଲକ୍ଷ୍ନୌ ସୁପର ଜାଏଣ୍ଟସ । ୫ ୱିକେଟରେ ଦାଇଦ୍ରାବାଦକୁ ହରାଇ ଖାତା ଖୋଲିଛି ଦଳ । ପ୍ରଥମେ ବ୍ୟାଟିଂ କରି ୯ୱିକେଟ ହରାଇ ୧୯୦ରନ କରିଥିଲା ହାଇଦ୍ରାବାଦ । ଜବାବରେ ୫ୱିକେଟ ହରାଇ ସୁପର ଜାଏଣ୍ଟସ ୧୬.୧ ଓଭରରେ ବିଜୟୀ ହୋଇଥିଲା । ନିକୋଲାସ ପୂରନ ୨୬ବଲରେ ୭୦ରନ କରିଥିଲେ । ମାର୍ଶ ୩୧ବଲରେ ୫୨ରନ କରି ବିଜୟରେ ପ୍ରମୁଖ ଭୂମିକା ତୁଲାଇଥିଲେ ।