ନୂଆଦିଲ୍ଲୀ,୧୦/୦୩; ଆଇପିଏଲ ୨୦୨୬ ଆରମ୍ଭ ପୂର୍ବରୁ, ଗୁଜୁରାଟ ଟାଇଟାନ୍ସ ସେମାନଙ୍କ ଦଳ ପରିଚାଳନାରେ ଏକ ବଡ଼ ପରିବର୍ତ୍ତନ କରିଛି। ଫ୍ରାଞ୍ଚାଇଜ୍ ପୂର୍ବତନ ଅଷ୍ଟ୍ରେଲୀୟ ଓପନର ମାଥ୍ୟୁ ହେଡେନଙ୍କୁ ଦଳର ନୂଆ ବ୍ୟାଟିଂ ପ୍ରଶିକ୍ଷକ ଭାବେ ନିଯୁକ୍ତ କରିଛି। ତାଙ୍କ ଯୁଗରେ ସେ ସବୁଠାରୁ ବିପଜ୍ଜନକ ଓପନରମାନଙ୍କ ମଧ୍ୟରୁ ଜଣେ ଥିଲେ । ରନ୍ ମହାରଥୀ ମାଥ୍ୟୁ ଏବେ ଗୁଜରାଟ ଖେଳାଳିଙ୍କୁ ବ୍ୟାଟିଂ କୌଶଳ ଶିଖାଇବେ ।

ମାଥ୍ୟୁ ହେଡେନଙ୍କ କ୍ୟାରିୟର- ସେ ତାଙ୍କ ସମୟର ସବୁଠାରୁ ପ୍ରଭାବଶାଳୀ ଅଷ୍ଟ୍ରେଲିଆ ବ୍ୟାଟରଙ୍କ ମଧ୍ୟରୁ ଜଣେ ଥିଲେ। ସେ ୨୭୩ଟି ଅନ୍ତର୍ଜାତୀୟ ମ୍ୟାଚ୍ ଖେଳିଥିଲେ ଏବଂ ୧୫,୦୦୦ରୁ ଅଧିକ ରନ୍ କରିଛନ୍ତି । ହେଡେନ୍ ଦୁଇଥର ଦିନିକିଆ ବିଶ୍ୱକପ୍ ଜିତିଥିବା ଅଷ୍ଟ୍ରେଲିଆ ଦଳର ମଧ୍ୟ ଅଂଶ ଥିଲେ ଏବଂ ଅନେକ ଆଇସିସି ଟୁର୍ଣ୍ଣାମେଣ୍ଟ ବିଜୟରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ । ମାଥ୍ୟୁ ହେଡେନ୍ ଏବେ ଆଶିଷ ନେହେରା, ବିକ୍ରମ ସୋଲାଙ୍କି ଏବଂ ପାର୍ଥିବ ପଟେଲଙ୍କୁ ନେଇ ଗଠିତ ଏକ ସପୋର୍ଟ ଷ୍ଟାଫ୍‌ଙ୍କ ସହ ଯୋଗ ଦେବେ । ପୂର୍ବରୁ, ସେ ପୁରୁଷ ସିନିୟର ଦଳର ବ୍ୟାଟିଂ ପରାମର୍ଶଦାତା ଭାବରେ ପାକିସ୍ତାନ ସହିତ ପ୍ରଶିକ୍ଷକ ଭାବରେ କାର୍ଯ୍ୟ କରିଥିଲେ । 

ଏହା ବି ପଢନ୍ତୁ...ଟି-ଟ୍ୱେଣ୍ଟି ବିଶ୍ୱକପ୍ ଇତିହାସରେ ରେକର୍ଡ; ୯ ହଜାର କୋଟିର ରୋଜଗାର କଲା ଆଇସିସି ! ପୂର୍ବ ସଂସ୍କରଣକୁ ପଛରେ ପକାଇଲା

ଆସନ୍ତା ମାର୍ଚ୍ଚ  ୨୮ ତାରିଖରୁ ଆରମ୍ଭ ହେବ ଫଟାଫଟ କ୍ରିକେଟ ଟୁର୍ଣ୍ଣାମେଣ୍ଟ  ଇଣ୍ଡିଆନ ପ୍ରିମିୟର ଲିଗ୍ । ଆସନ୍ତା ମାର୍ଚ୍ଚ ୧୨ ତାରିଖରେ ଆଇପିଏଲ କାର୍ଯ୍ୟସୂଚୀ ଘୋଷଣା ହୋଇପାରେ । ବିସିସିଆଇ ସଚିବ ଦେବଜିତ୍ ସାଇକିଆ ନିଶ୍ଚିତ କରିଛନ୍ତି ଯେ, ପ୍ରଥମ ୨୦ ଦିନର କାର୍ଯ୍ୟସୂଚୀ ୧୨ ମାର୍ଚ୍ଚ ସୁଦ୍ଧା ଜାରି କରାଯିବ । ଶୁଭମନ ଗିଲଙ୍କ ନେତୃତ୍ୱାଧୀନ ଦଳ ଗୁଜରାଟ ୨୦୨୫ ମସିହାରେ ଟାଇଟଲ ଜିତିବାର ନିକଟତର ହୋଇଥିଲା । ହେଲେ ଦଳ ତୃତୀୟ ସ୍ଥାନରେ ରହିଥିଲା । ୫ ଥର ଚାମ୍ପିଅନ୍ ମୁମ୍ବାଇ ଇଣ୍ଡିଆନ୍ସ ଟୁର୍ଣ୍ଣାମେଣ୍ଟର ଏଲିମିନେଟରରେ  ଗୁଜରାଟକୁ ପରାସ୍ତ କରିବା ପରେ ସେମାନଙ୍କର ଅଭିଯାନ ଶେଷ ହୋଇଥିଲା ।