ନୂଆଦିଲ୍ଲୀ,୦୫/୦୭; ଇରାନର ଦିବଂଗତ ସର୍ବୋଚ୍ଚ ନେତା ଆୟାତୋଲ୍ଲା ଅଲ୍ଲୀ ଖାମେନେଇଙ୍କ ଅନ୍ତିମ ସଂସ୍କର ସମୟରେ କିଛି ଅଜବ ଦୃଶ୍ୟ ଦେଖିବାକୁ ମିଳିଛି । ତେହେରାନ ରାସ୍ତା ଉତ୍ତେଜନାପୂର୍ଣ୍ଣ ସ୍ଲୋଗାନରେ କମ୍ପିଥିଲା । ମଞ୍ଚରେ ଜଣେ ଖୋଲାଖୋଲି ଭାବେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ମୃତ୍ୟୁ ସ୍ଲୋଗାନ ଦେଇଥିଲେ । ଜାତୀୟ ଗଣମାଧ୍ୟମ ଅନୁସାରେ ଖାମେନେଇଙ୍କ ମୃତ୍ୟୁ ପରେ ଏହା ପ୍ରଥମ ଥର ଯେ କୌଣସି ସରକାରୀ ମଞ୍ଚରୁ ଟ୍ରମ୍ପଙ୍କ ମୃତ୍ୟୁ ପାଇଁ ସ୍ଲୋଗାନ ଦିଆଯାଇଛି । ଏହି ସ୍ଲୋଗାନ ପ୍ରତିଧ୍ୱନିତ ହେବା ମାତ୍ର ଅନ୍ତିମ ସଂସ୍କାରରେ ଉପସ୍ଥିତ ଲକ୍ଷ ଲକ୍ଷ ଲୋକ ଏହାକୁ ସମର୍ଥନ କରିଥିଲେ । ଟ୍ରମ୍ପଙ୍କୁ ହତ୍ୟା କରିବା ଆମ କର୍ତ୍ତବ୍ୟ ବୋଲି ଉତ୍ତେଜନାପୂର୍ଣ୍ଣ ସ୍ଲୋଗାନ ଦିଆଯାଇଥିଲା । ଏହା ସହିତ ଆମେରିକା-ଇସ୍ରାଏଲ ଡାଉନରେ କମ୍ପିଥିଲା ତେହେରାନ ।
ବିଶ୍ୱର ସବୁଠାରୁ ଖରାପ ବ୍ୟକ୍ତି ଏବେ କାହିଁକି ଜୀବିତ ? ରବିବାର ଆୟାତୋଲ୍ଲା ଖାମେନେଇଙ୍କ ପାଇଁ ତେହେରାନରେ ଏକ ବିଶାଳ ଶୋକ ସମାରୋହ ଚାଲିଥିଲା । ଫେବୃଆରୀ ୨୮ରେ ଇରାନ ଉପରେ ଆମେରିକା ଏବଂ ଇସ୍ରାଏଲର ମିଳିତ ଆକ୍ରମଣରେ ଖାମେନେଇଙ୍କ ସମେତ ତାଙ୍କ ପରିବାରର କିଛି ସଦସ୍ୟ ପ୍ରାଣ ହରାଇଥିଲେ । ଖାମେନେଇଙ୍କ ଅନ୍ତିମ ଯାତ୍ରାରେ ମହମ୍ମଦ ରସୁଲି ନାମକ ଜଣେ କବି ଲାଉଡସ୍ପିକର ହାତରେ ନେଇ ଆମେରିକା ଡାଉନ୍, ଇସ୍ରାଏଲ ଡାଉନ୍ ସ୍ଲୋଗାନ ଦେଇଥିଲେ । ଟ୍ରମ୍ପଙ୍କୁ ଟାର୍ଗେଟ କରି ବିଶ୍ୱର ସବୁଠାରୁ ଖରାପ ଲୋକ କାହିଁକି ଜୀବିତ ? ତାଙ୍କର ଏହି କଥାକୁ ସେଠାରେ ଉପସ୍ଥିତ ସମସ୍ତେ କରତାଳି ଦେଇ ସମର୍ଥନ କରିଥିଲେ ।
ଆଉ ଏକ ଭିଡିଓ ସୋସିଆଲ ମିଡିଆରେ ଦ୍ରୁତ ଗତିରେ ଭାଇରାଲ ହେଉଛି । ଯେଉଁଥିରେ ଜଣେ ବ୍ୟକ୍ତି କାନ୍ଦୁଥିବା ଏବଂ ଚିତ୍କାର କରୁଥିବା ଦେଖିବାକୁ ମିଳିଛି । ଆମେ କାହିଁକି ତାଙ୍କୁ ହତ୍ୟା ନକରିବା ଯିଏ ଆମେ ଇମାମଙ୍କୁ ହତ୍ୟା କରିଛି ? ଏହା ଆମର କର୍ତ୍ତବ୍ୟ । ଯଦି ଆମେ ତୁମର ହତ୍ୟାକାରୀଙ୍କୁ ହତ୍ୟା ନକରୁ, ତେବେ ଆମେ ପାଖରେ କେବଳ ଏକ କଫନ ରହିବ । ମୁଁ ତୁମର ରକ୍ତରେ ଶପଥ କରୁଛି ଯେ ଆମେ ଟ୍ରମ୍ପଙ୍କୁ ହତ୍ୟା କରିବୁ ।'' ଏହା ସ୍ପଷ୍ଟ ହୋଇନାହିଁ ଯେ ଭିଡିଓରେ ଥିବା ସେହି ବ୍ୟକ୍ତି ମହମ୍ମଦ ରସୁନି ନା ଅନ୍ୟ କେହି ।
ଏହା ବି ପଢନ୍ତୁ...Ayatollah Ali Khamenei Farewell: ଆୟାତୋଲ୍ଲା ଅଲୀ ଖାମେନେଇଙ୍କୁ ଅନ୍ତିମ ବିଦାୟ; ଗୁମ୍ସୁମ୍ ଇରାନ, ମୁଣ୍ଡ ପିଟି କାନ୍ଦୁଛନ୍ତି ଜନତା, ସମର୍ଥକ
କଣ କହିଲେ ଟ୍ରମ୍ପ ? ଆମେରିକା ରାଷ୍ଟ୍ରପତି ଡେନାଲ୍ଡ ଟ୍ରମ୍ପ ଇରାନକୁ ନେଇ ପୁଣି ଥରେ ବଡ଼ ବୟାନ ନେଇଛନ୍ତି । ଟ୍ରମ୍ପ ଦାବି କରିଛନ୍ତି କି, ସେ ଇରାନ ଦିବଂଗତ ସୁପ୍ରିମ ଲିଡର ଆୟତୋଲ୍ଲା ଅଲ୍ଲୀ ଖାମେନେଇଙ୍କ ଅନ୍ତିମ ସଂସ୍କାରରେ କେବଳ ଗୋଟିଏ ଗୁଳିରେ ଦେଶର ଅବଶିଷ୍ଟ ନେତୃତ୍ୱକୁ ସମାପ୍ତ କରିପାରିବେ । ହେଲେ ସେ ଏପରି କରିବେ ନାହିଁ କାରଣ ଆଲୋଚନା କରିବାକୁ କେହି ରହିବେ ନାହିଁ । ସେମାନେ ଏକ ଚୁକ୍ତି ଭିକ୍ଷା କରୁଛନ୍ତି ।'' ଏହି ଐତିହାସିକ ଅନ୍ତିମ ସଂସ୍କାର ପାଇଁ ଲକ୍ଷ ଲକ୍ଷ ଇରାନୀ ରାସ୍ତାକୁ ଓହ୍ଲାଇ ଆସୁଛନ୍ତି । ଶନିବାର ଦିନ ବିଦାୟ ସମାରୋହରେ ଇରାନର ସଂସଦର ବାଚସ୍ପତି ମହମ୍ମଦ ବାଘେର ଗାଲିବାଫ ଏବଂ ବୈଦେଶିକ ମନ୍ତ୍ରୀ ଆବାସ ଆରାଘଚିଙ୍କୁ କାନ୍ଦୁଥିବାର ଦେଖାଯାଇଥିଲା । ଇରାନୀମାନଙ୍କୁ ଏପରି କାନ୍ଦୁଥିବା ଦେଖି ଟ୍ରମ୍ପ ଆଶ୍ଚର୍ଯ୍ୟ ପ୍ରକାଶ କରିଥିଲେ। ସେ କହିଥିଲେ ଯେ, ସେ ଭାବୁଥିଲେ ଯେ ଲୋକମାନେ ଖାମେନେଇଙ୍କୁ "ଘୃଣା" କରନ୍ତି । ଟ୍ରମ୍ପ ବ୍ୟଙ୍ଗାତ୍ମକ ଭାବରେ କହିଥିଲେ, "ହୁଏତ ଏଗୁଡ଼ିକ ନକଲି ଲୁହ। "
