ତେହେରାନ : ମଧ୍ୟ ପ୍ରାଚ୍ୟରେ ଜାରି ଉତ୍ତେଜନା ମଧ୍ୟରେ ଇରାନର ସେନା ପୁଣି ଥରେ ଆମେରିକୀୟ ଜାହାଜକୁ କରିଛନ୍ତି ଟାର୍ଗେଟ୍। ଏହି ଜାହାଜ ଆମେରିକୀୟ ସେନାକୁ ଲଜିଷ୍ଟିକ୍ ଉପଲବ୍ଧ କରାଇବାରେ ସାହାଯ୍ୟ କରୁଥିଲା। ଇରାନୀ ସେନା ଶନିବାର କହିଛି ଯେ, ସେ ଓମାନକୁ ସଲାଲାହ ବନ୍ଦର ନିକଟରେ ଏକ ଆମେରିକୀୟ ଲଜିଷ୍ଟିକ୍ସ ଜାହାଜ ଉପରେ ଆକ୍ରମଣ କରିଥିଲା। ଇରାନର କେନ୍ଦ୍ରୀୟ ସାମରିକ କମାଣ୍ଡର ମୁଖପାତ୍ର ଇବ୍ରାହିମ୍ ଜୋଲ୍ଫାଗରି ସରକାରୀ ଟିଭିରେ ଜାରି ଏକ ବିବୃତ୍ତିରେ କହିଛନ୍ତି , ଆକ୍ରମଣାତ୍ମକ ଆମେରିକୀୟ ସେନାକୁ ସହାୟତା ପହଞ୍ଚାଉ ଥିବା ଏକ ଲଜିଷ୍ଟିକ୍ ଜାହାଜକୁ, ଓମାନର ସଲାଲାହ ବନ୍ଦର ଠାରୁ ଖୁବ୍ ଦୂରରେ, ଇସଲାମିକ ରିପବ୍ଲିକ ଅଫ୍ ଇରାନର ସଶସ୍ତ୍ର ସେନା ଦ୍ୱାରା ଟାର୍ଗେଟ୍ କରାଯାଇଛି।
ଏହା ପୂର୍ବରୁ, ଇରାନୀ ମିଡ଼ିଆ ଶନିବାର କହିଥିଲା ଯେ, ଆମେରିକା ଓ ଇସ୍ରାଏଲର ଆକ୍ରମଣରେ ଅନେକ ଆବାସିକ ଅଞ୍ଚଳ ଟାର୍ଗେଟ୍କୁ ଆସି ଥିଲା, ଯେଉଁଥିରେ ରାତି ଭିତରେ ଡର୍ଜନରୁ ଅଧିକ ଲୋକଙ୍କ ମୃତ୍ୟୁ ହୋଇଛି। ଫାର୍ସ ନ୍ୟୁଜ୍ ଏଜେନ୍ସି ପ୍ରାନ୍ତର ଅଧିକାରୀ ଘୋଡରାତୋଲ୍ଲାହ ବଲାଦୀଙ୍କ ଅନୁସାରେ କହିଛି ଯେ, ପଶ୍ଚିମୀ ପ୍ରାନ୍ତ ଲୋରେସ୍ତାନର ସହର ବୋରୁଜେର୍ଦର ରିହାୟଶି ଅଞ୍ଚଳରେ ହୋଇଥିବା ଆକ୍ରମଣରେ ୭ଜଣ ଲୋକଙ୍କ ମୃତ୍ୟୁ ହୋଇଛି ଏବଂ ଆଉ ୩୬ ଜଣ ଆହତ ହୋଇଛନ୍ତି।
ଆଇଏସଏନଏ ସହରର ରାଜନୀତିକ ଉପ-ଗଭର୍ଣ୍ଣର ଅଲି ସାଦେଘିଙ୍କ ଅନୁସାରେ କହିଛି ଯେ, ଶନିବାର ଉତ୍ତର-ପଶ୍ଚିମୀ ସହର ଜଞ୍ଜନରେ ମଧ୍ୟ ଏହିପରି ଆକ୍ରମଣ ହୋଇଛି , ଯେଉଁଥିରେ ଅତି କମ୍ରେ ପାଞ୍ଚ ଜଣ ଲୋକଙ୍କ ଜୀବନ ଯାଇଛି ଏବଂ ଆଉ ସାତ ଜଣ ଆହତ ହୋଇଛନ୍ତି। ଇସ୍ରାଏଲ ଓ ଆମେରିକା ୨୮ ଫେବ୍ରୁଆରୀରେ ଇରାନ ଉପରେ ଆକ୍ରମଣ ଆରମ୍ଭ କରିଥିଲେ, ଯେଉଁଥିରେ ଇସଲାମିକ ଗଣରାଜ୍ୟର ସର୍ବୋଚ୍ଚ ନେତାଙ୍କ ମୃତ୍ୟୁ ହୋଇଥିଲା ଏବଂ ଏକ ଏମିତି ଯୁଦ୍ଧର ସୂତ୍ରପାତ ହୋଇଥିଲା, ଯାହାକି ପୂରା ମଧ୍ୟ ପୂର୍ବରେ ବ୍ୟାପି ସାରିଛି। ଇରାନ ଏବେ ସୁଦ୍ଧା ମୃତ୍ୟୁର ମୋଟ ତଥ୍ୟ ଜାରି କରି ନାହିଁ।ସ୍ୱାସ୍ଥ୍ୟ ମନ୍ତ୍ରଣାଳୟର ଅନୁସାରେ , ୮ ମାର୍ଚ୍ଚରେ ଜାରି କରାଯାଇ ଥିବା ନବୀନତମ ତଥ୍ୟରେ ୧,୨୦୦ରୁ ଅଧିକ ଲୋକଙ୍କ ମୃତ୍ୟୁ ହୋଇଥିବା କୁହାଯାଇଛି, ଯାହାର ସ୍ୱତନ୍ତ୍ର ରୂପେ ସ୍ପଷ୍ଟ କରାଯାଇ ପାରି ନାହିଁ।
ସ୍ଥାନୀୟ ମିଡ଼ିଆ ରିପୋର୍ଟ ଅନୁସାରେ ,ରାତି ସାରା ଇରାନୀ ରାଜଧାନୀରେ ବିସ୍ଫୋରଣର ଶବ୍ଦ ଶୁଣାଯାଇଛି। ସହରର ଉତ୍ତର-ପୂର୍ବ ଭାଗରେ ଥିବା ଇରାନ ୟୁନିଭର୍ସିଟି ଅଫ୍ ସାଇନ୍ସ ଆଣ୍ଡ ଟେକ୍ନୋଲଜି ଉପରେ ହୋଇଥିବା ଆକ୍ରମଣରେ ବିଲ୍ଡିଂର କ୍ଷତି ହୋଇଛି, କିନ୍ତୁ କୌଣସି ମୃତାହତ ହୋଇ ନାହିଁ। ଏହା ତତ୍କାଳ ସ୍ପଷ୍ଟ ହୋଇ ପାରି ନାହିଁ ଯେ, ରାତି ସାରା ହୋଇଥିବା ଆକ୍ରମଣରେ ଅନ୍ୟ ସ୍ଥାନ ଗୁଡ଼ିକୁ ମଧ୍ୟ ଟାର୍ଗେଟ୍ କରାଯାଇ ଥିଲା ନା ନାହିଁ।
