ନୂଆଦିଲ୍ଲୀ: ପଶ୍ଚିମ ଏସିଆରେ ଆରମ୍ଭ ହୋଇଥିବା ଯୁଦ୍ଧ ମାତ୍ର କିଛି ଦିନ ମଧ୍ୟରେ ଅନେକ ଦେଶକୁ ଗ୍ରାସ କରି ସାରିଲାଣି। ଗତ ୧୦ ଦିନ ମଧ୍ୟରେ ଆକ୍ରମଣ- ପ୍ରତିଆକ୍ରମଣରେ ହଜାର ହଜାର ଲୋକ ପ୍ରାଣ ହରାଇ ସାରିଲେଣି ଏବଂ ହଜାର ହଜାର ଲୋକ ଆହତ ହୋଇସାରିଲେଣି। ଇରାନ ଏବଂ ଲେବାନନ ସବୁଠାରୁ ଅଧିକ କ୍ଷତିଗ୍ରସ୍ତ ହୋଇଛନ୍ତି, ଯେତେବେଳେ କି ଅନେକ ଉପସାଗରୀୟ ଏବଂ ପଡ଼ୋଶୀ ଦେଶରୁ ମଧ୍ୟ ମୃତ୍ୟୁ ଏବଂ ଆହତଙ୍କ ଖବର ସମ୍ନାକୁ ଆସୁଛି।
ଇରାନ ସବୁଠାରୁ ଅଧିକ କ୍ଷତି ସହିଛି...
ଯୁଦ୍ଧରେ ଏପର୍ଯ୍ୟନ୍ତ ଇରାନ ସବୁଠାରୁ ଅଧିକ କ୍ଷତି ସହିଛି। ୧୩୩୨ ଜଣଙ୍କ ମୃତ୍ୟୁ ହୋଇଛି ଏବଂ ଶହ ଶହ ଆହତ ହୋଇଥିବା ରିପୋର୍ଟ ହୋଇଛି। ଜାରି ରହିଥିବା ଆକ୍ରମଣ ଏବଂ ସାମରିକ କାର୍ଯ୍ୟାନୁଷ୍ଠାନ ଯୋଗୁଁ ପରିସ୍ଥିତି ଅତ୍ୟନ୍ତ ଜଟିଳ ରହିଛି।
ଆମେରିକା ଏବଂ ଇସ୍ରାଏଲରେ ମୃତାହତ...
୮ ଜଣ ଆମେରିକୀୟ ସୈନିକ ପ୍ରାଣ ହରାଇଛନ୍ତି ଏବଂ ୧୮ ଜଣ ଆହତ ହୋଇଛନ୍ତି। ସେହିଭଳି ଇସ୍ରାଏଲରେ ୧୩ ଜଣଙ୍କ ମୃତ୍ୟୁ ହୋଇଛି ଏବଂ ୨ ହଜାରରୁ ଅଧିକ ଆହତ ହୋଇଛନ୍ତି। ଫେବୃଆରୀ ୨୮ ତାରିଖରୁ ଜାରି ରହିଥିବା ଆମେରିକା ଏବଂ ଇରାନ ମଧ୍ୟରେ ଯୁଦ୍ଧ ଉଭୟ ଦେଶ ପାଇଁ ଭାରି କ୍ଷତି ପହଞ୍ଚାଇଛି । ତଥାପି, ସମୟରେ ଇରାନ ଆକ୍ରମଣ ଆମେରିକାର ପ୍ରତିରକ୍ଷା ବ୍ୟବସ୍ଥାକୁ ଏକ ଗୁରୁତ୍ୱପୂର୍ଣ୍ଣ ଆଘାତ ଦେଇଥିଲା। ଯୁଦ୍ଧର ପ୍ରଥମ ୪ ଦିନରେ, ଇରାନ ପ୍ରାୟ ୨ ବିଲିୟନ ଡଲାର (ପ୍ରାୟ ୧୬,୦୦୦ କୋଟି) ମୂଲ୍ୟର ଆମେରିକୀୟ ରାଡାର ଏବଂ ପ୍ରତିରକ୍ଷା ପ୍ରଣାଳୀକୁ କ୍ଷତି ପହଞ୍ଚାଇଛି କିମ୍ବା ନଷ୍ଟ କରିଛି। ଏଥିରେ ଅତ୍ୟାଧୁନିକ THAAD ପ୍ରତିରକ୍ଷା ପ୍ରଣାଳୀ, ମହଙ୍ଗା ରାଡାର ପ୍ରଣାଳୀ ଏବଂ ସାମରିକ ଯୋଗାଯୋଗ ଉପକରଣ ଅନ୍ତର୍ଭୁକ୍ତ।
ଲେବାନନରେ ବ୍ୟାପକ ଧ୍ୱଂସ...
ଲେବାନନରେ ପରିସ୍ଥିତି ମଧ୍ୟ ଅତ୍ୟନ୍ତ ଗମ୍ଭୀର। ୩୯୪ ଜଣ ଲୋକ ପ୍ରାଣ ହରାଇଛନ୍ତି ଏବଂ ୧୦୦୦ ରୁ ଅଧିକ ଆହତ ହୋଇଛନ୍ତି। ନିରନ୍ତର ଆକ୍ରମଣ ପରିସ୍ଥିତିକୁ ଆହୁରି ଖରାପ କରୁଛି।
ଉପସାଗରୀୟ ଦେଶଗୁଡ଼ିକରେ ପ୍ରଭାବ...
ଯୁଦ୍ଧର ପ୍ରଭାବ ଅନେକ ଉପସାଗରୀୟ ଦେଶରେ ମଧ୍ୟ ଅନୁଭୂତ ହୋଇଛି। ଇରାକରେ ୬ ଜଣଙ୍କ ମୃତ୍ୟୁ ଏବଂ ଅନେକ ଆହତ ହୋଇଛନ୍ତି। ଏହି ସମୟରେ, ଜୋର୍ଡାନରେ ୧୪ ଜଣଙ୍କ ଆହତ ହୋଇଥିବା ରିପୋର୍ଟ କରାଯାଇଛି। ଏପର୍ଯ୍ୟନ୍ତ ସାଇପ୍ରସରେ ମୃତ୍ୟୁ କିମ୍ବା ଆହତ ହେବାର କୌଣସି ରିପୋର୍ଟ ଆସିନାହିଁ।
ଏହା ସହ ପଢନ୍ତୁ : ତୃତୀୟ ବିଶ୍ବଯୁଦ୍ଧ ହେଲେ ବଞ୍ଚିଯିବେ କେବଳ ଏହି ଦୁଇ ଦେଶ, ସାମିଲ ନାହିଁ ଭାରତର ନାଁ...
