ନୂଆଦିଲ୍ଲୀ: ଉପସାଗରୀୟ ଅଞ୍ଚଳରେ ଆମେରିକାର ସାମରିକ କାର୍ଯ୍ୟକଳାପ ବୃଦ୍ଧି ଏବଂ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବାରମ୍ବାର ସାମରିକ କାର୍ଯ୍ୟାନୁଷ୍ଠାନ ଧମକ ମଧ୍ୟରେ ଏବେ ଇରାନରୁ ଏବେ ଏକ ଆଶ୍ଚର୍ଯ୍ୟଜନକ ଖବର ଆସିଛି। କୁହାଯାଉଛି ଟ୍ରମ୍ପଙ୍କ ଧମକ ପରେ ଭୟରେ ଇରାନର ସର୍ବୋଚ୍ଚ ନେତା ଆୟାତୋଲ୍ଲା ଅଲି ଖାମେନି ଗତ ୩୭ ବର୍ଷ ଧରି ପ୍ରଚଳିତ ଏକ ଗୁରୁତ୍ୱପୂର୍ଣ୍ଣ ପରମ୍ପରାକୁ ଭାଙ୍ଗିଛନ୍ତି। ୧୯୮୯ରେ ନେତୃତ୍ୱ ଗ୍ରହଣ କରିବା ପରେ ଏହା ପ୍ରଥମ ଥର ଯେ, ଖାମେନି ବାୟୁସେନା କମାଣ୍ଡର ମାନଙ୍କ ସହିତ ତାଙ୍କର ବାର୍ଷିକ ବୈଠକରେ ସାମିଲ ହୋଇନାହାଁନ୍ତି ।
କାହିଁକି ଫେବୃଆରୀ ୮ ତାରିଖ ସ୍ୱତନ୍ତ୍ର ?
ଇରାନରେ ଫେବୃଆରୀ ୮ ଐତିହାସିକ ଗୁରୁତ୍ୱ ବହନ କରେ। ୧୯୭୯ ମସିହାରେ ଏହି ଦିନରେ, ବାୟୁସେନା ଅଧିକାରୀ ମାନେ ଇସଲାମିକ ବିପ୍ଳବର ପ୍ରତିଷ୍ଠାତା ରୁହୋଲ୍ଲା ଖୋମେନିଙ୍କ ପ୍ରତି ସେମାନଙ୍କର ଆନୁଗତ୍ୟ ଶପଥ ନେଇଥିଲେ, ଯାହା ପହଲଭି ରାଜବଂଶର ପତନ ପାଇଁ ପଥ ପ୍ରସ୍ତୁତ କରିଥିଲା। ଖାମେନି ୧୯୮୯ ମସିହାରୁ ପ୍ରତିବର୍ଷ ଏହି ବୈଠକର ଅଧ୍ୟକ୍ଷତା କରିଆସୁଛନ୍ତି। କୋଭିଡ୍-୧୯ ମହାମାରୀ ସମୟରେ ମଧ୍ୟ, ସେ ଏହି ପରମ୍ପରା ଭାଙ୍ଗି ନଥିଲେ। ଇରାନ ଇଣ୍ଟରନ୍ୟାସନାଲ ଅନୁଯାୟୀ, ଏହି ରବିବାର, ସଶସ୍ତ୍ର ବାହିନୀର ମୁଖ୍ୟ ଅବଦୁଲରହିମ ମୁସାଭି ଖାମେନିଙ୍କ ସ୍ଥାନରେ ବାୟୁସେନା କମାଣ୍ଡର ମାନଙ୍କ ସହିତ ବୈଠକ କରିଥିଲେ।
ଉତ୍ତେଜନା ପଛରେ ମୁଖ୍ୟ କାରଣ…
ସାର୍ବଜନୀନ କାର୍ଯ୍ୟକ୍ରମରୁ ଖାମେନିଙ୍କ ଓହରିଯିବା ତାଙ୍କ ସୁରକ୍ଷା ଏବଂ ଏହି ଅଞ୍ଚଳରେ ଯୁଦ୍ଧ ପାଇଁ ବଢୁଥିବା ବିପଦ ଏବଂ ଏଥିପାଇଁ ସେ ଚିନ୍ତିତ ଥିବା ବିଶ୍ବାସ କରାଯାଉଛି। ଆମେରିକା ଉପସାଗରୀୟ ଅଞ୍ଚଳରେ ଏହାର ସାମରିକ ଉପସ୍ଥିତିକୁ ଯଥେଷ୍ଟ ବୃଦ୍ଧି କରିଛି। ବିମାନ ବାହକ ଯୁଦ୍ଧ ୟୁଏସଏସ ଆବ୍ରାହମ ଲିଙ୍କନ ଆରବ ସାଗରରେ ମୁତୟନ କରାଯାଇଛି, ଯେତେବେଳେ ଏଫ-୧୫ ଲଢ଼ୁଆ ବିମାନ, ଆକ୍ରମଣ ଡ୍ରୋନ ଏବଂ କ୍ଷେପଣାସ୍ତ୍ର ବିଧ୍ୱଂସକ ଜୋର୍ଡାନ ଏବଂ ଲୋହିତ ସାଗରରେ ମୁତୟନ କରାଯାଇଛି। ଇରାନ କେବଳ ଏହାର ପରମାଣୁ କାର୍ଯ୍ୟକ୍ରମ ବିଷୟରେ ଆଲୋଚନା କରିବାକୁ ଚାହୁଁଛି । ଇରାନ ଚେତାବନୀ ଦେଇଛି ଯେ ଯଦି ଏଥର ଯୁଦ୍ଧ ହୁଏ, ତେବେ ଏହା ସମଗ୍ର ମଧ୍ୟପ୍ରାଚ୍ୟରେ ବ୍ୟାପିବ। ଇରାନ ନେତୃତ୍ୱ ଚେତାବନୀ ଦେଇଛନ୍ତି ଯେ ଯଦି ଆମେରିକା ଏଥର ଯୁଦ୍ଧ ଆରମ୍ଭ କରେ, ତେବେ ଏହା ସମଗ୍ର ଅଞ୍ଚଳରେ ବ୍ୟାପିବ।
କାହିଁକି ଅନୁପସ୍ଥିତ ଥିଲେ ଖାମେନି ?
ଖାମେନିଙ୍କ ଅନୁପସ୍ଥିତିକୁ ଦୁଇଟି ଦୃଷ୍ଟିକୋଣରୁ ଦେଖାଯାଉଛି। ପ୍ରଥମତଃ, ଆମେରିକାର ସମ୍ଭାବ୍ୟ ଆକ୍ରମଣ କିମ୍ବା ଗୁପ୍ତଚର ଭୟରେ ତାଙ୍କୁ ଏକ ସୁରକ୍ଷିତ ସ୍ଥାନରେ ରଖାଯାଇ ଥାଇପାରେ। ଦ୍ୱିତୀୟତଃ, ଏହା ସମ୍ଭବ ଯେ ସେ ଗୁରୁତ୍ୱପୂର୍ଣ୍ଣ ଜାତୀୟ ସୁରକ୍ଷା ମାମଲା ଏବଂ ସାମରିକ ରଣନୀତିରେ ବ୍ୟସ୍ତ ଅଛନ୍ତି ।
