ନୂଆଦିଲ୍ଲୀ ୦୯/୦୫: ଗ୍ରୀଷ୍ମ ଋତୁରେ ସମସ୍ତେ କିଛି ଥଣ୍ଡା ପିଇବାକୁ ଇଚ୍ଛା କରନ୍ତି। ଏପରି ଭାବରେ ଲୋକମାନେ ନିଜର ଶୋଷ ମେଣ୍ଟାଇବା ପାଇଁ ଥଣ୍ଡା ବିୟର ମଧ୍ୟ ପିଇଥାନ୍ତି। ପ୍ରବଳ ଗରମରେ ଥଣ୍ଡା ବିୟର ନିଶ୍ଚିତ ଭାବରେ ଆରାମ ପ୍ରଦାନ କରେ, କିନ୍ତୁ ଏହା ସ୍ୱାସ୍ଥ୍ୟ ପାଇଁ ବହୁତ କ୍ଷତିକାରକ। ଏହା ଶରୀରକୁ ଡିହାଇଡ୍ରେଟ୍ କରେ। ବିୟରରେ ଆଲକୋହଲ ଥାଏ, ଯାହା ଶରୀରର ତାପମାତ୍ରା ବୃଦ୍ଧି କରିପାରେ ଏବଂ ଡିହାଇଡ୍ରେସନ୍ ସୃଷ୍ଟି କରିପାରେ। ତେଣୁ, ଆସନ୍ତୁ ଜାଣିବା ଗ୍ରୀଷ୍ମ ଋତୁରେ ଥଣ୍ଡା ବିୟର ପିଇବା କେତେ ଉପଯୁକ୍ତ।

ଗରମରେ ବିୟର ପିଇବା ଉଚିତ୍ କି?

ବିୟର ପିଇବା ଦ୍ୱାରା ଶରୀର ଥଣ୍ଡା ହୁଏ ଏବଂ ଶୋଷ ମେଣ୍ଟେ ବୋଲି ଏକ ସାଧାରଣ ବିଶ୍ୱାସ ଅଛି। କିନ୍ତୁ, ଏହା ଏକ ଲୋକ କଥା। ବିୟର ଏକ ଡିହାଇଡ୍ରେଟିଂ ପାନୀୟ। ଏହାର ଅର୍ଥ ଏହା ଶରୀରରୁ ପାଣି ବାହାର କରିଦିଏ, ଯାହା ଗ୍ରୀଷ୍ମ ଋତୁରେ ବିପଦଜନକ ହୋଇପାରେ।

​​​​​​​

ଡିହାଇଡ୍ରେସନ :

ବିୟର ଏକ ଡାଇୟୁରେଟିକ୍। ଯେତେବେଳେ ଆପଣ ବିୟର ପିଅନ୍ତି, ଆପଣଙ୍କର କିଡନୀ ସାଧାରଣ ଅପେକ୍ଷା ଦ୍ରୁତ ଗତିରେ ଆପଣଙ୍କ ଶରୀରରୁ ପାଣି ବାହାର କରିଦିଏ। ଗ୍ରୀଷ୍ମ ଋତୁରେ, ଆମର ଅଧିକ ଝାଳ ବାହାରେ, ଯାହାଦ୍ୱାରା ଶରୀରେ ପାଣିର ଅଭାବ ରହିଥାଏ। ଏଥିସହିତ ବିୟର ପିଇବା ଶରୀରକୁ ଆହୁରି ଡିହାଇଡ୍ରେଟ୍ କରେ, ଯାହା ମୁଣ୍ଡ ବୁଲାଇବା, ମୁଣ୍ଡ ବିନ୍ଧା ଏବଂ ଦୁର୍ବଳତା ସୃଷ୍ଟି କରିପାରେ।

ଶରୀରର ତାପମାତ୍ରାରେ ଅସନ୍ତୁଳନ :

ଯଦିଓ ବିୟର ପିଇବା ପରେ ଆପଣ ଶରୀର ଭିତରୁ ଥଣ୍ଡା ଅନୁଭବ କରିପାରନ୍ତି, କିନ୍ତୁ ଆଲକୋହଲ ଶରୀରର ତାପମାତ୍ରାକୁ ବିଗାଡି ଥାଏ। ଏହା ରକ୍ତବାହୀ ନଳୀଗୁଡ଼ିକୁ ବିସ୍ତାର କରିଥାଏ, ଯାହା ଚର୍ମ ପୃଷ୍ଠକୁ ଉଷ୍ମ ଅନୁଭବ କରାଏ, କିନ୍ତୁ ଗୁରୁତ୍ୱପୂର୍ଣ୍ଣ ଅଙ୍ଗଗୁଡ଼ିକର ତାପମାତ୍ରା ଅସ୍ୱାଭାବିକ ରହିପାରେ।

ଥଣ୍ଡା ବିୟରର ପାର୍ଶ୍ୱ ପ୍ରତିକ୍ରିୟା :

ପାଚନ ତନ୍ତ୍ର ଉପରେ ଖରାପ ପ୍ରଭାବ :

ଅତ୍ୟଧିକ ଥଣ୍ଡା ବିୟର ପିଇବା ଦ୍ଵାରା ପାଚନକ୍ରିୟା ଉପରେ ଖରାପ ପ୍ରଭାବ ପଡ଼ିପାରେ। ଏହା ହଜମ ପ୍ରକ୍ରିୟାକୁ ଖରାପ କରି ଏସିଡିଟି, ପେଟ ଫୁଲିବା ଏବଂ ଗ୍ୟାସ୍ ସୃଷ୍ଟି କରିପାରେ।

ଆହୁରି ପଢ଼ନ୍ତୁ...ଗରମ ଦିନେ ରାତିରେ ଥଣ୍ଡା କ୍ଷୀର ପିଉଛନ୍ତି କି? ଜାଣନ୍ତୁ ସ୍ୱାସ୍ଥ୍ୟ ଉପରେ କଣ ପ୍ରଭାବ ପଡ଼ିବ ...

ହିଟ୍ ଷ୍ଟ୍ରୋକ୍‌ର ଆଶଙ୍କା :

ମଦ୍ୟପାନ ଶରୀରର ହିଟ୍ ସେନ୍ସିଟିଭିଟିକୁ ହ୍ରାସ କରେ। ଏହାର ଅର୍ଥ ହେଉଛି ଆପଣଙ୍କ ଶରୀର କେତେ ଗରମ ହେଉଛି ତାହା ଆପଣ ଅନୁଭବ କରି ପାରିବେ ନାହିଁ। ଏହା ସୂର୍ଯ୍ୟ କିରଣରେ ହିଟ୍ ଷ୍ଟ୍ରୋକ୍ ହେବାର ଆଶଙ୍କା ବୃଦ୍ଧି କରେ।