ନୂଆଦିଲ୍ଲୀ: ହୁତି ବିଦ୍ରୋହୀ ମାନଙ୍କ ଦ୍ୱାରା ଅଧିକୃତ ୟେମେନ ଉପରେ ଏୟାର ଷ୍ଟ୍ରାଇକ୍ ଆରମ୍ଭ କରିଛି ଇସ୍ରାଏଲ । ରିପୋର୍ଟ ଅନୁଯାୟୀ ଏହି ଆକ୍ରମଣରେ ୯ ଜଣଙ୍କର ମୃତ୍ୟୁ ଘଟିଛି। କୁହାଯାଉଛି ଯେ ଇସ୍ରାଏଲ୍ ବିଦ୍ୟୁତ୍ ଉତ୍ପାଦନ କେନ୍ଦ୍ର, ଲୋହିତ ସାଗରରେ ଥିବା ରାସ୍ ଇସା ତେଲ ଟର୍ମିନାଲ୍ ଏବଂ ସାଲିଫ୍ ବନ୍ଦରକୁ ଟାର୍ଗେଟ କରିଛି। ଏହି ଆକ୍ରମଣରେ ସାଲିଫ ବନ୍ଦରରେ ୭ ଜଣ ଏବଂ ତେଲ ଟର୍ମିନାଲରେ ଦୁଇ ଜଣଙ୍କର ମୃତ୍ୟୁ ଘଟିଛି । ଏହା ପୂର୍ବରୁ ୟେମେନ କେନ୍ଦ୍ରୀୟ ଇସ୍ରାଏଲ ଉପରେ ହୁତି ମିସାଇଲ୍ରେ ଆକ୍ରମଣ କରିଥିଲା। ଯାହାକୁ ଇସ୍ରାଏଲ ପ୍ରତିରୋଧ କରିଥିଲେ।
ଟାଇମ୍ସ ଅଫ୍ ଇସ୍ରାଏଲ ଅନୁଯାୟୀ, ଇସ୍ରାଏଲ ସେନା ୟେମେନରେ ହୋଇଥିବା ଆକ୍ରମଣକୁ ନିଶ୍ଚିତ କରିଛନ୍ତି। ଏନେଇ ଇସ୍ରାଏଲ୍ ସେନା କହିଛନ୍ତି ଯେ, ହୁତି ବିଦ୍ରୋହୀ ଗୋଷ୍ଠୀର ବାରମ୍ବାର ଆକ୍ରମଣରେ ଏହାର ଯୁଦ୍ଧ ବିମାନ ଜବାବ ଦେଇଛି। ସେନା ଅନୁଯାୟୀ, ଇସ୍ରାଏଲ୍ ବାୟୁସେନା ଦୁଇଟି ପର୍ଯ୍ୟାୟରେ ହୁତି ସ୍ଥିତିକୁ ଆକ୍ରମଣ କରିଛି। ଏଥିରେ ଇସ୍ରାଏଲ୍ ବାୟୁସେନାର ୧୪ ଟି ଯୁଦ୍ଧ ବିମାନ ସାମିଲ ଥିଲା। ସେନା କହିଛି ଯେ ପ୍ରଥମ ଆକ୍ରମଣରେ ତେଲ ଟର୍ମିନାଲ ଏବଂ ଲାଲ ସାଗରରେ ଥିବା ସାଲିଫ ବନ୍ଦରକୁ ଟାର୍ଗେଟ କରାଯାଇଥିଲା। ଆକ୍ରମଣରେ ଜାହାଜ ଆଣିବା ପାଇଁ ବ୍ୟବହୃତ ଆଠଟି ଡଙ୍ଗାକୁ ନଷ୍ଟ କରାଯାଇଛି । ଏହା ପରେ ଦ୍ୱିତୀୟ ଥର ପାଇଁ ରାଜଧାନୀ ସାନାର ଦୁଇଟି ବିଦ୍ୟୁତ କେନ୍ଦ୍ରକୁ ଟାର୍ଗେଟ କରାଯାଇଥିଲା।
ଆଇଡିଏଫ୍ ମୁଖ୍ୟ ମୁଖପାତ୍ର ଡାନିଏଲ ହାଗରୀ କହିଛନ୍ତି ଯେ, ଏହି ଆକ୍ରମଣରେ ସେହି ସ୍ଥାନ ଗୁଡିକୁ ଟାର୍ଗେଟ କରାଯାଇଛି, ଯେଉଁ ସ୍ଥାନ ଗୁଡିକୁ ହୁତି ମାନେ ସେମାନଙ୍କ ସାମରିକ କାର୍ଯ୍ୟ ପାଇଁ ବ୍ୟବହୃତ କରୁଥିଲେ । ଲୋହିତ ସାଗରରେ ଅନ୍ତର୍ଜାତୀୟ ଜାହାଜ ଉପରେ ହୁତି ଆକ୍ରମଣ ବିଶ୍ୱବ୍ୟାପୀ ବିପଦ ପାଲଟିଛି । ହୁତି ମାନଙ୍କ ପଛରେ କିଏ ଅଛନ୍ତି ? ସରଳ କଥା ହେଉଛି ଇରାନ । ଇରାନର ପ୍ରବର୍ତ୍ତନ ଏବଂ ଅର୍ଥ ହେତୁ ହୁତି ବିଦ୍ରୋହୀ ମାନେ କ୍ରମାଗତ ଭାବରେ ଇସ୍ରାଏଲ ଉପରେ ଆକ୍ରମଣ କରୁଛନ୍ତି । ଯେକୌଣସି ଦୂରତାରେ ଇସ୍ରାଏଲ ନାଗରିକଙ୍କ ପାଇଁ ବିପଦ ସୃଷ୍ଟି କରୁଥିବା ଆଇଡିଏଫ୍ ପାଖରେ କାର୍ଯ୍ୟାନୁଷ୍ଠାନ ଏବଂ ଆକ୍ରମଣ କରିବାର କ୍ଷମତା ଅଛି ।
