ଭୁବନେଶ୍ୱର,୧୩/୬: ଯାଜପୁରରେ ଡ଼ାଇରିଆ ବ୍ୟାପିବା ଘଟଣାକୁ ନେଇ ପ୍ରତିକ୍ରିୟା ରଖିଛନ୍ତି ଜନସ୍ୱାସ୍ଥ୍ୟ ନିର୍ଦ୍ଦେଶକ ଡ. ନୀଳକଣ୍ଠ ମିଶ୍ର | ପିଇବା ପାଣିରୁ ଡ଼ାଇରିଆ ବ୍ୟାପିଥାଇ ପାରେ ବୋଲି ସେ ଅନୁମାନ କରିଛନ୍ତି । ତେବେ ଲ୍ୟାବ ରିପୋର୍ଟ ଆସିବା ପାରେ ସ୍ଥିତି ସ୍ପଷ୍ଟ ହେବ ବୋଲି ସେ କହିଛନ୍ତି |
ଅନ୍ୟପଟେ ଏନେଇ ସ୍ୱାସ୍ଥ୍ୟ ବିଭାଗକୁ ରିପୋର୍ଟ ଦେଇଛନ୍ତି ଜନ ସ୍ୱାସ୍ଥ୍ୟ ନିର୍ଦ୍ଦେଶକ। ସେହିପରି ଆଜି ଦିନ ୩ଟାରେ ଏହି ଘଟଣା ସମ୍ୱଦ୍ଧରେ ମୁଖ୍ୟ ଶାସନ ସଚିବ ସ୍ଥିତି ସମୀକ୍ଷା କରିଥିଲେ। ଏ ଯାଏଁ ଏହି ଘଟଣାରେ ୫ ଜଣ ମୃତ୍ୟୁ ବରଣ କରିଥିବ ବେଳେ ୨୪୫ ଜଣ ଚିକିତ୍ସାଧୀନ ଅଛନ୍ତି। ଆଗୁଆ ମୌସୁମୀ ଏହାର ପ୍ରମୁଖ କାରଣ ବୋଲି ବିଶେଷଜ୍ଞମାନେ ମତ୍ତ ପ୍ରକାଶ କରିଛନ୍ତି। ତେବେ ସମସ୍ତଙ୍କୁ ଭଲ ପାଣି ବ୍ୟବହାର କରିବାକୁ ସ୍ୱାସ୍ଥ୍ୟ ବିଭାଗ ପକ୍ଷରୁ ଅନୁରୋଧ କରାଯାଇଛି।
