ହାଇଦ୍ରାବାଦ,୨୪/୦୪: ମୁମ୍ବାଇ ଇଣ୍ଡିଆନ୍ସ ପକ୍ଷରୁ ଖେଳୁଥିବା ଟିମ ଇଣ୍ଡିଆ ପେସ୍ ବୋଲର ଯଶପ୍ରୀତ ବୁମରା ଟି-ଟ୍ୱେଣ୍ଟି ଫର୍ମାଟ୍ରେ ୩୦୦ ୱିକେଟ୍ ପୂରଣ କରିଛନ୍ତି । ବୁଧବାର ସନରାଇଜର୍ସ ହାଇଦ୍ରାବାଦ ବିପକ୍ଷ ମ୍ୟାଚ୍ରେ ବୁମରା ଗୋଟିଏ ୱିକେଟ୍ ନେଇଥିଲେ ଓ ତାଙ୍କ ସହ ଏହି ବିରଳ ରେକର୍ଡ ଯୋଡ଼ି ହୋଇଯାଇଥିଲା । ସେ ମଧ୍ୟ ମୁମ୍ବାଇ ଇଣ୍ଡିଆନ୍ସ ପକ୍ଷରୁ କେବଳ ଆଇପିଏଲ୍ରେ ୧୭୦ ୱିକେଟ୍ ପୂରଣ କରିଥିଲେ । ପୂର୍ବରୁ କେବଳ ଲସିଥ ମାଲିଙ୍ଗା ମୁମ୍ବାଇ ଇଣ୍ଡିଆନ୍ସ ପକ୍ଷରୁ ଏତେ ସଂଖ୍ୟକ ୱିକେଟ୍ ନେଇଥିଲେ । ସେ ପଞ୍ଚମ ଭାରତୀୟ ବୋଲର ଭାବେ ଟି-ଟ୍ୱେଣ୍ଟି ଫର୍ମାଟ୍ରେ ୩୦୦ ୱିକେଟ୍ ପୂରଣ କରିଛନ୍ତି ।
ତାଙ୍କ ପୂର୍ବରୁ ୟୁଝବେନ୍ଦ୍ର ଚହଲ, ପିୟୂଷ ଚାୱଲା, ଭୁବନେଶ୍ୱର କୁମାର ଓ ରବି ଚନ୍ଦ୍ରନ ଅଶ୍ୱିନ ଏହି ସଫଳତା ଅର୍ଜନ ପାଇଛନ୍ତି । ଚହଲ ଟି-ଟ୍ୱେଣ୍ଟି ଫର୍ମାଟ୍ରେ ୩୭୩ଟି ୱିକେଟ୍ ଅକ୍ତିଆର କରିଥିବାବେଳେ ଚାୱଲା ୩୧୯, ଭୁବନେଶ୍ୱର ୩୧୮ ଓ ଅଶ୍ୱିନ ୩୧୫ ୱିକେଟ୍ ନେଇଛନ୍ତି । ବୁମରା ଗୁଜରାଟ ପକ୍ଷରୁ ସୟଦ ମୁସ୍ତାକ ଅଲି ଟି-ଟ୍ୱେଣ୍ଟିରେ ୩୮ଟି ୱିକେଟ୍ ଅକ୍ତିଆର କରିଥିବାବେଳେ ଭାରତ ପକ୍ଷରୁ ଅନ୍ତର୍ଜାଜୀୟ ଟି-ଟ୍ୱେଣ୍ଟିରେ ୮୯ଟି ୱିକେଟ୍, ଆଇପିଏଲ୍ରେ ୧୭୦ ୱିକେଟ୍ ଓ ଚାମ୍ପିଅନ୍ସ ଲିଗ୍ ଟି-ଟ୍ୱେଣ୍ଟିରେ ୩ ୱିକେଟ୍ ନେଇଛନ୍ତି ।
