ନୂଆଦିଲ୍ଲୀ,୦୧/୦୫; ଦେଶରେ ଲକ୍ଷ ଲକ୍ଷ ଛାତ୍ରଛାତ୍ରୀଙ୍କ ଅପେକ୍ଷାର ଅନ୍ତ ହୋଇଛି । ପ୍ରକାଶ ପାଇଛି ଜେଇଇ ଆଡଭାନ୍ସ ରେଜଲ୍ଟ ୨୦୨୬ । ଆଇଆଇଟି ଦିଲ୍ଲୀ ଜୋନରୁ ଶୁଭମ କୁମାର ଟପ୍ପର ହୋଇଛନ୍ତି । ୩୬୦ରୁ ସେ ୩୦୦ ନମ୍ବର ରଖି ଅଲ୍ ଇଣ୍ଡିଆ ନମ୍ବର ୱାନ୍ ସ୍ଥାନ ହାସଲ କରିଛନ୍ତି । ସେହିପରି ମହିଳାରେ ଆରୋହୀ ଦେଶପାଣ୍ଡେ ୩୬୦ରୁ ୨୮୦ ରଖି ଟପ୍ କରିଛନ୍ତି । ମୋଟ୍ ୧.୭୯ ଲକ୍ଷ ପରୀକ୍ଷା ଦେଇଥିଲେ । ସେମାନଙ୍କ ମଧ୍ୟରୁ ୫୬,୮୮୦ କୃତକାର୍ଯ୍ୟ ହୋଇଛନ୍ତି । କଠିନ ପରିଶ୍ରମ, ଆତ୍ମ-ଅଧ୍ୟୟନ ଏବଂ ପ୍ରସ୍ତୁତି ମାଧ୍ୟମରେ ଏହି ଉଲ୍ଲେଖନୀୟ ସଫଳତା ହାସଲ କରିଛନ୍ତି । ଶୁଭମ, ଯିଏ JEE ମେନ୍ରେ ୧୦୦ ପ୍ରତିଶତ ରେଜଲ୍ଟ କରିଥିଲେ । ଜେଇଇ ଆଡଭାନ୍ସରେ ବି ତାଙ୍କର ଜଲୱା ଦେଖିବାକୁ ମିଳିଛି । JEE ଆଡଭାନ୍ସଡ୍ ୨୦୨୬ ଟପର୍ ଶୁଭମ କୁମାର କହିଛନ୍ତି ଯେ, ସୋସିଆଲ ମିଡିଆ ଏବଂ ନକାରାତ୍ମକ ଖବର ଏଡାଇବା ତାଙ୍କୁ ସଫଳ କରିବାରେ ସାହାଯ୍ୟ କରିଛି ।
ହାର୍ଡୱେର୍ କାମ କରନ୍ତି ଶୁଭମଙ୍କ ବାପା- ଶୁଭମ ଏକ ସାଧାରଣ ପରିବାରରୁ ଆସିଛନ୍ତି । ତାଙ୍କ ବାପା ଶିବ କୁମାର ହାର୍ଡୱେୟାରରେ କାମ କରନ୍ତି । ତାଙ୍କ ମାଆ କାଞ୍ଚନ ଦେବୀ ଜଣେ ଗୃହିଣୀ । ପରିବାର ସଦସ୍ୟମାନେ ମଧ୍ୟ ଶୁଭମଙ୍କ ସଫଳତାରେ ଖୁସି । ତାଙ୍କ ବଡ଼ ଭଉଣୀ ପ୍ରିୟା କୁମାରୀ ମଧ୍ୟ ଆଇଆଇଟି ପାଟନାରେ କମ୍ପ୍ୟୁଟର ବିଜ୍ଞାନ ପଢ଼ୁଛନ୍ତି ।
ଶୁଭମ କେଉଁଠାରେ ପାଠ ପଢ଼ିଥିଲେ ? ଶୁଭମ ଗୟାର ନାଜାରେଥ ଏକାଡେମୀରେ ତାଙ୍କର ପ୍ରାଥମିକ ଶିକ୍ଷା ସମାପ୍ତ କରିଥିଲେ । ସେ ଦଶମ ଶ୍ରେଣୀ ପର୍ଯ୍ୟନ୍ତ କୌଣସି କୋଚିଂ କିମ୍ବା ଟ୍ୟୁସନ ନେଇ ନଥିଲେ । ତାଙ୍କ ମା' ତାଙ୍କୁ ପଞ୍ଚମ ଶ୍ରେଣୀ ପର୍ଯ୍ୟନ୍ତ ପାଠପଢାରେ ମାର୍ଗ ଦର୍ଶନ କରିଥିଲେ । ସେ ନିଜେ କଠିନ ପରିଶ୍ରମ ଦ୍ୱାରା ପରବର୍ତ୍ତୀ ପାଠପଢ଼ା ସମାପ୍ତ କରିଥିଲେ । ସେ ବ୍ରିଟିଶ ଇଂରାଜୀ ସ୍କୁଲରୁ ଦ୍ୱାଦଶ ଶ୍ରେଣୀ ପାସ୍ କରିଥିଲେ । ଶୁଭମ ଆଇଆଇଟି ବମ୍ବେରେ କମ୍ପ୍ୟୁଟର ସାଇନ୍ସ ଇଞ୍ଜିନିୟରିଂ ପଢ଼ିବାକୁ ଲକ୍ଷ୍ୟ ରଖିଛନ୍ତି । କୋଚିଂ ବ୍ୟତୀତ, ସେ ପ୍ରତିଦିନ ପ୍ରାୟ ୮ ଘଣ୍ଟା ପାଠପଢାରେ ସମୟ ବିତାଉଥିଲେ ।
ଏହା ବି ପଢନ୍ତୁ...IPL 2026 Champion RCB: ବ୍ୟାକ୍ ଟୁ ବ୍ୟାକ୍ ଟ୍ରଫି ଜିତିଲା ବେଙ୍ଗାଲୁରୁ; ଫ୍ୟାନ୍ସଙ୍କ ସହ ଅନ୍ୟାୟ ବୋଲି କାହିଁକି କହିଲେ ଡିକେ ଶିବକୁମାର ?
କୋଟାର ପରିବେଶ ସଫଳତା ଆଣିଥିଲା ଶୁଭମ ଭଲ ପ୍ରସ୍ତୁତି ପାଇଁ ଗତ ଦୁଇ ବର୍ଷ ଧରି କୋଟାରେ ରହୁଛନ୍ତି । ସେ ଏକାଦଶ ଶ୍ରେଣୀରେ ଅନଲାଇନ୍ କୋଚିଂ ନେଇଥିଲେ ଏବଂ ପରେ ସ୍କଲାରସିପ୍ ପାଇବା ପରେ କୋଟାରେ ଅଫଲାଇନରେ ପଢ଼ିବା ଆରମ୍ଭ କରିଥିଲେ ।
