ସାଲେପୁର,୨୪/୧୦: ସୁନା ଦୋକାନରେ ଲାଗିଲା ନିଆଁ । ଅଗ୍ନିକାଣ୍ଡରେ ଜଳି ପାଉଁଶ ହୋଇଗଲା ୧୫ ଲକ୍ଷରୁ ଉର୍ଦ୍ଧ୍ୱ ଟଙ୍କାର ସୁନାରୂପା । ବୁଧବାର ବିଳମ୍ୱିତ ରାତିରେ ସାଲେପୁର ଅଞ୍ଚଳର ମାଛୁଆତି ଠାରେ ଥିବା ସୁକାନ୍ତ ସାହୁଙ୍କ ଶ୍ରୀରାମ ଜୁଏଲାରି ନାମକ ଗହଣା ଦୋକାନରେ ଏହି ଅଗ୍ନିକାଣ୍ଡ ଘଟିଛି ।
ସୂଚନା ମୁତାବକ, ମାହାଙ୍ଗା ଅଞ୍ଚଳର ସୁକାନ୍ତ ସାହୁ ସାଲେପୁର ଅଞ୍ଚଳର ମାଛୁଆତି ଠାରେ ଶ୍ରୀରାମ ଜୁଏଲାରି ନାମକ ଗହଣା ଦୋକାନ କରିଥିଲେ । ତେବେ ବୁଧବାର ବିଳମ୍ୱିତ ରାତିରେ ଉକ୍ତ ଗହଣା ଦୋକାନରେ ଅଗ୍ନିକାଣ୍ଡ ଘଟିଥିଲା । ଫଳରେ ଦୋକାନଟି ସଂପୂର୍ଣ୍ଣ ପୋଡ଼ି ପାଉଁଶ ହୋଇଯାଇଥିଲା । ଏହା ସହ ଦୋକାନ ମଧ୍ୟରେ ଥିବା ୧୫ଲକ୍ଷ ଟଙ୍କାରୁ ଉର୍ଦ୍ଧ୍ୱ ସୁନାରୂପା ଅଳଙ୍କାର ମଧ୍ୟ ପୋଡ଼ି ନଷ୍ଟ ହୋଇଯାଇଥିଲା । ଏହା ଦେଖି ସ୍ଥାନୀୟଲୋକେ ତୁରନ୍ତ ଅଗ୍ନିଶମ ବାହିନୀକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ସାଲେପୁର ଅଗ୍ନିଶମ ଟିମ୍ ପହଞ୍ଚି ଥିଲା । କିନ୍ତୁ ସେତେବେଳକୁ ଦୋକାନଟି ସମ୍ପୂର୍ଣ୍ଣ ଭାବରେ ପୋଡ଼ି ଯାଇଥିଲା । ତେବେ ସର୍ଟ ସର୍କିଟ ଯୋଗୁଁ ଏହି ଅଗ୍ନିକାଣ୍ଡ ହୋଇଥିବା ଶୁଣିବାକୁ ମିଳିଛି ।
