ନୂଆଦିଲ୍ଲୀ,୦୪/୦୯: ଚେନ୍ନାଇରେ ନଭେମ୍ବର ୨୮ରୁ ଆୟୋଜିତ ହେବାକୁ ଯାଉଥିବା ଏଫ୍ଆଇଏଚ୍ ପୁରୁଷ ଜୁନିୟର ବିଶ୍ୱକପ୍। ଏହି ଟୁର୍ଣ୍ଣାମେଣ୍ଟରେ ପାକିସ୍ତାନ ଖେଳିବ ନାହିଁ । ପୂର୍ବରୁ ଏସିଆ କପ୍ ହକିରୁ ମଧ୍ୟ ଓହରି ଯାଇଥିଲା । ପାକିସ୍ତାନ ହକି ସଂଘର ସଭାପତି ତାରିକ ବୁଗତି କହିଛନ୍ତି, ‘ଭାରତରେ ଆୟୋଜିତ ହେବାକୁ ଯାଉଥିବା ବିଶ୍ୱକପ୍ରେ ପାକିସ୍ତାନ ଜୁନିୟର ଦଳ ଭାଗ ନେବ ନାହିଁ । ବର୍ତ୍ତମାନ ଯେଉଁ ସ୍ଥିତି ଭାରତ ଗସ୍ତରେ ଯିବା ଆମ ପାଇଁ ଅସମ୍ଭବ । ଭବିଷ୍ୟତରେ ବି ସମ୍ଭବ ନୁହେଁ । ଯଦି ଭାରତୀୟ ଦଳ ପାକିସ୍ତାନ ଆସୁ ନାହିଁ, ତେବେ ପାକିସ୍ତାନ ଦଳ ମଧ୍ୟ ଭାରତ ଗସ୍ତରେ ଯିବ ନାହିଁ ।’
ରାଜଗିରରେ ଚାଲିଛି ପୁରୁଷ ଏସିଆ କପ୍ । ଭାରତ ଗସ୍ତରେ ନଆସି ପାକିସ୍ତାନ ନିରପେକ୍ଷ ଭେନ୍ୟୁରେ ଖେଳିବାର ପ୍ରସ୍ତାବ ଦେଇଥିଲା । ମାତ୍ର ତାହା ଗ୍ରହଣୀୟ ନହେବାରୁ ଟୁର୍ଣ୍ଣାମେଣ୍ଟରୁ ଓହରି ଯାଇଥିଲା । ପାକିସ୍ତାନ ସ୍ଥାନରେ ବାଂଲାଦେଶକୁ ନିମନ୍ତ୍ରଣ କରାଯାଇଥିଲା । ସେମିତି ଓମାନ କୌଣସି କାରଣରୁ ନଆସିବାରୁ କାଜାଖସ୍ତାନ ସାମିଲ ହୋଇଥିଲା ।
