ଦୀର୍ଘ ୧୨ ବର୍ଷ ପରେ ଗୁରୁ ବା ବୃହସ୍ପତି ମିଥୁନ ରାଶିରେ ପ୍ରବେଶ କରିବାକୁ ଯାଉଛନ୍ତି । ଚଳିତ ମାସ ୧୪ ତାରିଖ ଅର୍ଥାତ ମେ ୧୪ ତାରିଖରେ ଦେବଗୁରୁ ବୃହସ୍ପତି ମିଥୁନ ରାଶିରେ ଗୋଚର କରିବେ । ଜ୍ୟୋତିର୍ବିଦ୍ଙ୍କ ମତ ଅନୁଯାୟୀ ମିଥୁନ ରାଶିରେ ଗୁରୁଙ୍କ ଗୋଚର ୩ ଟି ରାଶିଙ୍କ ପାଇଁ ସମସ୍ୟା ଆଣିପାରେ । ଏହି ରାଶିଗୁଡ଼ିକ ବିଷୟରେ ଆସନ୍ତୁ ଜାଣିବା ।
ବିଛା ରାଶି- ବିଛା ରାଶିର ବ୍ୟକ୍ତିଙ୍କୁ ଏହି ସମୟରେ ସାବଧାନ ରହିବାକୁ ହେବ । ଆପଣଙ୍କୁ କୌଣସି ଆଘାତ ଲାଗିପାରେ କିମ୍ୱା କୌଣସି ଦୁର୍ଘଟଣାର ସାମ୍ନା ହେବାକୁ ପଡ଼ିପାରେ । ଏହି ସମୟରେ ଆପଣଙ୍କ ଆର୍ଥିକ ସ୍ଥିତି ମଧ୍ୟ ପ୍ରଭାବିତ ହୋଇପାରେ । ତେଣୁ ଆପଣଙ୍କୁ ଦୀର୍ଘ ଯାତ୍ରାରୁ ଦୂରେଇ ରହିବା ଉଚିତ୍ । ମାନସିକ ଅଶାନ୍ତି ଏବଂ ବାଦ ବିବାଦ ଲାଗି ରହିବ । ଯାହା ଦ୍ୱାରା ଆପଣଙ୍କ ମନ ବିଚଳିତ ରହିବ । ଆପଣଙ୍କ ସମ୍ପର୍କୀୟଙ୍କ ସହ ସମ୍ପର୍କ ବିଗିଡ଼ିପାରେ ।
ମକର ରାଶି- ଶତ୍ରୁ ଆପଣଙ୍କ ଉପରେ ଆକ୍ରମଣ କରିପାରେ । ତେଣୁ କଳହ ଏବଂ ବିବାଦ ଆଦିରୁ ଦୂରେଇ ରହିବା ଉଚିତ୍ । କୋର୍ଟ କଚେରୀ ମାମଲା ଆପଣଙ୍କ ଚିନ୍ତା ବଢାଇପାରେ । ଆପଣଙ୍କ ଦୈନନ୍ଦିନ କାମରେ ହଠାତ ବାଧା ଉପୁଜିପାରେ । ଆପଣଙ୍କୁ ଅସୁସ୍ଥତା, ମାନସିକ ଚିନ୍ତା ଏବଂ ଚାପ ପରି ସମସ୍ୟାର ସମ୍ମୁଖୀନ ହେବାକୁ ପଡ଼ିପାରେ ।
ମୀନ ରାଶି- ଘରେ ବିବାଦର ପରିସ୍ଥିତି ଲାଗି ରହିବ । ଆର୍ଥିକ ସ୍ଥିତି ପ୍ରଭାବିତ ହେବ । ନିବେଶ କିମ୍ୱା ଖର୍ଚ୍ଚ ଇତ୍ୟାଦି ମାମଲାରେ ସାବଧାନତାର ସହ ନିସ୍ପତ୍ତି ନେବା ଉଚିତ୍ । ଘରେ ମାତା ପିତା ଏବଂ ବୟସ୍କଙ୍କ ସ୍ୱାସ୍ଥ୍ୟ ପ୍ରତି ବିଶେଷ ଧ୍ୟାନ ଦେବାକୁ ହେବ । କର୍ମସ୍ଥଳରେ ସହକର୍ମୀଙ୍କ ସହ ସମ୍ପର୍କ ବିଗିଡ଼ିପାରେ । ତେଣୁ ସତର୍କ ରୁହନ୍ତୁ ।
