ଚେନ୍ନାଇ ୧୨/୦୫: ଅଭିନେତାରୁ ରାଜନେତା ହୋଇଥିବା ସି. ଜୋସେଫ ବିଜୟ ତାମିଲନାଡୁ ବିଧାନସଭା ନିର୍ବାଚନରେ ତାଙ୍କ ଦଳର ପ୍ରଭାବଶାଳୀ ପ୍ରଦର୍ଶନ ପରେ ବ୍ୟାପକ ଦୃଷ୍ଟି ଆକର୍ଷଣ କରିଛନ୍ତି। ଏଥିମଧ୍ୟରେ, କେରଳର ଏକ ଦମ୍ପତି ବିଜୟଙ୍କୁ ବ୍ୟକ୍ତିଗତ ଭାବରେ ଭେଟିବା ପାଇଁ ୬୫୦ କିଲୋମିଟର ଯାତ୍ରା କରିବା ଏବେ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି।
ବିଜୟଙ୍କ ରାଜନୈତିକ ବିଜୟ ପାଇଁ ତାଙ୍କୁ ଅଭିନନ୍ଦନ ଜଣାଇବାକୁ ରଫି ଏବଂ ତାଙ୍କ ପତ୍ନୀ ଶାହାନା ମଲପ୍ପୁରମରୁ ଚେନ୍ନାଇ ଯାତ୍ରା ଆରମ୍ଭ କରିଥିଲେ। ଏହି ଦମ୍ପତି ମେ ୭ ତାରିଖରେ ସେମାନଙ୍କର ଯାତ୍ରା ଆରମ୍ଭ କରିଥିଲେ । ଇନଷ୍ଟାଗ୍ରାମ ରିଲ୍ସରେ ସେମାନଙ୍କର ଅଭିଜ୍ଞତା ସେୟାର କରିଥିଲେ, ଯେଉଁଥିରେ ସେମାନେ ରାସ୍ତାରେ ଆରାମ, କ୍ୟାମ୍ପିଂ ଏବଂ ଘଣ୍ଟା ଘଣ୍ଟା ଚାଲି ଚାଲି ଯାତ୍ରା କରୁଥିବାର ଦେଖାଉଥିଲେ। ଭିଡିଓରେ ଦମ୍ପତିଙ୍କ ବ୍ୟାଗପ୍ୟାକ୍, ଟେଣ୍ଟ ଏବଂ ଅନ୍ୟ ଆବଶ୍ୟକ ସାମଗ୍ରୀ ନେଇଯାଉଥିବାର ଦେଖାଯାଇଥିଲା। ଭିଡିଓଟିକୁ ସେମାନଙ୍କ ଇନଷ୍ଟାଗ୍ରାମ ହ୍ୟାଣ୍ଡେଲ @mallu_kicks_travel ରେ ସେୟାର କରି, ସେମାନଙ୍କର ଫଲୋର୍ସମାନଙ୍କୁ ସମର୍ଥନ କରିବାକୁ ନିବେଦନ କରିଥିଲେ। କ୍ୟାପସନରେ ଲେଖାଥିଲା, "ମୋତେ ସମର୍ଥନ କରନ୍ତୁ ବନ୍ଧୁମାନେ।"
ତେବେ ସୋସିଆଲ ମିଡିଆରେ ସେମାନଙ୍କର ଭିଡିଓ ଖୁବ୍ ଭାଇରାଲ ହେଉଛି, ଏବଂ ଅନେକ ୟୁଜର୍ସ ଏହି ଦମ୍ପତିଙ୍କୁ ସମାଲୋଚନା କରୁଛନ୍ତି। ଜଣେ ୟୁଜର ଲେଖିଛନ୍ତି, "ନୂଆ ପିଢ଼ିକୁ କଣ ହୋଇଛି?" ଆଉ ଜଣେ ଲେଖିଛନ୍ତି, "କାହାକୁ ନଜଣେଇ ପାଲକ୍କଡରୁ ବସ୍ କିମ୍ବା ଟ୍ରେନ୍ ରେ ଚଢ଼ନ୍ତୁ। ଯଦି ଆପଣ ଏବେ ଯାଆନ୍ତି, ତେବେ ଆପଣ ବିଜୟଙ୍କୁ ଦେଖିପାରିବେ। ଆପଣଙ୍କ ଇଚ୍ଛା ପୂରଣ ହୋଇପାରେ।"
ଆହୁରି ପଢ଼ନ୍ତୁ...Watermelon: ତରଭୁଜ ଖାଇ ଆଖି ବୁଜିଲେ ନାବାଳକ, ୩ ଅସୁସ୍ଥ…ଆପଣ କରୁ ନାହାଁନ୍ତି ତ ଏପରି ଭୁଲ?
