ନୂଆଦିଲ୍ଲୀ,୨୫/୧୧: ଆଜିକାଲି ସମସ୍ତ ସୁସ୍ଥ ରହିବାକୁ ଚାହୁଁଛନ୍ତି । ଏକଦମ୍ ଫିଟ୍ ପାଇନ ରହିବା ଦିଗରେ ଅଧିକ ଗୁରୁତ୍ବ ଦେଉଛନ୍ତି । ମୋଟାପଣରୁ ମୁକ୍ତି ନେଇ ସ୍ବତନ୍ତ୍ର ଡାଏଟ ପ୍ଲାନ ପ୍ରସ୍ତୁତ ସହ ଏକ୍ସସାଇଜ ମଧ୍ୟ କରିଥାନ୍ତି । ଫିଟ୍ ରହିବା ପାଇଁ ୱାକିଂ ଏକ ଭଲ ଏକ୍ସସାଇଜ ବୋଲି ଅନେକ ବିଶେଷଜ୍ଞ କହିଛନ୍ତି । ତେବେ ଜାଣିଛନ୍ତି କି ବୟସ ଅନୁସାରେ ଜଣେ କେତେ ସମୟ ଚାଲିବା ଦରକାର । ଜାଣିବାକୁ ରିପୋର୍ଟଟିକୁ ପଢନ୍ତୁ...
ଫିଟ୍ ରହିବାକୁ ହେଲେ ୱାକିଂ ବା ଚାଲିବା ଏକ ସହଜ ଏକ୍ସସାଇଜ । ଏହା ପ୍ରଭାବଶାଳୀ ମଧ୍ୟ ହୋଇଥାଏ । ଏକାଧିକ ସ୍ବାସ୍ଥ୍ୟ ସମସ୍ୟାରୁ ମଧ୍ୟ ୱାକିଂ ମୁକ୍ତି ଦିଏ । ମାନସିକ ଶାନ୍ତି ସହ ହୃଦଘାତ ଜନିତ ସମସ୍ୟା ନିୟମିତ ୱାକିଂ ଦ୍ବାରା ଠିକ୍ ହୋଇଥାଏ । ତେବେ ବୟସ ଓ ସ୍ବାସ୍ଥ୍ୟ ସମସ୍ୟା ଆଧାରରେ ଚାଲିବାକୁ ନେଇ କିଛି ନିର୍ଦ୍ଧିଷ୍ଟ ନିୟମ ରହିଛି । ହେଲ୍ଥ ଏକ୍ସପର୍ଟଙ୍କ କହିବା ଅନୁସାରେ ବିଭିନ୍ନ ବୟସର ଲୋକଙ୍କ ପାଇଁ ଚାଲିବାକୁ ନେଇ କିଛି ନିୟମ ରହିଛି ।
୧୮ରୁ୩୦ ବର୍ଷର ଯୁବକ ପ୍ରତିଦନ ୩୦ରୁ ୬୦ ମିନିଟ ଚାଲିପାରିବେ । ସେମାନଙ୍କ ପାଖରେ ଅଧିକ ଏନର୍ଜି ସହ ମାଂଶପେଶୀୟ ଶକ୍ତି ଥାଏ । ତେଣୁ ସେମାନେ ଆରାମରେ ଦିନକୁ ୬୦ମିନିଟ ଚାଲିପାରିବେ । ସେହିପରି ମଧ୍ୟମ ବୟସର ଲୋକ ଯେପରି ୩୧ରୁ ୫୦ ବର୍ଷର ଲୋକ ଦିନକୁ ୩୦ରୁ ୪୫ ମିନିଟ ଚାଲିବା ଭଲ ହେବ । ବରିଷ୍ଠ ଯେପରି ୫୧ରୁ ୬୫ ବର୍ଷର ବ୍ୟକ୍ତି ଦିନକୁ ୩୦ରୁ ୪୦ ମିନିଟ୍ ଚାଲିପାରିବେ ବୋଲି କହିଛନ୍ତି ସ୍ବାସ୍ଥ୍ୟ ବିଶେଷଜ୍ଞ ।
୭୫ବର୍ଷରୁ ଅଧିକ ବୟସର ବ୍ୟକ୍ତି ଅତି ବେଶିରେ ୧୫ରୁ ୨୦ ମିନିଟ ଚଲିବା ସ୍ବାସ୍ଥ ପାଇଁ ଉଚିତ୍ । ସେମାନଙ୍କ ଆଣ୍ଠୁଗଣ୍ଠି ସମସ୍ୟା ଦୂର ହୋଇଥାଏ । ଚାଲିବା ସମୟରେ ଉପଯୁକ୍ତ ଚପଲ ପିନ୍ଧିବା ଦିଗରେ ମଧ୍ୟ ଧ୍ୟାନ ଦେବାକୁ ପଡିଥାଏ ।
