ଫିରିଙ୍ଗିଆ, ୨୯/୮ : କନ୍ଧମାଳ ଜିଲ୍ଲା ଫିରିଙ୍ଗିଆ ଖେଳ ପଡିଆ ଠାରେ କୁଇ କ୍ଲାମ୍ବୁ ଫୁଟବଲ ପ୍ରତିଯୋଗିତା ଉଦଘାଟିତ ହୋଇଛି l ପ୍ରତିଯୋଗିତାରେ ମୁଖ୍ୟ ଅତିଥି ଭାବେ ପୂର୍ବତନ ବିଧାୟକ ଅଙ୍ଗଦ କହଁର ଯୋଗ ଦେଇଥିଲେ l ସମ୍ମାନିତ ଅତିଥି ଭାବରେ ଜନଜାତି ବାଣିଜ୍ୟ ଉନ୍ନୟନ ମହାସଂଘ ଉପାଧ୍ୟକ୍ଷ  ତଥା କୁଇ କ୍ଲାମ୍ବୁ ଗବେଷଣା ଓ ପୁନଃରୁଦ୍ଧାରକ ଭାରତ ପବିତ୍ର କୁମାର କହଁର, କୁଇ ସାଂସ୍କୃତିକ ଜିଲ୍ଲା ସଂଯୋଜକ ବୀରେନ୍ଦ୍ର କହଁର,  କୁଇ ସମାଜ ସମ୍ପାଦକ ଅବନୀ କହଁର, କୁଇ ଭାଷା ସାହିତ୍ୟ ସୁରକ୍ଷା ସମିତି ଦୀନବନ୍ଧୁ କହଁର, ସରପଞ୍ଚ ଫିରିଙ୍ଗିଆ ଜଳନ୍ଧର କହଁର, ପଲା ବୃଡ଼ି ସରପଞ୍ଚ ଲୀଳାବତୀ କହଁର, କନ୍ଧମାଳ ବନବାସି କଲ୍ୟାଣ ଆଶ୍ରମ ମହାସଂଘ ସମ୍ପାଦକ ସୁଧୀର କହଁର, କୁଇ କ୍ଲାମ୍ବୁ ବିକାଶ ପରିଷଦ କନ୍ଧମାଳ ତଥା ଜନଜାତି ସୁରକ୍ଷା ମଞ୍ଚ ରାଜ୍ୟ ସଂଯୋଜକ ଜମ୍ବେଶ୍ୱର କହଁର, ଜିଲ୍ଲା କ୍ଲାମ୍ବୁ ସଂଯୋଜକ ବାଳକୃଷ୍ଣ ପ୍ରଧାନ, ଫିରିଙ୍ଗିଆ କ୍ରୀଡା ପରିଚାଳନା ସମ୍ପାଦକ ବ୍ରଜବନ୍ଧୁ କହଁର, ଜିଲ୍ଲା କ୍ରୀଡା କୁଇ କ୍ଲାମ୍ବୁ ସଂଯୋଜକ ଗୋଲକ ବିହାରୀ କହଁର, ଫିରିଙ୍ଗିଆ କ୍ରୀଡା ପରିଚାଳନା ସଭାପତି ଦିବ୍ୟ ରଞ୍ଜନ କହଁର, ଉପସଭାପତି ଶଙ୍କର କହଁର ଯୋଗ ଦେଇଥିଲେ l 

ଏହି କୁଇ କ୍ଲାମ୍ବୁ ଫୁଟବଲ ପ୍ରତିଯୋଗିତା ଗତ ଦଶ ବର୍ଷ ଧରି ଚାଲିଥିବା ବେଳେ ଚଳିତ ବର୍ଷ ଦଶମ ବାର୍ଷିକ ଫୁଟବଲ ପ୍ରତିଯୋଗିତା ଉଦଘାଟିତ ହୋଇଛି l ଏହି କ୍ରୀଡାର ଉଦ୍ଦେଶ୍ୟ ବଂଶ ଓ ପରମ୍ପରାକୁ ବଜାୟ ରଖିବା ସହ ଭାଇଚାରା ସୃଷ୍ଟି କରିବା।  ଅଗଷ୍ଟ ୨୯ ଜାତୀୟ କ୍ରୀଡା ଦିବସ ରୁ ଆରମ୍ଭ ହୋଇ ଆସନ୍ତା ସେପ୍ଟେମ୍ବର ୨୦ ତାରିଖ ରେ ସମାପ୍ତ ହେବ ବୋଲି ଜିଲ୍ଲା କ୍ଲାମ୍ବୁ କ୍ରୀଡା ପ୍ରମୁଖ କାମେଶ୍ୱର କହଁର ସୂଚନା ଦେଇଛନ୍ତି l ଅନ୍ୟପଟେ କନ୍ଧମାଳ ଜିଲ୍ଲାର ଫିରିଙ୍ଗିଆ, ମାଜା ଗାଡା, କ୍ରାଣ୍ଡି ବାଲି, କ ନୂଆଗାଁ, ବଇରୀ କୁମ୍ପା, ବେଲ ଘର, ଗୁଟିଙ୍ଗିଆ, ସିମନ ବାଡି, କୁଏର ମାଣ୍ଡୁ, ନେଡି ପାଙ୍ଗା, ରେବୀଙ୍ଗିଆ, ସେନ୍ଦ୍ରି ଗାଁ ଭଳି ୧୨ ଟି ଖେଳ ପଡିଆରେ  ମ୍ୟାଚ ଅନୁଷ୍ଠିତ ହେବାକୁ ଥିବା ବେଳେ ୧୩୦ ଟି ଟିମ କ୍ରୀଡାରେ ଅଂଶ ଗ୍ରହଣ କରିବାର ବ୍ୟବସ୍ଥା ରହିଛି l 

ପ୍ରଥମ ଖେଳ ଫିରିଙ୍ଗିଆ ଖେଳ ପଡିଆରେ ଅନୁଷ୍ଠିତ ହୋଇଥିଲା । ଏହି ଖେଳରେ ପିରା କ୍ଲାମ୍ବୁ ସାହିତ୍ୟ ସାଇତା କ୍ଲାମ୍ବୁ ମଧ୍ୟରେ ଅନୁଷ୍ଠିତ ହୋଇଥିଲା । ଏଥିରେ  ଖେଳ ସମାପ୍ତି ପର୍ଯ୍ୟନ୍ତ କେହି କାହାରିକୁ ଗୋଲ ଦେଇ ନଥିବାରୁ ଅମୀମାଂଶିତ ରହିଥିଲା ।  ପେନାଲଟିକ ଜରିଆରେ ୫ -୩ ଗୋଲରେ ପିରା କ୍ଲାମ୍ବୁ କୁ ହରାଇ ସାଇତା କ୍ଲାମ୍ବୁ ବିଜୟୀ ହୋଇଥିଲା l ଖେଳର ର ଭାଷ୍ୟକାର ଭାବରେ ସରୋଜ ଚର୍ଚ୍ଚା ଧାରା ବିବରଣୀ ଦାୟିତ୍ୱ ତୁଲାଇ ଥିଲେ ।  ଜଗନ ବିଶୋଇ, ରୋହିତ ନାୟକ, ତଣ୍ଡେଶ୍ୱର କହଁର କ୍ରୀଡା ପରିଚାଳକ ଦାୟିତ୍ୱ ତୁଲାଇଥିଲେ l