ଭଦ୍ରକ,୦୯/୧୨: ସହିଦ ସ୍ମୃତି ଭବନ ଠାରେ ଶିଶୁ ମହୋତ୍ସବ ମହକ୍ ଉଦଘାଟିତ ହୋଇଛି । ଅଲ୍ ଓଡ଼ିଶା ଘରୋଇ ବିଦ୍ୟାଳୟ ମହାସଂଘ ଭଦ୍ରକ ପକ୍ଷରୁ ଏହି ଶିଶୁ ମହୋତ୍ସବ ମହକ୍-୨୦୨୪ ଅନୁଷ୍ଠିତ ହୋଇଛି । ଲାୟନ୍ସ କ୍ଲବ୍ର ସହଭାଗିତାରେ ଦୁଇ ଦିନ ଧରି ଏହି ଶିଶୁ ମହୋତ୍ସବ ଅନୁଷ୍ଠିତ ହେଉଛି । ଜିଲ୍ଲାରେ ଥିବା ଘରୋଇ ବିଦ୍ୟାଳୟ ମହାସଂଘର ସଭାପତି ଅଶୋକ କୁମାର ମହାନ୍ତି ଉତ୍ସବକୁ ଉଦ୍ଘାଟନ କରିଥିଲେ ।
ସରକାରୀ ବିଦ୍ୟାଳୟରେ ଯେପରି ପିଲାଙ୍କ ପାଇଁ ସୁରଭି କାର୍ଯ୍ୟକ୍ରମ କରାଯାଉଛି, ବେସରକରୀ ବିଦ୍ୟାଳୟରେ ଏସବୁ କାର୍ଯ୍ୟକ୍ରମ ହେଉ ନ ଥିଲା । ଫଳରେ ପିଲାଙ୍କ ପ୍ରତିଭା ସାମ୍ନାକୁ ଆସିପାରୁ ନଥିଲା । ତେଣୁ ବେସରକାରୀ ବିଦ୍ୟାଳୟର ପିଲାଙ୍କୁ ନେଇ ଏହି କାର୍ଯ୍ୟକ୍ରମ କରି ପିଲାଙ୍କ ପ୍ରତିଭାକୁ ସାମ୍ନାକୁ ଆଣିବାର ଏହା ଏକ ପ୍ରୟାସ ବୋଲି କହିଛନ୍ତି ଆୟୋଜକ । ଦୁଇ ଦିନ ଧରି ଆୟୋଜିତ ହେଉଥିବା ଏହି କାର୍ଯ୍ୟକ୍ରମର ପ୍ରଥମ ଦିନରେ ୪୨ଟି ବିଦ୍ୟାଳୟର ୪୨୨ ଛାତ୍ରଛାତ୍ରୀ ଅଂଶ ଗ୍ରହଣ କରିଥିଲେ । ତେବେ ସେମାନଙ୍କ ମଧ୍ୟରେ, ଚିତ୍ରାଙ୍କନ, ବକ୍ତୃତା, ପ୍ରବନ୍ଧ, ଗଳ୍ପ, ରାଇମ୍ସ, ହସ୍ତାକ୍ଷର, ନୃତ୍ୟ, ସଙ୍ଗୀତ ଭଳି ପ୍ରତିଯୋଗିତା ଅନୁଷ୍ଠିତ ହୋଇଥିଲା । ଶେଷରେ କୃତି ପ୍ରତିଯୋଗୀ ମାନଙ୍କୁ ପୁରସ୍କୃତ କରାଯାଇଥିଲା । ଏହି ପ୍ରତିଯୋଗିତାରେ ସମସ୍ତ ବିଦ୍ୟାଳୟରେ ସମ୍ପାଦକ, ସମ୍ପାଦିକାଙ୍କ ସମେତ ଶିକ୍ଷକ ଶିକ୍ଷୟିତ୍ରୀ ଓ ଅଭିଭାବକ ସହଯୋଗ କରିଥିଲେ ।
