ଭୁବନେଶ୍ୱର,୨୧/୦୩: ମାଲାବାର ଗୋଲ୍ଡ ଆଣ୍ଡ୍ ଡାଏମଣ୍ଡସ ସାରା ଭାରତରେ ଏହାର ଉପସ୍ଥିତିକୁ ଆହୁରି ମଜଭୂତ କରିବ । ଏଥିପାଇଁ ଏହା ଚଳିତ ମାସ ଶେଷ ସୁଦ୍ଧା ୧୨ଟି ନୂଆ ସୋ'ରୁମ ଆରମ୍ଭ କରିବାକୁ ଯାଉଛି । ଏହି ସଦ୍ୟତମ ସମ୍ପ୍ରସାରଣ ଅଭିଯାନ ସହ ୧୩ଟି ଦେଶରେ ମୋଟ ସୋ'ରୁମ ସଂଖ୍ୟା ୩୯୧କୁ ଏବଂ ସାରା ଭାରତରେ ୧୯ଟି ରାଜ୍ୟରେ ଉପସ୍ଥିତି ହେବ । ନୂତନ ସୋ'ରୁମ ଗୁଡ଼ିକ ମୁମ୍ବାଇର ପାନଭେଲ, ପୁଣେର ସିଂହଗଡ ରୋଡ, ଓଡ଼ିଶାର ବ୍ରହ୍ମପୁର ଏବଂ ସୌଭାଗ୍ୟ ନଗର, ଝାଡ଼ଖଣ୍ଡର ଧାନବାଦ, କର୍ଣ୍ଣାଟକର ହୋସପେଟ, ନଗରଭାବୀ ଏବଂ ଚିତ୍ରଦୁର୍ଗ, ଆନ୍ଧ୍ରପ୍ରଦେଶର ନନ୍ଦୟାଲ, ଅମଲାପୁରମ, ମଛଲିପଟ୍ଟନମ, ୟୁପିର ବାରାଣସୀରେ ଖୋଲିବ ।
ମାଲାବାର ଗ୍ରୁପ ଏହି ସମ୍ପ୍ରସାରଣ ପର୍ଯ୍ୟାୟରେ ୬୦୦ କୋଟି ଟଙ୍କା ନିବେଶ କରିଛି ଏବଂ ଏହି ଆର୍ଥିକ ବର୍ଷରେ ବିଭିନ୍ନ ଭୂମିକାରେ ୪୦୬ ଜଣ କର୍ମଚାରୀଙ୍କୁ ନିଯୁକ୍ତି ଦେଇଛି । ମାଲାବାର ଗୋଲ୍ଡ ଆଣ୍ଡ ଡାଏମଣ୍ଡସ ୨୦୨୫ରେ ୬୦ଟି ନୂଆ ସୋ'ରୁମ ଖୋଲିବାକୁ ଯୋଜନା କରୁଛି, ଯାହା ଦ୍ୱାରା ଏହାର ବିଶ୍ୱବ୍ୟାପୀ ଉପସ୍ଥିତି ଆହୁରି ବିସ୍ତାର ହେବ ।
ଏପ୍ରିଲ ୨୦୨୫ରେ, ଗ୍ରୁପ ୫ଟି ନୂତନ ଶୋ'ରୁମ ଶୁଭାରମ୍ଭ କରିବାକୁ ଯାଉଛି, ଯାହା ମଧ୍ୟପ୍ରାଚ୍ୟ, ୟୁକେ ଏବଂ କାନାଡାରେ ଏହାର ବିସ୍ତାର କରିବ । ମାଲାବାର ଗୋଲ୍ଡ ଆଣ୍ଡ ଡାଏମଣ୍ଡସ ପ୍ରଖ୍ୟାତ ଅଭିନେତା ଏବଂ ବ୍ରାଣ୍ଡ ଆମ୍ବାସଡର ଏନଟିଆର୍ ଜୁନିୟରଙ୍କ ସହିତ ଏକ ଗ୍ରାହକ ସଚେତନତା ଅଭିଯାନ ଆରମ୍ଭ କରିଛି ।
ଏହି ଅଭିଯାନ ବ୍ରାଣ୍ଡକୁ ଏକ ଦାୟିତ୍ୱବାନ ଅଳଙ୍କାର ବିକ୍ରେତା ଭାବରେ ଉଜ୍ୱଳ କରିଥାଏ, ସ୍ଥାୟୀ ଅଭ୍ୟାସ, ପ୍ରାମାଣିକ ହଲମାର୍କିଂ ଅଳଙ୍କାର ଏବଂ ପ୍ରମାଣିତ ପ୍ରାକୃତିକ ହୀରା ପ୍ରତି ଏହାର ପ୍ରତିବଦ୍ଧତା ଉପରେ ଗୁରୁତ୍ୱାରୋପ କରିଥାଏ । ସମ୍ପ୍ରସାରଣକୁ ନେଇ ମାଲାବାର ଗ୍ରୁପ ଅଧ୍ୟକ୍ଷ ଏମ୍.ପି ଅହମ୍ମଦ କହିଛନ୍ତି, ସମ୍ପ୍ରସାରଣ ଯୋଜନା ଆମର ବିଶ୍ୱସ୍ତରୀୟ ପଦଚିହ୍ନକୁ ବିସ୍ତାର କରିବ ଏବଂ ବିଶ୍ୱସ୍ତରୀୟ ସପିଂ ଅଭିଜ୍ଞତା ପ୍ରଦାନ କରିବାର ଆମର ବ୍ୟାପକ ଦୃଷ୍ଟିକୋଣ ସହିତ ସଂଯୁକ୍ତ ।
