ଛତ୍ରପୁର,୨୮/୫: ଆର୍ଜିପଲ୍ଲୀ ସାମୁଦ୍ରିକ ଥାନା ଆର୍ଯ୍ୟପଲ୍ଲୀରୁ ଜଣେ ବଙ୍ଗାଳୀ ଦଶମ ଫେଲ୍ କ୍ବାକ୍କୁ ଗିରଫ କରିଛି ପୁଲିସ୍ । ଦୀର୍ଘ ଦେଢ଼ ବର୍ଷ ଧରି ନକଲି ଡାକ୍ତର ଏଭଳି ରୋଗୀ ସେବା କରୁଥିଲେ । ଗିରଫ ହୋଇଥିବା ନକଲି ଡାକ୍ତର ହେଲେ ପ୍ରସନ୍ନଜିତ୍ ସରକାର ।
ସୂଚନା ମୁତାବକ, ଗତ କିଛି ମାସ ହେଲା ନକଲି ଡାକ୍ତର ତଥା କ୍ବାକ୍ ଆର୍ଯ୍ୟପଲ୍ଲୀ ଅଞ୍ଚଳରେ ବୁଲୁଥିବା ନେଇ ଅଭିଯୋଗ ହୋଇଥିଲା। ଏହାକୁ ଆଧାର କରି ଆର୍ଯ୍ୟପଲ୍ଲୀ ସାମୁଦ୍ରିକ ଥାନା ପୁଲିସ୍, ସାନ ଆର୍ଯ୍ୟପଲ୍ଲୀ ଓ ବଡ଼ ଆର୍ଯ୍ୟପଲ୍ଲୀରେ ଚଢ଼ାଉ କରିଥିଲା । ଗାନ୍ଧୀଛକଠାରେ ପ୍ରସନ୍ନଜିତ୍ ସରକାରକୁ ଗିରଫ କରି ତା' ଠାରୁ ବିପୁଳ ପରିମାଣର ମେଡିସିନ୍ ଜବତ କରିଛି । ପୁଲିସ୍ ପଚରାଉଚରା ବେଳେ ଜାଣିବାକୁ ପାଇଥିଲା, ପ୍ରସନ୍ନଜିତ୍ ସରକାର ଦଶମ ଫେଲ୍ । ସେ ଗତ କିଛି ବର୍ଷ ହେଲା ପଶ୍ଚିମବଙ୍ଗରୁ ଆର୍ଯ୍ୟପଲ୍ଲୀରେ ଆସି କ୍ଲିନିକ୍ ଖୋଲି ରୋଗୀ ସେବା କରୁଥିଲା । ଅନ୍ୟପଟେ ମଙ୍ଗଳବାର ପ୍ରସନ୍ନଜିତକୁ କୋର୍ଟ ଚାଲାଣ କରାଯିବା ନେଇ ପୁଲିସ ସୂଚନା ଦେଇଛି । ସେହିପରି ଏଭଳି ଚଢ଼ାଉ ଆଗକୁ ଜାରି ରହିବ ବୋଲି ସୂଚନା ଦେଇଛନ୍ତି ଆର୍ଯ୍ୟପଲ୍ଲୀ ସାମୁଦ୍ରିକ ଥାନା ଅଧିକାରୀ।
