ଜି.ଉଦୟଗିରି, ୧୬/୧ : କଳିଙ୍ଗା ଘାଟୀରେ ଓଲଟିଲା ପରିବା ବୋଝେଇ ମିନି ଟ୍ରକ୍। ବୁଧବାର ବିଳମ୍ବିତ ରାତିରେ ଏକ ଟ୍ରକ୍ ଦୁର୍ଘଟଣାଗ୍ରସ୍ତ ହୋଇଛି। ଏହି ଦୁର୍ଘଟଣାରେ ହେଲପର୍ ଆହତ ହୋଇଥିବା ବେଳେ ଡ୍ରାଇଭର୍ ଅଳ୍ପକେ ବର୍ତ୍ତିଯାଇଛନ୍ତି। 

ସୂଚନା ଅନୁଯାୟୀ, ବୁଧବାର ବିଳମ୍ବିତ ରାତିରେ ଏକ ପରିବା ବୋଝେଇ ଟ୍ରକ୍ କଳିଙ୍ଗା ଘାଟିରେ ଓଲଟି ପଡିଛି। ଟ୍ରକଟି ରାୟପୁର ଠାରୁ ବ୍ରହ୍ମପୁର ଯାଉଥିବା ବେଳେ ଯାନ୍ତ୍ରିକ ତ୍ରୁଟି ଯୋଗୁଁ ଭାରସାମ୍ୟ ହରାଇ ଦୁର୍ଘଟଣାଗ୍ରସ୍ତ ହୋଇଛି। ଏହି ଦୁର୍ଘଟଣାରେ ହେଲପର୍ ରାଜୁ ଚତୁର୍ବେଦୀ ଆହତ ହୋଇଛନ୍ତି। ସ୍ଥାନୀୟ ଲୋକଙ୍କ ଠାରୁ ଖବର ପାଇ ମଧ୍ୟରାତ୍ରୀରେ ଏସ.ଆଇ ରବି ସେଠୀ ଏବଂ ଟିମ୍ ପହଞ୍ଚି ଆହତଙ୍କୁ ଉଦ୍ଧାର କରି ସ୍ଥାନୀୟ ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଛନ୍ତି। ତେବେ ଡ୍ରାଇଭର୍ ଅଳ୍ପକେ ବର୍ତ୍ତିଯାଇଛନ୍ତି।   

ଅଧିକ ପଢନ୍ତୁ-ଖୋର୍ଦ୍ଧାରୁ HMPV ରୋଗୀ ଚିହ୍ନଟ ଖବର ମିଛ, ଭୟଭୀତ ହୁଅନ୍ତୁ ନାହିଁ : ଜନସ୍ଵାସ୍ଥ୍ୟ ନିର୍ଦ୍ଦେଶକ

ଏବେ ସଡକ ସୁରକ୍ଷା ମାସ ଚାଲିଥିବା ବେଳେ ପ୍ରତ୍ୟେକ ଦିନ କୌଣସି ନା କୌଣସି ସ୍ଥାନରେ ଦୁର୍ଘଟଣା ଘଟୁଥିବା ଦେଖିବାକୁ ମିଳୁଛି। ଦୁଇ ଦିନ ତଳେ କଳିଙ୍ଗା ଘାଟୀରେ ଏକ ଡାଲି ବୋଝେଇ ଟ୍ରକ ଓଲଟି ପଡିଥିଲା। ବୁଧବାର ରାତିରେ ପୁଣି ଏକ ପରିବା ବୋଝେଇ ଟ୍ରକ ଦୁର୍ଘଟଣାଗ୍ରସ୍ତ ହୋଇଛି।