ଭୁବନେଶ୍ୱର ୧୪/୦୨ : ଗାଁ ନିକଟରେ ଚାଲିଥିବା ସାଂସ୍କୃତିକ କାର୍ଯ୍ୟକ୍ରମ। ଦେଖିବାକୁ ଯାଉଥିଲେ ନାବାଳିକା ଯୁବତୀ। ହେଲେ ବାଟ ଜଗି ବସିଥିଲେ ଦୁର୍ବୃତ୍ତ। ନାବାଳିକା ପାଟି ବନ୍ଦ କରି ଅପହରଣ କରିବାକୁ ଉଦ୍ୟମ କରିଥିଲେ। ହେଲେ ସବୁ ପ୍ଳାନ୍ ଫେଲ୍ ମାରିଗଲା। ନାବାଳିକାକୁ ଅପହରଣ ବେଳେ ଦୁର୍ବୃତ୍ତଙ୍କୁ ଧରି ଉତ୍ତମମଧ୍ୟମ ଦେଇଥିଲେ ସ୍ଥାନୀୟ ଗ୍ରାମବାସୀ। ପରେ ପୁଲିସରେ ଜିମା ଦେଇଥିବା ସୂଚନା ମିଳିଛି। ଏଭଳି ଘଟଣା କୁଜଙ୍ଗ ଥାନା ଅଞ୍ଚଳରେ ଘଟିଛି ।
ନାବାଳିକା ଯୁବତୀ ଜଣକ ଗ୍ରାମ ନିକଟସ୍ଥ ଏକ ସ୍ଥାନକୁ ସାଂସ୍କୃତିକ କାର୍ଯ୍ୟକ୍ରମ ଦେଖିବାକୁ ଯାଇଥିଲେ। ଏହି ସମୟରେ ଦୁଇଜଣ ଯୁବକ ତାଙ୍କୁ ଅପହରଣ କରିବାକୁ ଉଦ୍ୟମ କରିଥିଲେ। ନାବାଳିକା ଜଣଙ୍କ ପାଟି କରିବାରୁ ସ୍ଥାନୀୟ ଲୋକେ ଘେରିଯାଇଥିଲେ। ସେଠାରୁ ଜଣେ ଯୁବକ ଫେରାର ହୋଇଯାଇଥିବା ବେଳେ ଅନ୍ୟ ଯୁବକଙ୍କୁ ଧରି ପକାଇଥିଲେ ଗ୍ରାମବାସୀ । ଉକ୍ତ ଯୁବକକୁ ପୋଲିସକୁ ହସ୍ତାନ୍ତର କରାଯାଇଛି। ପୋଲିସ ପକ୍ଷରୁ ତଦନ୍ତ ଆରମ୍ଭ କରାଯାଇଛି।
