ନୂଆଦିଲ୍ଲୀ, ୮/୩ : ପଶ୍ଚିମବଙ୍ଗରେ ରାଷ୍ଟ୍ରପତିଙ୍କୁ ଅସମ୍ମାନୀତ କରାଯାଇଥିବା ନେଇ ଶନିବାରଠାରୁ ଲାଗି ରହିଛି ବିବାଦ । ମମତାଙ୍କୁ ବିଜେପି ନେତାମାନେ ସମାଲୋଚନା କରୁଛନ୍ତି । ପ୍ରଧାନମନ୍ତ୍ରୀ ମଧ୍ୟ ମମତାଙ୍କୁ ସମାଲୋଚନା କରିଛନ୍ତି । ଏହାସହ ଆନ୍ତର୍ଜାତୀୟ ମହିଳା ମହିଳା ଦିବସ ଅବସରରେ ଦିଲ୍ଲୀରେ ଆୟୋଜିତ କାର୍ଯ୍ୟକ୍ରମରୁ ମମତାଙ୍କୁ ଟାର୍ଗେଟ କରିଛନ୍ତି ନରେନ୍ଦ୍ର ମୋଦି । ଦିଲ୍ଲୀ ମେଟ୍ରୋ କାର୍ଯ୍ୟକ୍ରମରେ ଯୋଗ ଦେବା ଅବସରରେ ସେ କହିଥିଲେ କି, ଆଜି ଦେଶ ମହିଳା ଦିବସ ପାଳନ କରୁଛି, କିନ୍ତୁ ମୁଁ ଦୁଃଖ ବାଣ୍ଟିବି । ଗତକାଲି ପଶ୍ଚିମବଙ୍ଗରେ ଟିଏମସି ସରକାର ରାଷ୍ଟ୍ରପତିଙ୍କୁ ଅପମାନିତ କରିଛନ୍ତି ।

ରାଷ୍ଟ୍ରପତି ଆଦିବାସୀଙ୍କ ପରମ୍ପରାର ଉତ୍ସବରେ ଯୋଗ ଦେବାକୁ ଯାଇଥିଲେ କିନ୍ତୁ ସେହି କାର୍ଯ୍ୟକ୍ରମକୁ ବର୍ଜନ କରାଯାଇଥିଲା । କେବଳ ଏତିକି ନୁହେଁ ଏହି କାର୍ଯ୍ୟକ୍ରମରେ ଅରାଜକତା କରାଯାଇଥିଲା । ମୋଦି କହିଛନ୍ତି କି, ପଶ୍ଚିମବଙ୍ଗ ସରକାର ଯେଭଳି କରିଛନ୍ତି ଲୋକେ ଟିଏମସିକୁ କ୍ଷମା କରିବେ ନାହିଁ । ଏହାସହ ରାଷ୍ଟ୍ରପତିଙ୍କ କାର୍ଯ୍ୟକ୍ରମ ସ୍ଥଳ ବଦଳାଇବା ସହ ମୁଖ୍ୟମନ୍ତ୍ରୀ ଏହି କାର୍ଯ୍ୟକ୍ରମରେ ଯୋଗ ଦେଇନଥିଲେ । ରାଷ୍ଟ୍ରପତି ମମତାଙ୍କୁ ସାନ ଭଉଣୀ କହି ସମ୍ବୋଧନ କରିଥିଲେ ତଥାପି ସେ ଏଭଳି କାହିଁକି ରାଗୁଛନ୍ତି ବୋଲି ମଧ୍ୟ ପ୍ରଶ୍ନ କରିଛନ୍ତି ।

ସେପଟେ ଏହି ଘଟଣାକୁ ନେଇ ଆସନ୍ତାକାଲିଠାରୁ ଲାଗି ରହିଛି ରାଜନୈତିକ ବୟାନବାଜି । ଛୋଟ ସ୍ଥାନରେ କାର୍ଯ୍ୟକ୍ରମର ଆୟୋଜନ ସାଙ୍ଗକୁ ପ୍ରୋଟୋକଲକୁ ମାନିନଥିବା ନେଇ ରାଷ୍ଟ୍ରପତି ଉଦବେଗ ପ୍ରକାଶ କରିଥିଲେ । ଏହାପରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ମଧ୍ୟ କଡ଼ା ଜବାବ ରଖିଥିଲେ । ସେ କହିଥିଲେ କି, ମୁଁ ରାଷ୍ଟ୍ରପତିଙ୍କୁ ସମ୍ମାନ କରେ । କିନ୍ତୁ ଏବେ ସେ ବିଜେପିର ଏଜେଣ୍ଡାରେ ପଡ଼ିଛନ୍ତି । ବିଜେପି ଏବେ ରାଷ୍ଟ୍ରପତିଙ୍କୁ ନିଜର ରାଜନୈତିକ ଏଜେଣ୍ଡା ଭାବେ ବ୍ୟବହାର କରୁଛନ୍ତି । ରାଜ୍ୟରେ ଏଭଳି କାର୍ଯ୍ୟକ୍ରମ ହେବା ନେଇ ଆମକୁ କୌଣସି ସୂଚନା ନଥିବା ମଧ୍ୟ କହିଛନ୍ତି ମମତା । ​​​​​​​

ଏହାସହ ପଢ଼ନ୍ତୁ : ମମତାଙ୍କ ନିଷ୍ପତ୍ତି ଦୁର୍ଭାଗ୍ୟଜନକ, ଓଡ଼ିଶାବାସୀଙ୍କୁ ଆଘାତ, ମୋହନ ରଖିଲେ କଡ଼ା ପ୍ରତିକ୍ରିୟା