ଇସଲାମାବାଦ : ଇରାନ ନିକଟରେ ନିଜ ଦେଶରୁ ୧୦ ହଜାରରୁ ଅଧିକ ପାକିସ୍ତାନୀ ନାଗରିକଙ୍କୁ ବାହାର କରି ଦେଇଛି। ଇରାନରୁ ନିର୍ବାସିତ ଏହି ପାକିସ୍ତାନୀ ନାଗରିକଙ୍କ ପାସପୋର୍ଟକୁ ବ୍ଲକ୍ କରି ଦିଆ ଯାଇଛି। ଏହି ଲୋକଙ୍କୁ ଇରାନରେ ଅବୈଧ ଭାବେ ପ୍ରବେଶ କରିବା ଓ ସେଠାରୁ ୟୁରୋପ ଫେରାର ହେବା ଯୋଜନା ଅନୁସାରେ ଗିରଫ କରାଯାଇ ଥିଲା। ପାକସ୍ତାନର ଗୃହ ମନ୍ତ୍ରଣାଳୟର ସୂତ୍ର ସ୍ପଷ୍ଟ କରିଛି କି , ୧୦,୪୫୪ ଜଣ ବ୍ୟକ୍ତିଙ୍କ ପାସପୋର୍ଟକୁ ରଦ୍ଦ କରାଯାଇଛି। ଏହି ଲୋକ ବଲୁଚିସ୍ତାନର ସୀମା ମାଧ୍ୟମରେ ଇରାନରେ ପଶି ଥିଲେ। ଇରାନୀ ଅଧିକାରୀମାନେ ତାଙ୍କୁ ଗିରଫ କରିବା ପରେ ଚାଗଇ ଜିଲ୍ଲାର ତାଫ୍ତାନ ସହରରେ ପାକିସ୍ତାନୀ ଅଧିକାରୀଙ୍କୁ ପ୍ରଦାନ କରି ଥିଲେ।
ଡନ୍ ରିପୋର୍ଟ ମୁତାବିକ , ଜାନୁଆରୀରୁ ୧୫ ଡିସେମ୍ୱର ୨୦୨୩ ମଧ୍ୟରେ ଏହି ଗିରଫଦାରୀଙ୍କୁ ଅବୈଧ ପ୍ରବାସର ମାମଲା ବୃଦ୍ଧିକୁ ବୃଦ୍ଧି କରିଛି। ଯୁବ ପାକିସ୍ତାନୀଙ୍କ ୟୁରୋପ ପହଞ୍ଚିବାର ଚେଷ୍ଟା ଅନେକ ସମୟରେ ବଲୁଚିସ୍ତାନର ବିପଜ୍ଜନକ ଓ ଅନଧିକୃତ ରାସ୍ତା ଗୁଡ଼ିକରୁ ହୋଇଥାଏ। ୨୦୨୦ରୁ ୨୦୨୪ ମଧ୍ୟରେ , ୬୨,୦୦୦ରୁ ଅଧିକ ପାକିସ୍ତାନୀ ନାଗରିତ ଇରାନରେ ଅବୈଧ ରୂପେ ପ୍ରବେଶ କରିବାର ଅଭିଯୋଗପେ ଗିରଫ କରାଯାଇଛି। ଏଥିରୁ ସବୁଠୁ ଅଧିକ ପାକିସ୍ତାନର ପଞ୍ଜାବ ପ୍ରାନ୍ତର ଲୋକ ସାମିଲ ଅଛନ୍ତି। ଗତ କିଛି ଦିନରେ ଇରାନ ୫,୦୦୦ରୁ ଅଧିକ ପାକିସ୍ତାନୀ ନାଗରିକଙ୍କୁ ନିର୍ବାସିତ କରିଛନ୍ତି।
ବଲୁଚିସ୍ତାନର ଚାଗଇ, ବାଶୁକ, ପଞ୍ଜଗୁର, କିଚ ଓ ଗ୍ୱାଦର ଜିଲ୍ଲା ଗୁଡ଼ିକର ସୀମା ଇରାନ ସହ ଜଡ଼ିତ, ଯାହା ଅବୈଧ ପ୍ରବାସର ମୁଖ୍ୟ ମାର୍ଗ ହୋଇ ଯାଇଛି। ପ୍ରଥମେ କିଚ୍ ଓ ଗ୍ୱାଦରରୁ ଅଧିକ ପ୍ରବାସୀ ପ୍ରବେଶ କରୁଥିଲେ, କିନ୍ତୁ ଏହି ଅଞ୍ଚଳରେ ଉଗ୍ରବାଦୀ ହମଲା କାରଣରୁ ଏବେ ଚାଗଇ ଓ ବାଶୁକର ରାସ୍ତା ଗୁଡ଼ିକର ଉପଯୋଗ କରାଯାଉଛି।
