ମୁମ୍ବାଇ,୦୪/୧୨: ସାତ ଜନ୍ମର ସାଥୀ ହେବାକୁ ଯାଉଛନ୍ତି ସାଉଥ ସୁପରଷ୍ଟାର ନାଗା ଚୈତନ୍ୟ ଓ ଅଭିନେତ୍ରୀ ଶୋଭିତା ଧୂଲିପାଲ । ପାରମ୍ପାରିକ ରୀତିନୀତି ଅନୁଯାୟୀ ଦମ୍ପତି କରିବେ ବିବାହ । ଏନେଇ ବିବାହ ପୂର୍ବର ରୀତିନୀତି ଆରମ୍ଭ ହୋଇଯାଇଛି । ଏହା ବ୍ୟତୀତ ବିବାହ କାର୍ଯ୍ୟକ୍ରମ ପ୍ରାୟ ୮ ଘଣ୍ଟା ଧରି ଚାଲିବ । ଯେଉଁଥିରେ ସାଉଥ୍ ଚଳଚ୍ଚିତ୍ର ଇଣ୍ଡଷ୍ଟ୍ରିର ଅନେକ ବଡ ତାରକା ଯୋଗଦେବାକୁ ଯାଉଛନ୍ତି । ତେବେ ପରିବାର ଏବଂ ଘନିଷ୍ଠ ବନ୍ଧୁମାନଙ୍କ ମଧ୍ୟରେ ଆଇକନିକ୍ ଅନ୍ନପୂର୍ଣ୍ଣା ଷ୍ଟୁଡିଓରେ ନାଗା ଏବଂ ଶୋଭିତା ବିବାହ କରିବେ ବିବାହ ।
ତେବେ ନାଗା ଏବଂ ଶୋଭିତାଙ୍କ ବିବାହ ସମାରୋହରେ ଭାରତୀୟ ସିନେମାର ବଡ ବଡ ତାରକା ସାମିଲ ହେବେ । ଅଲ୍ଲୁ ଅର୍ଜୁନ ଏବଂ ତାଙ୍କ ପରିବାର, ପ୍ରଭାସ, ଏସ.ଏସ୍ ରାଜାମୌଲି, ଅକ୍କିନେନି ପରିବାର ଏବଂ ଚିରଞ୍ଜୀବୀ ପରିବାର, ଅର୍ଥାତ୍ ଚିରଞ୍ଜୀବୀ ଏବଂ ତାଙ୍କ ପତ୍ନୀ ସୁରେଖା, ରାମ ଚରଣ ଏବଂ ଉପାସନା କୋନିଡେଲାଙ୍କ ସହ ଯୋଗଦେବେ । ଏଥିସହ ମହେଶ ବାବୁ ଏବଂ ନମ୍ରତା ଶିରୋଦକର ମଧ୍ୟ ଏହି କପଲଙ୍କୁ ଆଶୀର୍ବାଦ ଦେବା ପାଇଁ ଉପସ୍ଥିତ ରହିବେ । ଜୁନିଅର ଏନଟିଆର ଏବଂ ତାଙ୍କ ପତ୍ନୀ ଲକ୍ଷ୍ମୀ, ନୟନତାରାଙ୍କ ସମେତ ଫିଲ୍ମ ଇଣ୍ଡଷ୍ଟ୍ରିର ଅନ୍ୟାନ୍ୟ ବିଶିଷ୍ଟ ବ୍ୟକ୍ତିଙ୍କ ସହ ଏହି ଉତ୍ସବରେ ଯୋଗଦେବେ ବୋଲି ଆଶା କରାଯାଉଛି । ପ୍ରକାଶ ଥାଉକି, ନାଗା ଚୈତନ୍ୟ ପୂର୍ବରୁ ସାଉଥ ଅଭିନେତ୍ରୀ ସାମନ୍ଥା ରୁଥ ପ୍ରଭୁଙ୍କୁ ବିବାହ କରିଥିଲେ । ସାମନ୍ଥା ଏବଂ ନାଗା ପ୍ରଥମ ଥର ପାଇଁ ୨୦୧୦ରେ ଗୌତମ ମେନନଙ୍କ ୟେ ମାୟା ଚେସାଭଙ୍କ ସେଟରେ ସାକ୍ଷାତ ହୋଇଥିଲେ । ଯାହାପରେ ଉଭୟ ୨୦୧୭ ଅକ୍ଟୋବରରେ ବିବାହ କରିଥିଲେ । ଆଉ ୨୦୨୧ରେ ହୋଇଥିଲେ ଅଲଗା । ତେବେ ବିବାହ ବିଚ୍ଛେଦ ପରେ ନାଗା ଅଭିନେତ୍ରୀ ଶୋଭିତା ଧୂଲିପାଲାଙ୍କୁ କରୁଥିଲେ ଡେଟ । ଆଉ ଦୀର୍ଘ ଦିନର ଡେଟ୍ ପରେ ଉଭୟ ବିବାହ କରିବାକୁ ଯାଉଛନ୍ତି ।
