ଭୁବନେଶ୍ୱର,୦୨/୦୮: ବଲିଉଡ୍ର ଅନ୍ୟତମ ଶ୍ରେଷ୍ଠ ଜାତୀୟ ପୁରସ୍କାରପ୍ରାପ୍ତ ଚର୍ଚ୍ଚିତ ସାଉଣ୍ଡ୍ ଡିଜାଇନର୍ ଓଡ଼ିଆ ପୁଅ ସୁବାସ ସାହୁଙ୍କ ନିର୍ଦ୍ଦେଶିତ ଓଡ଼ିଆ ପ୍ରାମାଣିକ ଚିତ୍ର ‘ମୋ ବୋଉ, ମୋ ଗାଁ’ ପାଇବ ଜାତୀୟ ପୁରସ୍କାର ।
୭୧ତମ ଜାତୀୟ ଚଳଚ୍ଚିତ୍ର ପୁରସ୍କାର-୨୦୨୩ ଘୋଷଣା ଅବସରରେ ଅଣ ଫିଚର୍ ଫିଲ୍ମର ଶ୍ରେଷ୍ଠ ବାୟୋଗ୍ରାଫିକାଲ୍/ ହିଷ୍ଟୋରିକାଲ୍ ରିକନ୍ଷ୍ଟ୍ରକ୍ସନ୍ / କମ୍ପାଇଲେସନ୍ ଫିଲ୍ମ ବର୍ଗରେ ଅନ୍ୟ ଏକ ଇଂରାଜୀ ସିନେମା ସହ ଯୁଗ୍ମ ଭାବରେ ଓଡ଼ିଆ ପ୍ରାମାଣିକ ଚଳଚ୍ଚିତ୍ର ‘ମୋ ବୋଉ, ମୋ ଗାଁ’ ରଜତ କମଳ ପୁରସ୍କାର ପାଇଁ ମନୋନୀତ ହୋଇଛି । ଏହାର ପ୍ରଯୋଜନା କିକ୍ସେ ୱିକ୍ସେ ଫିଲ୍ମସ୍ ଆର୍ଏନ୍ଭି ୧୮୨୦ ଫିଲ୍ମସ୍ କରିଥିବା ବେଳେ ନିର୍ଦ୍ଦେଶନା ଦେଇଛନ୍ତି ଶ୍ରୀ ସାହୁ । ସିନେମାଟି ପୂର୍ବରୁ ୫୫ତମ ଇଣ୍ଟରନ୍ୟାସନାଲ୍ ଫିଲ୍ମ ଫେଷ୍ଟିଭାଲ୍ ଅଫ୍ ଇଣ୍ଡିଆ ଇଣ୍ଡିଆନ୍ ପାନୋରମା ୨୦୨୪ରେ ସାମିଲ ହୋଇ ପ୍ରଶଂସିତ ହୋଇଥିଲା । ଏଥିସହିତ ବିଭିନ୍ନ ଉତ୍ସବରେ ବି ସାମିଲ ହୋଇ ପ୍ରଦର୍ଶିତ ସହ ପ୍ରଶଂସା ସାଉଁଟିଛି ।
