ନୂଆଦିଲ୍ଲୀ,୦୫/୦୭: ଶତ୍ରୁର ନିଦ ହଜିବ । ନାରୀଶକ୍ତିର ପ୍ରହାରରେ ଥରିବ ଶତ୍ରୁଦେଶ । ଭାରତୀୟ ନୌସେନାରେ ପ୍ରଥମ ମହିଳା ଫାଇଟର ଜେଟ୍ ପାଇଲଟ୍ ହେଲେ ସବ୍ ଲେପ୍ଟନାଣ୍ଟ ଆସ୍ଥା ପୁନିଆ । ଲଢୁଆ ବିମାନର ସଫଳ ପ୍ରଶିକ୍ଷଣ ପରେ ତାଙ୍କୁ ୱିଙ୍ଗ୍ ଅଫ୍ ଗୋଲ୍ଡ ପ୍ରଦାନ କରାଯାଇଛି । ଏବେ ନୌସେନାର ହବ୍ ପରି ଯୁଦ୍ଧ ବିମାନ ଉଡାଇବେ ଆସ୍ଥା । ପ୍ରତିରକ୍ଷା କ୍ଷେତ୍ରରେ ଏହା ଏକ ବଡ଼ ପଦକ୍ଷେପ ।
ଆସ୍ଥା ପୁନିଆଙ୍କୁ ୱିଙ୍ଗ୍ ଅଫ୍ ଗୋଲ୍ଡ- ଲଢୁଆ ବିମାନର ସଫଳ ପ୍ରଶିକ୍ଷଣ ପରେ ଆସ୍ଥା ପୁନିଆଙ୍କୁ 'ୱିଙ୍ଗ୍ ଅଫ୍ ଗୋଲ୍ଡ' ସମ୍ମାନ ପ୍ରଦାନ କରାଯାଇଛି ଯାହା ନୌସେନାର ଫଇଟର ପାଇଲଟ ହେବାର ପ୍ରତୀକ । ଏହି ସମ୍ମାନ ତାଙ୍କୁ ରିୟର ଆଡମିରଲ ଜନକ ବେବଲି, ସହାୟକ ନୌସେନା ଷ୍ଟାଫଙ୍କ ପକ୍ଷରୁ ଆଇଏନଏସ ଡେଗା, ବିଶାଖାପଟନମରେ ପ୍ରଦାନ କରାଯାଇଛି । ଏବେ ଆସ୍ଥା ଭାରତର ଲଢୁଆ ବିମାନ MiG-29K କିମ୍ବା ରାଫେଲ ପରି ଫାଇଟର ଜେଟ୍ ଉଡ଼ାଇପାରନ୍ତି । ଆସ୍ଥାଙ୍କ ସହିତ ଅତୁଲ କୁମାର ଧୁଲଙ୍କୁ ମଧ୍ୟ ୱିଙ୍ଗ୍ ଅଫ୍ ଗୋଲ୍ଡ ପ୍ରଦାନ କରାଯାଇଛି ।
ଅଧିକ ପଢନ୍ତୁ...ଏୟାର ଇଣ୍ଡିଆ ନାଁରେ ସାଂଘାତିକ ଅଭିଯୋଗ; କ୍ଷତିପୂରଣ ଆଳରେ ମୃତକଙ୍କ ପରିବାର ସହ ଖେଳୁଛି ଏୟାରଲାଇନ୍ସ
ସେନା ପାଇଁ ନୂଆ ମିସାଇଲ ପ୍ରଣାଳୀ- ପ୍ରତିରକ୍ଷା ମନ୍ତ୍ରଣାଳୟ ପକ୍ଷରୁ ମିଳିଥିବା ସୂଚନା ଅନୁସାରେ ତ୍ରି-ସେନା ଅନେକ ପ୍ରସ୍ତାବ ପ୍ରସ୍ତୁତ କରିଛନ୍ତି । ସବୁଠୁ ଗୁରୁତ୍ୱପୂର୍ଣ୍ଣ ହେଉଛି, ଡିଆରଡିଓ ପକ୍ଷରୁ ବିକଶିତ କ୍ବିକ୍ ରିଆକ୍ସନ ମିସାଇଲ ପ୍ରଣାଳୀରେ ପ୍ରାୟ ୩୦ ହଜାର କୋଟି ଟଙ୍କା ଖର୍ଚ୍ଚ ହେବ । ଏହା ୩୦ କିମି ଯାଏ ଲକ୍ଷ୍ୟ ଭେଦ କରିପାରିବ ।
