ପ୍ରମୂଖ ଖବର
  • ଏୟାର ଶୋ' ବେଳେ ଅଘଟଣ; ମଝି ଆକାଶକୁ ଖସିଲା F-16 ଫାଇଟର ଜେଟ୍, ପାଇଲଟ ମୃତ
  • ||
  • ଗଞ୍ଜାମ : ଢ଼ଉଗାଁ ଛକ ନିକଟରେ ସିରିଜ୍ ଦୁର୍ଘଟଣା, ଟ୍ରକ୍‌ ଧକ୍କାରେ ଚାଲିଗଲା ଜୀବନ
  • ||
  • ଏସ୍‌ସି ଓ ଏସ୍‌ଟି କଲ୍ୟାଣ କମିଟି ଜାତୀୟ ସମ୍ମିଳନୀ, ବିକାଶ, ସଶକ୍ତୀକରଣକୁ ନେଇ ହେବ ଚର୍ଚ୍ଚା, ଉଦ୍‌ଘାଟନ୍ କରିବେ ବାଚସ୍ପତି ଓମ୍‌ ବିର୍ଲା
  • ||
  • ଡାଏମଣ୍ଡ ଲିଗ୍‌ ଫାଇନାଲ୍‌, ନୀରଜ ଚୋପ୍ରାଙ୍କୁ ରନର୍ସ ଅପ୍‌ରେ ସନ୍ତୁଷ୍ଟ, ୯୧.୫୧ ମିଟର ଜାଭେଲିନ୍ ଥ୍ରୋ କରି ୱେବର ଚାମ୍ପିଅନ୍‌
  • ||
  • ଟାରିଫ୍ ବିବାଦ ଭିତରେ ଜାପାନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ପିଏମ୍ ଶିଗେରୁ ଇଶିବାଙ୍କୁ ଭେଟି ଦ୍ୱିପାକ୍ଷିକ ଚର୍ଚ୍ଚା କରିବେ
  • ||
  • ପାଣ୍ଡରାରେ ଚାଞ୍ଚଲ୍ୟ:ଛାତ ଉପରେ ଥିବା ଘରୁ ଆଇନଜୀବୀଙ୍କ ମୃତଦେହ ଉଦ୍ଧାର, ମୃତ୍ୟୁ କାରଣ ଖୋଜୁଛି ପୁଲିସ ଓ ସାଇଣ୍ଟଫିକ୍‌ ଟିମ୍‌
  • ||
  • ଆସୁଛି ଆଉ ଦୁଇଟି ଲଘୁଚାପ: ସେପ୍ଟେମ୍ବର ୩ରେ ଲଘୁଚାପ, ୫ରେ ଅବପାତ, ଆଜି ପ୍ରବଳ ବର୍ଷା ନେଇ୧୧ ଜିଲ୍ଲାକୁ ଆଲର୍ଟ ଜାରି
  • ||

ସାମ୍ନାକୁ ଆସିଲା ‘ଜଟାଧରା’ର ନୂଆ ପୋଷ୍ଟର, ତାନ୍ତ୍ରିକ ଅବତାରରେ ନଜର ଆସିଲେ ଶିଳ୍ପା ଶିରୋଡକର

Published By : Krishna Priya | August 29, 2025 8:19 AM

ମୁମ୍ବାଇ ୨୯/୦୮: ଖୁବ୍‌ଶୀଘ୍ର ସିନେମା ହଲ୍‌ରେ ମୁକ୍ତିଲାଭ ହେବ ଫିଲ୍ମ ‘ଜଟାଧରା’ । କିଛି ଦିନ ତଳେ ଫିଲ୍କର ଟିଜର ମଧ୍ୟ ଜାରି ହୋଇଥିଲା, ଯାହାକୁ ୫୦ ଲକ୍ଷରୁ ଊଦ୍ଧ୍ୱର୍ ଦର୍ଶକ ଦେଖିସାରିଲେଣି । ଏବେ ଏହି ସୁପରନ୍ୟାଚୁରାଲ ଥ୍ରିଲର ଫିଲ୍ମରେ ଜଣେ ଅଭିନେତ୍ରୀଙ୍କ ଦମ୍‌ଦାର ଲୁକ୍‌ ପ୍ରଥମ କରି ସେୟାର କରାଯାଇଛି । ସେ ହେଉଛନ୍ତି ଶିଳ୍ପା ଶିରୋଡକର । ନୂଆ ପୋଷ୍ଟରରେ ଶିଳ୍ପାଙ୍କୁ ତାନ୍ତ୍ରିକ ଅବତାରରେ ଦେଖିବାକୁ ମିଳିଛି । ଫିଲ୍କରେ ସେ ଶୋଭା ନାମ୍ନୀ ଚରିତ୍ରରେ ଅଛନ୍ତି । ପୋଷ୍ଟରରେ ଶିଳ୍ପା କଳାଶାଢ଼ି ପିନ୍ଧି ଜଳୁଥିବା ଏକ ହୋମକୁଣ୍ଡ ନିକଟରେ ବସିଥିବା ଦେଖିବାକୁ ମିଳିଛି । ସେ କୌଣସି ତନ୍ତ୍ରବିଦ୍ୟା କିମ୍ବା ପୂଜା କରୁଥିବା ଜଣାପଡ଼ୁଛି ।  ପୂର୍ବରୁ ଟିଜରରେ କେବଳ ସୁଧୀର ବାବୁ ଏବଂ ସୋନାକ୍ଷୀ ସିହ୍ନାଙ୍କ ଲୁକ୍‌ ଦେଖାଯାଇଥିଲା । ଏବେ ଶିଳ୍ପାଙ୍କ ଲୁକ୍‌ ଜାରି ହେବା ପରେ ଦର୍ଶକଙ୍କ ଉତ୍ସାହ ବଢ଼ିଯାଇଛି । 

ପ୍ରକାଶଥାଉ କି, ଜଟାଧରା ଏକ ପୌରାଣିକ ଥ୍ରିଲର । ଏଥିରେ ଭାରତୀୟ ପୌରାଣିକ କଥାର ରୋମାଞ୍ଚକ ଦୃଶ୍ୟ ଏବଂ ଡାର୍କ ଫାଣ୍ଟାସି ଯୋଡ଼ାଯାଇଛି । ଫିଲ୍ମର ପୋଷ୍ଟର ଏବଂ ଟିଜରରେ ତ୍ରିଶୂଳ, ଗରଜୁଥିବା ବାଦଲ, ଭଗବାନ ଶିବଙ୍କ ଭକ୍ତ ଏବଂ ସୋନାକ୍ଷୀ ସିହ୍ନାଙ୍କ ରୋଦ୍ରରୂପ ଦେଖାଯାଇଛି, ଯାହା କି କାହାଣୀକୁ ଦମ୍‌ଦାର ବନାଇଛି । ଜି ଷ୍ଟୁଡିଓଜ୍‌ ଏବଂ ପ୍ରେରଣା ଅରୋରା ଦ୍ୱାରା ନିର୍ମିତ ଭେଙ୍କଟ କଲ୍ୟାଣ ଏବଂ ଅଭିଷେକ ଜୟସ୍ୱାଲଙ୍କ ନିର୍ଦ୍ଦେଶନାରେ ବନିଥିବା ଏହି ଫିଲ୍ମରେ ସୁନ୍ଦର ଭିଏଫ୍‌ଏକ୍ସ ଦେଖିବାକୁ ମିଳିପାରେ । ଅଦ୍ୟାବଧି ‘ଜଟାଧରା’ର ରିଲିଜ ତାରିଖ ସାମ୍‌ନାକୁ ଆସିନି । ତେବେ ବର୍ଷ ଶେଷ ଆଡ଼କୁ ଏହା ମୁକ୍ତିଲାଭ କରିପାରେ ।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.