ନୂଆଦିଲ୍ଲୀ : ସାରା ଦେଶରେ ଲକ୍ଷ ଲକ୍ଷ ଛାତ୍ରଛାତ୍ରୀଙ୍କୁ ପାଇଁ ବଡ଼ ଖବର ସାମ୍ନାକୁ ଆସିଛି। ନ୍ୟାସନାଲ ଟେଷ୍ଟିଂ ଏଜେନ୍ସି ଅର୍ଥାତ୍ ଏନଟିଏ ୨୮ ମେ’ରେ ହେବାକୁ ଥିବା CUET UG 2026 ପରୀକ୍ଷାକୁ ସ୍ଥଗିତ କରିବାକୁ ଘୋଷଣା କରି ଦେଇଛନ୍ତି। ଏହି ନିଷ୍ପତ୍ତି ଏମିତି ସମୟରେ ଆସିଛି , ଯେବେ ଛାତ୍ରଛାତ୍ରୀ ପରୀକ୍ଷାର ଶେଷ ପ୍ରସ୍ତୁତିରେ ଲାଗି ପଡ଼ିଥିଲେ। ଏନଟିଏ ପକ୍ଷରୁ ୨୪ ମେ’ରେ ଜାରି ସାର୍ବଜନିକ ନୋଟିସରେ ସ୍ପଷ୍ଟ କୁହାଯାଇଛି ଯେ, ୨୮ ମେ ୨୦୨୬ରେ ହେବାକୁ ଥିବା ଦୁଇ ସିଫ୍ଟର ପରୀକ୍ଷା ଏବେ ସ୍ଥିର ତାରିଖରେ ହେବ ନାହିଁ। ଏଜେନ୍ସି କହିଛି ଯେ, ଭାରତ ସରକାରଙ୍କ ପକ୍ଷରୁ ଇଦ୍-ଉଲ-ଜୁହା ଅର୍ଥାତ୍ ବକରିଦର ଛୁଟିର ତାରିଖରେ ପରିବର୍ତ୍ତନ କରାଯାଇଛି। ଏହାକୁ ଧ୍ୟାନରେ ରଖି ପରୀକ୍ଷା ସ୍ଥଗିତ କରିବାର ନିଷ୍ପତ୍ତି ନିଆଯାଇଛି। ଏନଟିଏ କହିଛି ଯେ, ନୂଆ ତାରିଖର ଘୋଷଣା ଖୁବ୍ ଶୀଘ୍ର କରାଯିବ।
ଏଜେନ୍ସି ଛାତ୍ରଛାତ୍ରୀଙ୍କୁ ପରାମର୍ଶ ଦେଇଛି ଯେ, ସେମାନେ ଲଗାତାର ଅଫିସିଆଲି ୱେବସାଇଟ୍ରେ ନଜର ରଖନ୍ତୁ , ଯାହାକି ନୂଆ ପରୀକ୍ଷା ତାରିଖ ଓ ଆଡମିଟ୍ କାର୍ଡ ସହ ଜଡ଼ିତ ସୂଚନା ସମୟାନୁସାରେ ମିଳି ପାରିବ। ଯଦି କୌଣସି ଛାତ୍ରଛାତ୍ରୀଙ୍କୁ ପରୀକ୍ଷା ସଂପର୍କିତ ସମସ୍ୟା କି ପ୍ରଶ୍ନ ଅଛି ତ ସେ ଏନଟିଏ ହେଲ୍ପଡେକ୍ସ ସହ ସଂପର୍କ କରିପାରିବେ। ଏଜେନ୍ସି ହେଲ୍ପଲାଇନ ନମ୍ୱର ୦୧୧-୪୦୭୫୯୦୦୦ ଓ ଇମେଲ ଆଇଡି[email protected]ଜାରି କରିଛି।
CUET UG ପରୀକ୍ଷା ଦେଶର ଅନେକ କେନ୍ଦ୍ରୀୟ ,ରାଜ୍ୟ ଓ ଘରୋଇ ବିଶ୍ୱବିଦ୍ୟାଳୟ ଗୁଡ଼ିକରେ ସ୍ନାତକ ପାଠ୍ୟକ୍ରମ ଆଦିରେ ଆଡମିସନ ପାଇଁ ଆୟୋଜିତ କରାଯାଏ। ଗତ କିଛି ବର୍ଷ ଗୁଡ଼ିକରେ ଏହି ପରୀକ୍ଷା ଦେଶର ସବୁଠୁ ବଡ଼ ପ୍ରବେଶ ପରୀକ୍ଷା ଗୁଡ଼ିକରେ ଅନ୍ତର୍ଭୁକ୍ତ ହୋଇ ସାରିଛି। ଏଥିରେ ପରୀକ୍ଷା ସ୍ଥଗିତ ହେବାର ଖବର ସିଧାସଳଖ ଲକ୍ଷ ଲକ୍ଷ ଛାତ୍ରଛାତ୍ରୀ ଓ ତାଙ୍କର ପରିବାରକୁ ପ୍ରଭାବିତ କରିଥାଏ।
ବର୍ତ୍ତମାନ ଛାତ୍ରଛାତ୍ରୀଙ୍କୁ ଚିନ୍ତା କରିବାର ଆବଶ୍ୟକ ନାହିଁ। ଯେଉଁ ପ୍ରାର୍ଥୀଙ୍କ ପରୀକ୍ଷା ୨୮ ମେ’ରେ ଥିଲା , ସେମାନଙ୍କୁ ନୂଆ ତାରିଖ ପାଇଁ ଅପେକ୍ଷା କରିବାକୁ ପଡ଼ିବ। ବିଶେଷଜ୍ଞଙ୍କ କହିବାନୁସାରେ , ପ୍ରସ୍ତୁତିର ସ୍ଥିରତାରୁ ବିଚ୍ୟୁତ ହୁଅ ନାହିଁ ଏବଂ ନିୟମିତ ପଢା ଜାରି ରଖନ୍ତୁ , କାରଣ ନୂଆ ତାରିଖ କେବେ ବି ଘୋଷଣା ହୋଇପାରେ।
ଏନଟିଏ ଦ୍ୱାରା ଜାରି ତଥ୍ୟ ଅନୁସାରେ, ଚଳିତ CUET UG 2026 ପାଇଁ ମୋଟ ୧୫,୬୮,୮୬୬ ଜଣ ଛାତ୍ରଛାତ୍ରୀ ରେଜିଷ୍ଟ୍ରେସନ କରାଇଛନ୍ତି। ଏହି ପରୀକ୍ଷା ଦେଶର ପ୍ରମୁଖ ବିଶ୍ୱବିଦ୍ୟାଳରେ ଅଣ୍ଡରଗ୍ରାଜୁଏଟ କୋର୍ସରେ ଆଡମିସନ ପାଇଁ ଆୟୋଜିତ କରାଯାଉଛି। ପରୀକ୍ଷା ସିବିଟି ମୋଡରେ ହେଉଛି।
ଆହୁରି ମଧ୍ୟ ପଢନ୍ତୁ : କଣ ଆପଣଙ୍କ ପାଖରେ ଅଛି SBIର ଡେବିଟ୍ କାର୍ଡ୍ , ମାଗଣା ମିଳୁଛି ୨୦ ଲକ୍ଷ ଟଙ୍କାର ଫାଇଦା
