ଭୁବନେଶ୍ଵର, ୧୪/୦୨ : ରାଜ୍ୟରେ ଅଛନ୍ତି ୫୨୮୪ ଭିକାରୀ। ଏଥି ମଧ୍ୟରୁ କଟକରେ ରହିଛନ୍ତି ସର୍ବାଧିକ ହଜାରେ ୬୦ ଭିକାରୀ। ଏହାବାଦ୍ ବରଗଡ଼ରେ ୫୯୫, ଗଞ୍ଜାମ ଜିଲ୍ଲାରେ ୫୪୫, ବଲାଙ୍ଗୀରରେ ୪୮୨, ସୁନ୍ଦରଗଡ଼ରେ ୪୧୭ ଭିକାରୀ ରହିଛନ୍ତି। ପୁରୀରେ ସର୍ବନିମ୍ନ ୩୫୦ ଜଣ ଭିକାରୀ ଅଛନ୍ତି। ବିଧାୟକ ଲକ୍ଷ୍ମଣ ବାଗ୍ଙ୍କ ପ୍ରଶ୍ନରେ ସାମାଜିକ ସୁରକ୍ଷା ଓ ଭିନ୍ନକ୍ଷମ ସଶକ୍ତିକରଣ ମନ୍ତ୍ରୀ ନିତ୍ୟାନନ୍ଦ ଗଣ୍ଡ ବିଧାନସଭାରେ ଏହି ଉତ୍ତର ରଖିଛନ୍ତି।
ପୁରୀ ସହର ତଥା ଏହାର ଆଖପାଖ ଅଞ୍ଚଳରକୁ ଭିକାରି ମୁକ୍ତ କରିବା ପାଇଁ ଜିଲ୍ଲା ପ୍ରଶାସନ ନିଳାଦ୍ରୀନିଳୟ ଯୋଜନା ଆରମ୍ଭ କରିଛି। ସେହିପରି ଭୁବନେଶ୍ୱରରେ ଏକାମ୍ର ନୀଳୟ ଅଭିଯାନ କରାଯାଇଛି। ଭିକ୍ଷୁକମୁକ୍ତ କରିବା ପାଇଁ ଯୋଜନା ହାତକୁ ନିଆଯାଇଛି। ସେମାନଙ୍କ ରହିବା, ଖାଇବା ଓ ସମାଜର ମୁଖ୍ୟ ସ୍ରୋତକୁ ଫେରାଇ ଆଣିବା ନିମନ୍ତେ ଆବଶ୍ୟକ ତାଲିମ ଦିଆଯାଉଛି। ଆବଶ୍ୟକସ୍ଥଳେ ସେମାନଙ୍କ ପରିବାର ସହ ଯୋଗାଯୋଗ କରି ପୁନଃ ସ୍ୱଗୃହରେ ଥଇଥାନ ବ୍ୟବସ୍ଥା କରାଯାଉଛି।
ଏହି ଖବରଟିକୁ ପଢନ୍ତୁ-ଚାଲିପାରୁନି ବିଧାନସଭା... ବିରୋଧୀଙ୍କ ପ୍ରବଳ ହଟ୍ଟଗୋଳ, ଅପରାହ୍ନ ୪ଟା ଯାଏଁ ଗୃହ ମୁଲତବୀ
