ଭୁବନେଶ୍ୱର ୩୧/୦୭: ପ୍ରାୟ ଲୋକଙ୍କର ଓଜନ ବଢିବାର ପ୍ରମୁଖ କାରଣ ହେଉଛି ଭୁଲ୍ ଜୀବନଶୈଳୀ ଓ ଖାଦ୍ୟପାନୀୟ । ଓଜନ ଥରେ ବଢିବା ପରେ ଏହାକୁ କମ୍ କରିବା ଏତେ ସହଜ ହୁଏନା । ତେଣିକି ଆମେ ଯେତେ ରୁଟିନ୍ ସେଟ୍ କରିଥାଉ । ଓଜନ ଉପରେ ଏହାର ପ୍ରଭାବ ଖୁବ୍ କମ୍ ପଡିଥାଏ । ଘର ଓ ଅଫିସ୍ କାମର ଚାପ ଏତେ ଯେ ନିୟମିତ ବ୍ୟାୟାମ କରିବା ପ୍ରାୟ ଲୋକଙ୍କ ପାଇଁ ଆଦୌ ସମ୍ଭବ ହୋଇନଥାଏ । ସେହିପରି ଅନେକ ସମୟରେ ଏଣୁତେଣୁ ଖାଇବା ଦ୍ୱାରା ମଧ୍ୟ ଚର୍ବି ବଢିଥାଏ । ଓଜନ କମାଇବାର ସହଜ ଉପାୟ ହେଉଛି ଗହମ ରୁଟି ପରିବର୍ତ୍ତେ ଓଟସ୍ ଅଟାରେ ତିଆରି ଖାଦ୍ୟ ବ୍ୟବହାର କରିପାରିବେ । ଓଟସ୍ ଗ୍ଲୁଟେନ୍ ମୁକ୍ତ ହୋଇଥାଏ । ଏହା ଶରୀରକୁ ସୁସ୍ଥ ରଖିବା ସହ ଓଜନ ହ୍ରାସ କରିବାରେ ପ୍ରମୁଖ ଭୂମିକା ଗ୍ରହଣ କରିଥାଏ ।
- ଓଟସ୍ ଅଟା କ’ଣ? ଓଟସ୍କୁ ପେଶି ଅଟା ତିଆରି କରାଯାଏ । ଏହା ଗ୍ଲୁଟେନ୍ ମୁକ୍ତ, ଯାହା ସାଲ୍ୟୁବଲ୍ ଫାଇବରର ଏକ ସୁସ୍ଥ ସ୍ରୋତ । ଅନ୍ୟ ଅଟାରେ ମଧ୍ୟ ଏହା ରହିଥାଏ, ଯାହା ନ୍ୟୁଟ୍ରିଏଣ୍ଟ ମୂଲ୍ୟକୁ ବଢାଇଥାଏ ।
- ଅଟାର ଫାଇଦା ଓଟସ୍ ଅଟା କୋଲୋଷ୍ଟେରଲ୍ କମ୍ କରିବା ଓ ମଧୁମେହ ବିରୋଧୀ ପ୍ରଭାବ ଯୋଗୁ ବେଶ୍ ଲୋକପ୍ରିୟ । ଓଟ୍ମିଲ୍ ଓ ଓଟ୍ର ପୋଷଣ ମୂଲ୍ୟ ଭିତରେ କୌଣସି ଭିନ୍ନତା ନାହିଁ ।
- ରକ୍ତଚାପକୁ ନିୟନ୍ତ୍ରିତ କରେ ଓଟସ୍ ଅଟାରେ ଇଭେନଥ୍ରାମାଇଟିସ୍ ସହିତ ଆଉ କେତେକ ଆଣ୍ଟି- ଅକ୍ସିଡାଣ୍ଟ ମଧ୍ୟ ରହିଥାଏ । ଏହା ନାଇଟ୍ରିକ୍ ଅକ୍ସାଇଡର ଉତ୍ପାଦନକୁ ବଢାଇ ରକ୍ତଚାପ ସ୍ତରକୁ କମ୍ କରିଥାଏ । ନ୍ୟାସନାଲ୍ ସେଣ୍ଟର ଫର୍ ଟେକ୍ଟୋଲୋଜି ଇନ୍ଫର୍ମେସନ୍ରୁ ମିଳିଥିବା ରିପୋର୍ଟ ଅନୁସାରେ ବର୍ଡର ଲାଇନ୍ ରକ୍ତଚାପ ଥିବା ରୋଗୀଙ୍କଠାରେ ସିଷ୍ଟୋଲିକ୍ ଓ ଡାଇଷ୍ଟୋଲିକ୍ ରକ୍ତଚାପକୁ କମ୍ କରିବାରେ ସାହାଯ୍ୟ କରିଥାଏ । ସେଥିପାଇଁ ଓଟସ୍କୁ ରକ୍ତଚାପ ରୋଗୀଙ୍କ ପାଇଁ ସୁସ୍ଥ ଭୋଜନ ବୋଲି କୁହାଯାଇଥାଏ ।
- ସୁଧାରେ ପାଚନତନ୍ତ୍ର ଓଟସ୍ରେ ଥିବା ଡାଇଟ୍ରି ଫାଇବର୍ ହଜମ ପ୍ରକ୍ରିୟାକୁ ସହଜ କରାଏ । ଏହା ମଳକୁ ନରମ କରାଏ । ଫଳରେ ମଳ ବାହାରକୁ ଆସିବା ସହଜ ହୋଇଥାଏ । ତା' ସହିତ ସମ୍ପୂର୍ଣ୍ଣ ଅନ୍ତଃନଳୀକୁ ମଧ୍ୟ ସୁସ୍ଥ ରଖିଥାଏ । ଏହା କବ୍ଚ ଓ ଇରିଟେଟେଡ୍ ବାଉଲ୍ ସିଣ୍ଡ୍ରୋମ୍ ପରି ପାଚନ ସମ୍ବନ୍ଧୀ ସମସ୍ୟାକୁ ମଧ୍ୟ କମ୍ କରିଥାଏ ।
- ଓଜନ କମାଏ ଡାଇଟ୍ରି ଫାଇବର ଯୋଗୁ ଏହାକୁ ଓଜନ କମାଇବା ପାଇଁ ପୌଷ୍ଟିକ ଆହାର ଭାବେ ଗ୍ରହଣ କରାଯାଇଛି । ଓଟସ୍ରେ ମେଟାବଲିଜିମ୍ ଅଧିକ ଥିବାରୁ ଏହା ଶରୀରର ସିସିକେ ହରମୋନ୍କୁ ସକ୍ରିୟ କରାଇଥାଏ । ଫଳରେ ମସ୍ତିଷ୍କକୁ ପେଟ ପୁରିଗଲା ବୋଲି ନିର୍ଦ୍ଦେଶ ମିଳିଥାଏ । ଏହା ଫ୍ୟାଟ୍କୁ ଅବଶୋଷଣ କରିବା ସହ ପେଟକୁ ପରିଷ୍କାର କରିଥାଏ । ନିୟମିତ ଖାଦ୍ୟରେ ଓଟସ୍ ସାମିଲ୍ କରିବା ଦ୍ୱାରା ଆବଶ୍ୟକ ଫାଇବର ଶରୀରକୁ ମିଳିଯାଇଥାଏ ।
