ଭୁବନେଶ୍ୱର ୧୨/୦୧: ପ୍ରେକ୍ଷାଳୟକୁ ଆସିବା ପାଇଁ ସଜବାଜ ହେଉଛି ପ୍ରଯୋଜକ ବିଜୟ କାଣ୍ଡୋଇଙ୍କ ନୂଆ ଚଳଚ୍ଚିତ୍ର ‘ମାୟା ମରୀଚିକା’ । ଏହାରି ଭିତରେ ସିନେମାର ସମସ୍ତ ଦୃଶ୍ୟ ସୁଟିଂ ସରିଯାଇଛି । ଏଡିଟିଂ ବି ଶେଷ ହେଲାଣି । କେବଳ ସେନ୍ସରକୁ ଅପେକ୍ଷା । ବବି ଇସ୍ଲାମ ଏହାର ନିର୍ଦ୍ଦେଶନା ଦେଇଛନ୍ତି । ସଂଳାପ ଲେଖିଛନ୍ତି ଡ. ରଜନୀ ରଞ୍ଜନ । ଫିଲ୍ମର କାହାଣୀ ପୂରାପୂରି ନିଆରା ।
ଏଥିରେ ଶୁଭାଶିଷ, ଲିପ୍ସା ମିଶ୍ର ମୁଖ୍ୟ ଚରିତ୍ରରେ ଅଭିନୟ କରିଥିବାବେଳେ ସରଅପା, ପ୍ରିୟଙ୍କା, ଐଶ୍ୱର୍ଯ୍ୟା, ବୀରେନ ମିଶ୍ର ପ୍ରମୁଖ ଅନ୍ୟାନ୍ୟ ଚରିତ୍ରରେ ନଜର ଆସିବେ । ଫିଲ୍ମରେ ସ୍ଥାନିତ ହୋଇଛି ୩ଟି ଗୀତ, ଯାହାର ସଂଗୀତ ନିର୍ଦ୍ଦେଶନା ଦେଇଛନ୍ତି ଅଭିଜିତ ମଜୁମଦାର । କଟକ, ଭୁବନେଶ୍ୱର ଅଞ୍ଚଳର ସୁନ୍ଦର ସୁନ୍ଦର ଲୋକେସନ୍ରେ ଏ ଫିଲ୍ମର ସୁଟିଂ କରାଯାଇଛି । ମୁଖ୍ୟ ନାୟିକା ଲିପ୍ସା ଏଥିରେ ଏକ ଭିନ୍ନ ଚରିତ୍ରରେ ଅବତୀର୍ଣ୍ଣ ହୋଇଛନ୍ତି, ଯାହାକୁ ଦର୍ଶକ ବେଶ୍ ପସନ୍ଦ କରିବେ ବୋଲି ପ୍ରଯୋଜନା ସଂସ୍ଥା ପକ୍ଷରୁ କୁହାଯାଇଛି ।
