ଭୁବନେଶ୍ୱର, ୨୩/୦୪: ଜାମ୍ମୁ କାଶ୍ମୀରର ପହଲଗାମରେ ଗତକାଲି ଆତଙ୍କବାଦୀ ଘଟାଇଥିବା କ୍ରୁର ପର୍ଯ୍ୟଟକ ନରସଂହାର ନେଇ ଓଡ଼ିଶା ପ୍ରଦେଶ କଂଗ୍ରେସ କମିଟିର ଦୃଢ଼ ନିନ୍ଦା। ଏହି ଘଟଣାକୁ ନେଇ କଂଗ୍ରେସ ଶୋକ ବ୍ୟକ୍ତ କରିଛି । କଂଗ୍ରେସ କହିଛି ଯେ, ଏହା ମାନବତା ଉପରେ ହିଂସାତ୍ମକ କାଳିମାର କଳଙ୍କ । ଓଡ଼ିଶା ପ୍ରଦେଶ କଂଗ୍ରେସ କମିଟି ୨୬ ଜଣ ମୃତକ ପର୍ଯ୍ୟଟକମାନଙ୍କ ଶୋକାକୂଳ ପରିବାର ବର୍ଗଙ୍କୁ ସମବେଦନା ଜଣାଇବା ସହ ୩୬ ଜଣ ଗୁରୁତର ଆହତ ବ୍ୟକ୍ତିମାନଙ୍କର ଆଶୁ ଆରୋଗ୍ୟ କାମନା କରୁଛି ।
ବାଲେଶ୍ୱର ରେମୁଣାର ପ୍ରଶାନ୍ତ ଶତପଥୀଙ୍କ ପରିବାର ସହ ଆମେ ଏହି ଦୁଃଖଦ ସମୟରେ ରହିଛୁ। ସମଗ୍ର ଦେଶ ଆଜି ଏକାଠି ହୋଇଛି ଆତଙ୍କବାଦ ବିରୁଦ୍ଧରେ ଲଢ଼ିବା ପାଇଁ। ଶାନ୍ତି, ସଂହତି ରକ୍ଷା ପାଇଁ ସ୍ବାଭବିକତାକୁ ଫେରାଇ ଆଣିବାପାଇଁ ଅଛି ବୋଲି ପ୍ରଚାରର କଂଗ୍ରେସ ସଭାପତି ବରିତ ହେବା ଉଚିତ । ଶ୍ରୀ ମଲ୍ଲିକାର୍ଜୁନ ଖାଡ଼ଗେ, ଶ୍ରୀମତୀ ସୋନିଆ ଗାନ୍ଧୀ, ଶ୍ରୀ ରାହୁଲ ଗାନ୍ଦୀ ଓ ଅତ୍କଳ ଭାରତ କଂଗ୍ରେସ କମିଟି ଦୃଢ଼ ନିନ୍ଦା କରିବା ସହିତ ଦିବଂଗତ ଆତ୍ମା ମାନଙ୍କ ପ୍ରତି ଶ୍ରଦ୍ଧାଞ୍ଜଳି ଜଣାଇବା ଉଦ୍ଦେଶ୍ୟରେ ପାରିତ ହେଲା।
ଦେଶର ଏଭଳି ସଙ୍ଗୀନ ସମୟରେ ଦେଶବାସୀ ଏକାଠି ବିଛିନ୍ନତାବାଦୀ ତତ୍ୱ ମାନଙ୍କ ବିରୁଦ୍ଧରେ ଲଢ଼ିବେ । ଶାନ୍ତି, ସଂହତି ପାଇଁ ମିଳିତଭାବେ କାର୍ଯ୍ୟ କରିବେ । ତେବେ ଜାମ୍ମୁ କାଶ୍ମୀରରେ ସ୍ୱାଭାବିକତା ବଜାୟ ରହିଛି ବୋଲି ଯାହା ପ୍ରଚାର କରାଯାଉଥିଲା ଏବେ ସେଭଳି ପ୍ରଚାରରୁ ବିରତ ରହି ସ୍ବାଭାବିକତା ଫେରାଇବାପାଇଁ ମିଳିତ ଉଦ୍ୟମ ହେବା ଉଚିତ । ସର୍ବଦଳୀୟ ବୈଠକ ଡକାଯାଇ ମିଳିତ ଭାବେ ଦେଶ ଏଭଳି ଧାର୍ମିକ ମତାନ୍ଧତା ଓ ଉନ୍ମାଦର ମୁକାବିଲା କରିବା ଉଚିତ । ଉତ୍କଳ ଭାରତ କଂଗ୍ରେସ କମିଟି ସଭାପତି ଶ୍ରୀ ମଲ୍ଲିକାର୍ଜୁନ ଖଡ଼ଗେ, ଶ୍ରୀମତୀ ସୋନିଆ ଗାନ୍ଧୀ, ଶ୍ରୀ ରାହୁଲ ଗାନ୍ଧୀ ଏଭଳି ଅମାବନୀୟ ନରସଂହାରର ଦୃଢ଼ ନିନ୍ଦା କରିବା ସହ ଦେଶବାସୀ ଏକାଠି ଲଢ଼ିବା ପାଇଁ ଡାକରା ଦେଇଛନ୍ତି। ଦିବଙ୍ଗ ଆତ୍ମାମାନଙ୍କ ପ୍ରତି ଶ୍ରଦ୍ଧାଞ୍ଜଳି ଜଣାଇବା ଉଦ୍ଦେଶ୍ୟରେ ପ୍ରଦେଶ କଂଗ୍ରେସ ରାଜନୈତିକ ବ୍ୟାପାର କମିଟି ଦୁଇ ମିନିଟ ନୀରବ ପ୍ରାର୍ଥନା କରୁଛି ।
