କଟକ ୨୮/୦୧: ତେଲେଙ୍ଗାପେଣ୍ଠ ନିକଟରେ ମର୍ମନ୍ତୁଦ ସଡକ ଦୁର୍ଘଟଣା। ହାଇଓ୍ବାକୁ ଧକ୍କା ଦେଲା ଓମଫେଡ ଗାଡି। ଟ୍ରକ୍ କ୍ୟାବିନ୍ରେ ଫସି ରହିଥିଲେ ହେଲ୍ପର। ଡ୍ରାଇଭର ଆହତ ହୋଇଥିବା ସୂଚନା। ଘଟଣାସ୍ଥଳରେ ଅଗ୍ନିଶମ ବାହିନୀ ଏକ ଟିମ୍ ପହଞ୍ଚି ଗାଡ଼ି ଭିତର ହେଲ୍ପର୍ଙ୍କୁ ଉଦ୍ଧାର କରିଥିବା ଜଣାପଡିଛି। ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଏସ୍ସିବି ମେଡିକାଲରେ ଭର୍ତ୍ତି କରାଯାଇଛି।
ସୂଚନା ଅନୁଯାଇ, ଆଜି ସକାଳେ ଓମ୍ଫେଡ ଗାଡ଼ି ନମ୍ବର(ଓଆର୍୦୨ ବିଜି୯୧୬୩) ନରାଜରୁ ଫୁଲନଖରା ହବ୍କୁ ଫେରୁଥିଲା। ତେଲେଙ୍ଗାପେଣ୍ଠ ନିକଟରେ ଏକ ହାଇଓ୍ବାକୁ ସମ୍ମୁଖ ପଟୁୁ ଧକ୍କା ଦେଇଥିଲା ଓମ୍ଫେଡ ଗାଡ଼ି। ଫଳରେ ଟ୍ରକ୍ କ୍ୟାବିନ୍ରେ ହେଲ୍ପର ଜଣକ ଫସି ରହିଥିଲେ। ଏନେଇ ବାରଙ୍ଗ ଅଗ୍ନିଶମ ବାହିନୀଙ୍କୁ ସୂଚନା ଦିଆଯାଇଥିଲା। ଘଟଣାସ୍ଥଳରେ ଏକ ଟିମ୍ ପହଞ୍ଚି ଦୀର୍ଘ ଘଣ୍ଟାଏ କସରତ କରିବା ପରେ ହାଇଡ୍ରୋଲିକ କଟର ସାହାର୍ଯ୍ୟରେ ହେଲ୍ପରଙ୍କୁ ଉଦ୍ଧାର କରାଯାଇଥିଲା। ତାଙ୍କୁ କଟକ ଏସ୍ସିବି ମେଡିକାଲ ପଠାଯାଇଥିବା ସୂଚନା ମିଳିଛି। ଘଟଣାସ୍ଥଳରେ ସ୍ଥାନୀୟ ପୋଲିସ ପହଞ୍ଚି ଗାଡ଼ି ଦୁଇଟିକୁ ଜବତ କରି ତଦନ୍ତ ଆରମ୍ଭ କରିଛି।
