ଉମରକୋଟ ୧୬/୦୫ (ଆପ୍ର): ବଜ୍ରପାତ ଘଟି ଜଣେ ନାବାଳକଙ୍କ ମୃତ୍ୟୁ ଘଟିଥିବା ବେଳେ ଜଣେ ବ୍ୟକ୍ତି ଗୁରୁତର ହୋଇଛନ୍ତି। ଏଭଳି ଏକ ଅଭାବନୀୟ ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ଉମରକୋଟ ଥାନା ଅଧୀନରେ। ମୃତକ ଜଣକ ହେଲେ ବେନୋରା ପଞ୍ଚାୟତ ଶଙ୍କରଡା ଗ୍ରାମର ଲଳିତ ମାଝୀ (୧୫)ଓ ଗୁରୁତର ଜଣକ ହେଲେ ଚୈତରାମ ମାଝୀ (୩୫)। ସମ୍ପର୍କର ଏହି ଦୁହେଁ ଦାଦା ଓ ପୁତୁରା।
ମିଳିଥିବା ସୂଚନା ଅନୁସାରେ ଏହି ଦୁହେଁ ଆଜି ଜମିରେ କାମ କରୁଥିଲେ। ଏହି ସମୟରେ ହଠାତ୍ ବିଜୁଳି ସହ ଘଡ଼ଘଡ଼ି ମାରି ବଜ୍ରପାତ ହୋଇଥିଲା। ବଜ୍ରପାତ ଆଘାତ ରେ ଦୁହେଁ ଗୁରୁତର ହୋଇପଡିଥିଲେ। ପାଖ ଜମିରେ କାମ କରୁଥିବା ଅନ୍ୟ ଲୋକେ ଏହା ଦେଖି ଦୈାଡି ଆସି ଗୁରୁତର ଅବସ୍ଥାରେ ଦୁହିଁଙ୍କୁ ଉଦ୍ଧାର କରି ଆମ୍ବୁଲାନ୍ସ ଯୋଗେ ଉମରକୋଟ ଉପଖଣ୍ଡ ଚିକିତ୍ସାଳୟକୁ ପଠାଇଥିଲେ। ଡାକ୍ତରଖାନାରେ ଚିକିତ୍ସାଧୀନ ଅବସ୍ଥାରେ ଲଳିତ ଚୈତରାମଙ୍କ ମୃତ୍ୟୁ ଘଟିଥିଲା। ବର୍ତ୍ତମାନ ଚୈତରାମ ଉମରକୋଟ ଡାକ୍ତରଖାନାରେ ଚିକିତ୍ସାଧୀନ ଅଛନ୍ତି।
